هل فيه نيسان صنى الشكل الجديد 2013 فى مصر بمواصفات خليجى ؟

**bakka2010** · 24-06-2012 03:31 PM

المشاركة الأصلية كتبت بواسطة mohab555

لو فى خليجى اكيد هتبقى اغلى من بتاعة الوكيل
اوتو ايجيبت من انجح الشركات فى موضوع التسعير ده

أنا عارف أنها هاتكون أغلى من الوكيل . ده طبيعى . لكن هايكون فيها العدادات الليد والتكييف التاتش والجنوط والحاجات الحلوه دى . من غيرها العربيه ناقصه كتير .

**bakka2010** · 24-06-2012 08:48 PM

المشاركة الأصلية كتبت بواسطة hossam_elwani

انا حتصل بسمير ريان ملك الخليجى فى مصر وارد عليكم بلاخبار.......

فى إنتظار رد حضرتك . يارب تكون أخبار حلوه .

**bakka2010** · 24-06-2012 08:50 PM

المشاركة الأصلية كتبت بواسطة saadelden

اعتقد مش هاتنزل بعدادات ليد
كل الاخبار بتقول هاتنزل بجنوط و اسبويلر و مالتي فنكشن و احتمال مثبت سرعه

ميزه العربيه دي انها ارخص عربيه اوتوماتك فيها 2 air bag و abs و ebd و ba
كل الماركات التانيه بعديه 120 الف ع الاقل الي بنفس الامكانيات

للأسف سمعت الأخبار دى .. بس لسه عندى أمل يعملوا فيها العدادات والتكييف والأخبار تطلع غلط .
وبعدين أنا بجد مش فاهم هى العدادات دى هاتفرق كام يعنى فى السعر عشان يشيلوها من العربيه ؟ بجد حاجه رخمه أوى .. تلاقيها موفره 2 جنيه مثلا . هههههه .

**hossam_elwani** · 26-06-2012 07:19 PM

المشاركة الأصلية كتبت بواسطة hossam_elwani

انا حتصل بسمير ريان ملك الخليجى فى مصر وارد عليكم بلاخبار.......

تم الآتى تم الاتصال بسمير ريان ملك الخليجى فى مصر و الحبيب كار وسألته عن الصنى الخليجى قالى ما بينزلش منها فى الخليج اصلا !!!!!!!!!!! قولت له راجع معلوماتك كويس الصنى موجوده فى السعوديه والامارت قالى طيب ايه المطلوب قولت له هل ممكن تتوفر فى المستقبل او لو تم طلب دفعه مجمعه زى 5 عربيات مثلا ؟؟ قالى لا موعدكش والقاعده فى السوق المصرى طول مافيه عربيه بتتجمع فى مصر مش حتلاقى منها خليجى

يعنى الى حيتعلق بلخليجى اقوله بلاش لان فى الوقت الحالى مش ممكن تكون متوفره

تحياتى

**saadelden** · 26-06-2012 08:37 PM

المشاركة الأصلية كتبت بواسطة bakka2010

للأسف سمعت الأخبار دى .. بس لسه عندى أمل يعملوا فيها العدادات والتكييف والأخبار تطلع غلط .
وبعدين أنا بجد مش فاهم هى العدادات دى هاتفرق كام يعنى فى السعر عشان يشيلوها من العربيه ؟ بجد حاجه رخمه أوى .. تلاقيها موفره 2 جنيه مثلا . هههههه .

مش عارف مين الي افتكسلهم حكايه العدادات و فعلا هتوفر عليهم اد ايه
دا عربيه زي اللوجان ب 70 الف و فيها العدادات المنفصله

العربيه في السعوديه ب 58 الف ريال الكامله يعني لو نزلت مصر بعد الجمركه هاتوصل ل 130 الف جنيه
هي ف مصر لو بس غيرو العدادات في السوبر صالون مع جنوط و طاره مالتي اكيد هاتبقى مرغوبه اكتر بكتير من الوضع الحالي
سعرها لو 110 مثلا يبقى كويس اوي لانها كدا كدا تجميع مصري و بعض المكونات مصري ف لازم تكون ارخص
و اعتقد شويه زراير مش هايعملو الكام الف جنيه دول

**bakka2010** · 26-06-2012 08:39 PM

المشاركة الأصلية كتبت بواسطة hossam_elwani

تم الآتى تم الاتصال بسمير ريان ملك الخليجى فى مصر و الحبيب كار وسألته عن الصنى الخليجى قالى ما بينزلش منها فى الخليج اصلا !!!!!!!!!!! قولت له راجع معلوماتك كويس الصنى موجوده فى السعوديه والامارت قالى طيب ايه المطلوب قولت له هل ممكن تتوفر فى المستقبل او لو تم طلب دفعه مجمعه زى 5 عربيات مثلا ؟؟ قالى لا موعدكش والقاعده فى السوق المصرى طول مافيه عربيه بتتجمع فى مصر مش حتلاقى منها خليجى

يعنى الى حيتعلق بلخليجى اقوله بلاش لان فى الوقت الحالى مش ممكن تكون متوفره

تحياتى

شكرا على المعلومات . جزاك الله خيرا على مجهودك ومساعدتك لينا .
وكد يبقى مش قدامنا غير إننا نعرف السوبر صالون اللى هاتنزل فى شهر عشره تفرق إيه عن الموجوده حاليا .لو مش هايبقى فيها العدادات الليد والتكييف التاتش زى ماسمعنا يبقى قلتها أحسن . ومش ليها لازمه غير فى الجنوط وهاشترى الحاليه ومش هاستناها .

**bakka2010** · 26-06-2012 08:42 PM

المشاركة الأصلية كتبت بواسطة saadelden

مش عارف مين الي افتكسلهم حكايه العدادات و فعلا هتوفر عليهم اد ايه
دا عربيه زي اللوجان ب 70 الف و فيها العدادات المنفصله

العربيه في السعوديه ب 58 الف ريال الكامله يعني لو نزلت مصر بعد الجمركه هاتوصل ل 130 الف جنيه
هي ف مصر لو بس غيرو العدادات في السوبر صالون مع جنوط و طاره مالتي اكيد هاتبقى مرغوبه اكتر بكتير من الوضع الحالي
سعرها لو 110 مثلا يبقى كويس اوي لانها كدا كدا تجميع مصري و بعض المكونات مصري ف لازم تكون ارخص
و اعتقد شويه زراير مش هايعملو الكام الف جنيه دول

أتفق معاك فى كل كلمه قولتها . ماعدا المالتى فانكشن مش فارق معايا . الحاجات المؤثره فعلا العدادات الليد والتكييف التاتش والجنوط ... فقط لاغير .