هو التقديم فى الكليه العسكريه
قبل ظهور النتيجه ولا بعدها
وربنا يستر :stink[1]::stink[1]:
عرض للطباعة
هو التقديم فى الكليه العسكريه
قبل ظهور النتيجه ولا بعدها
وربنا يستر :stink[1]::stink[1]:
ياباشا هنا منتدي البيع والشراء
اعمل موضوع في القسم الاجتماعي
انا افتكرتك عارض عقيد للبيع ولا حاجه :)
بعد النتيجة طبعا
سحب الملفات بيبقى قبل النتيجة تقريبا
هههههههه لا عميد يا للبيع
يا عم انا بعمل الموضوع فى القسم الاجتماعى بقعد 100 سنه على بال ما اعرف اى حاجه هنا الناس بترد بسرعه بس كده :d
اوعى
اوعى ايه بالظبط ؟؟
اوعى تقدم في كلية عسكرية طبعا )))
مهو فى مشكله دلوقتى انا اتزنقت فى انى خلاص مفيش اى حاجه ممكن اقدم فيها انا اتظبط فى امتحان الفيزياء امبارح الحمدلله ودلوقتى مجموعى ان شاء الله مش هيعمل حاجه ف بسأل مع انى كاره جداً التقييد بسبب الكليه لان انا بحب التحرك والسفر والكليه مش هتسمحلى بكده وربنا يسترها ان شاء الله
والله ربنا يسترها يا رب
انا اول مره اتحط فى الموقف ده مش عارف اختار اى حاجه فى اى حاجه
انا جبت 91 السنه ال فاتت قولت اشد حيلى اجيب 98 مثلاً السنه يبئا هندسه ربنا مكتبهاليش واتظبطت فى الفيزياء يعنى لو قفلت الامتحانين الجايين اجيب 93 بالعافيه فى ال سنتين لو لحقت حاسبات ومعلومات هدخلها ان شاء الله بس فى اى اقتراحات اخرى بعيده عن الخاص لانى مبعترفش بيه
ان شاء الله تلحق حاسبات او تطبيقية او فنون جميلة عمارة او تخطيط
طيب ممكن شرح حاسبات وتمام مفهومه
انا بئا مش فاهم اى حاجه فى تطبيقيه
وفنون جميله ان شاء الله رايح اختبارها
وايه تخطيط دى بئا ؟؟؟
الله المستعان وربنا يسهل
هى تخطيط دى ايه نظام مجموعها ؟؟
اوعى
لا انا الفكره ابتديت تتبخر خلاص:angel::angel:
مش عايز احبس نفسى فى سجن انا كارهه اساساً
وكله عشان المرتب ومش المرتب بلا عسكر بلا بتاع
ده انا بقول يسقط يسقط حكم العسكر بئالى سنه
هبئا منافق و ادخل كليه عسكريه كمان :N_no[1]::N_no[1]:
اوعى
ممنوع كتابه اللغه العربيه باحرف اجنبيه
مشرف عام 1
بص يا محمد ده رأيى ورأى ناس كتير
الكليه العسكريه ما هى الا سجن لحياتك
وقالب بتتحط فيه
لا ليك سفر بمزاجك ولا شغلك بمزاجك ولا اى حاجه بيتك بتدخله مره كل 10 ايام مثلاً
على طول بعيد عن البيت انا كنت ناوى برده على فنيه
انا ليا ابن عم ما شاء الله مرمى فى سيناء كعندوش شبكة موبايل حتى بنكلمه مره كل 3 ايام بيروح يقعد 15 يوم ويجى اسبوع
مزاياها كتير بس مبتتمتعش بيها غير لما تطلع معاش انا عن نفسى طلعتها من دماغى خالص وان شاء الله
حاسبات
فنون عماره
فنون تطبيقيه
فنون فنون قسم ديكور
علوم
تخطيط
bis
ده ال انا ناوى عليه ان شاء الله وربنا يسترها
ان شاء الله خيـــــــــــــــ للجميع ــــــــــــــــر
انت فجأه كرهت الكليات العسكريه كده ليه :)
الكليات العسكريه كويسه بس للي بيحبها و اللي بيحب الحياه العسكريه و الميري و هيستحمل كل حاجه بس لو هو حاببها فقط
انما لو مش حاببها يبقى فعلا اوعى لانها هتبقى تقيله قوي عليك و هتبقى مخنوق و مش مستحمل و هتبقى بتتلكك و عايز تعمل اي حاجه عشان تخرج
و كله في الاخر رأيك انت هو اللي بيفرق
يعني انا كنت عايز ادخل حربيه بس للاسف مقبلتش // هل انا سعيد في حياتي دلوقتي ؟ لا لاني كان نفسي ادخل جدااا حربيه و كنت هستحمل قرفها فقط لاني كنت حاببها
هو عموما انا بسمع حكايه خليك مدني و هتبقى حر و حياتك ملكك و تعمل اللي انت عايزه و تروح اي حته وقت مانت عايز و الحوارات دي // بصراحه انا لسه مجربتش عشان لسه متخرجتش بس اديني قاعد و مستني اشوف :)
والله انا مش عارف انا الدنيا بايظه معايا خالص ومش عارف
فى رأيين
1-بيقول انى ادخل فنيه عسكريه اقعد 10 سنين واسوى معاشى وابئا مهندس وكنت بقبض كويس ومركز وكل حاجه
2-بيقول ادخل اى حاجه عشان ابئا حر
^^
ملحوظه : ال بيقول ده بابا ماشى هههههه
ماهو زي مانا قولتلك شوف انت عايز ايه بالظبط و الوالد بينصحك عشان ميجبركش على حاجه و في الاخر تندم و تقوله يا ريتني عملت و معملتش
حدد انت بس اللي عايزه / استشير الوالد لان نصيحته هتبقى مهمه قوي
و اتكل على الله :)
انا والله العظيم ما عارف انا عايز ايه انا حولت 4 مرات من علوم لرياضه ومن رياضه لعلوم لانى مش مستقر
انا طول السنه شويه جويه لا فنيه لا حربيه لا هندسه لا فنون لا تطبيقيه لا تجاره مش عارف اخنار ايه والموضوع تاعبنى جداً
لدرجة الجنـــــــــــــــــــــ ــــــــــــــــــون
خلاص يا سيدي انت بكل بساطه معندكش المعلومات الكافيه لكل مجال عشان كده محتار
طب ايه الحل ؟ اسأل استشير :) يعني اي حاجه نفسك تعرف معلومات عنها اسألنا هنا و اللي يعرف ان شاء الله هيرد
و لما تكون شويه معلومات حلوه عن كل المجالات اللي انت محتار فيهم اكيد دماغك هتستقر على حاجه معينه
يعني مثلا : هو خريج الفنون جميله بيشتغل في ايه ؟ هي كليه تجاره صعبه ولا سهله ؟ هي الكليات العسكريه كام كليه و ايه نظامهم و مرتبات الظباط ايه ؟
شوف انت بس اي حاجه و اسأل براحتك و ان شاء الله هتستقر
اوك
اولاً الكليات العسكريه انا معلوماتى عنها ان هما
فنيه
دفاع جوى
بحريه
حربيه
جويه
افضلهم فى وجهة نظرى
فنيه
بحريه
جويه
حربيه
عندى اختيار تانى
فنون جميله
ديكور
عماره
فنون تطبيقيه
مش عارف ليهم شغل ولا لا او اختباراتهم صعبه ولا لا وايه اختباراتهم اساساً
اخر كليه وال مقصود بيها تجاره
bis
دى كليه تبع جامعة حلوان بمصاريف
8500 جنيه فى السنه
بتدرس تسويق تجاره كمبيوتر محاسبه وحاجات كده
برده معرفش ليها شغل ولا لا
هما هيعلنوا عن بدء سحب الملفات ولكن التقديم بيبقى بعد النتيجة يعنى السحب غالبا بيبدأ قبل النتيجة
خلاص ان شاء الله الواحد يخلص ويروح يسحب الملف
ربنا يوفقك
طب وبالنسبه للشرطه
من غير ضرب يا رجاله
ههههههه
هو الحد الاعلى للطول فى الجويه ايه ؟؟
بص يا سيدي من خلاصه تجاربي في التقديم اللي بقالها 3 سنين بس مش اكتر :) يعني لسه طازه
الجويه جامده جدااااااااا و هتبقى طيار حربي و الدنيا لووووووووووووز بس عيبها الوحيد الكشف الطبي بتاعها رخم جداااااااا جدااااااااا تحس انهم عايزين واحد لسه مولود و مفيهوش غلطه
يعني انا كنت رايح سليم طلعت و انا مكتشف ان عيني اليمين ضعيفه شويه و ان عندي حاجه في عظام رجلي ( مش عارف ايه هي لحد دلوقتي )
هو مفيش حد اعلى للطول بس فيه حد ادنى لبقيت الكليات لو تحته لازم تروح جويه
يعني لو انت اقل من 170 ســــم هيحولوك جويه على طول
بقيت الكليات العسكريه حلوه برضه
فنيه عسكريه هتطلع ظابط مهندس يعني لو لا قدر الله حصل و انك طلعت من الجيش انت برضه مهندس
دفاع جوي نفس الكلام بس هتبقى تخصص صواريخ و حاجات كده
بحريه : الصراحه معرفش عنها اي حاجه
حربيه الكليه الاصل فيهم و هي دي اللي بطلع ظباط الصاعقه والحاجات الجامده دي
شرطه بقى يا سيدي و من غير ضرب :)
كليه جامده و جميله لو انت داخلها هدفك انك تبقى ظابط محترم و عايز تدافع عن بلدك و الشعب و الحوارات دي
انما لو داخل عشان تبقى باشا و كده يبقى بلاش احسن :)
كليه الشرطه تحس ان كل اللي فيها كده ولاد ناس عشان مصاريفها في ال4 سنين تقريبا 50 الف
و الدارسه طبعا 4 سنين و هتاخد ليسانس حقوق زي بتوع حقوق و هتاخد طبعا علوم شرطيه
و سحب الملف بـ100 جنيه :)
و على فكره سيبك من اللي يقولك شرطه بلاش دي كلها مش عارف ايه يعني هي فيها ظباط فاسدين اه بس فيها محترمين كتير بس مش باينين عشان الفاسدين مغطيين عليهم
المهم نصيحتي ليك المهمه جدااااااا : لو حاسس انك هتتخنق من الميري و النظام العسكري و الحياه الناشفه دي يبقى بلاااااااااااااااش خالص انما لو حاسس انك هتحب الكلام ده عيش :)
بص يا سيدى اولاً انا للاسف 180 سم تقريباً
ثانى حاجه انا مش عارف ليه قافش من دفاع جوى
ومستطول حوار فنيه ده
ممكن حربيه
لو للشرطه فاكس للمصاريف ان شاء الله وكده بس هى مرتباتها بيقولو ملهاش لازمه خالص وال يمشى فيها كويس مبيقبضش وده ال مقلقنى منها بعدين انا واحد كنت بشتم فى الداخليه الاول عشان ال حصل ايان 25 يناير استحاله لما ادخل شرطه ابئا بدور على باشا والحاجات دى انا بحاول برده اصلح نظام فاسد
ف مش عااااااااااااارف O_o
بص يا سيدى : الشرطة أقل حاجة متهيقلى 170 سم والجوية دى بتقبل أطوال قصيرة لكن عادى بياخدوا الطويل برضه مفيش أى مشاكل وبيقبلوا الأطوال القصيرة عشان ليها علاقة بضغط الدم وكدا على ما أعتقد فى القصير بيقولك المسافة بين المخ والقلب أقصر من الطويل بالنسبة لطولك دا هتدخل كشف حربية ولو نجحت فيه وكاتب أول رغبة ليك جوية هيحولوك تكمل كشف الجوية فى المجلس الطبى الجوى وتقريبا هتنجح لأنه هيبقى ناقصك اختبار ضغط الجو والجوية عايزة واحد يكون معندوش لا تقوس ولا فلات فوت ونظره سليم مية مية ويعدى اختبار الضغط وشكرا والعضو اللى بيقول انه صقط وهو ميعرفش ليه عنده فى العظام أكيد فيه تقوس ولو بسيط ممكن هما يتلككوا الأعداد كبيرة بالنسبة للفنية العسكرية دى بتاخد علمى رياضة وليها مجموع لوحدها خاص بيها بيبقى فى حدود 90 فى المية وبتخرج ضابط مهندس والبحرية برضه علمى على ما أعتقد وبتخرج ضابط بحار ويكون جايب درجة معينة فى الفيزياء والرياضة على ما أتذكر لأنى مش فاكر بصراحة والدفاع الجوى بتاخد علمى برضه رياضة وبتخرج ضابط مهندس فى علوم الاتصالات وبياخد الشهادة من جامعة عين شمس برضه على ما أعتقد ههههههههه ودى موجدة فى الإسكندرية الجوية موجودة فى بلبيس محافظة الشرقية الجوية جميلة بس لو حلمك فعلا تكون طيار وبتحب الطيارات مش عشان بيقولوا وبيعيدوا إنها حلوة وإنها أحسن حاجة ونفس الكلام باقى الكليات والفنية العسكرية بتعلق ملازم بعد سنة 3 وبتاخد مرتبك بعد سنه 3 برضه للعلم ان مدة الدراسة فيها 5 سنين وكل الكليات دى ليها مصاريف طبعا بس شرطة أغلى واحدة فيهم معرفش ليه متهيقلى ب 11 ألف فى أول سنة و تانى سنة بتقل شوية وتالت سنة مش عارف ورابع مش عارف برضه فى النظام الفاسد فيه ناس كانت بتدفع ال 40 ألف بتوع الشرطة عشان يتوظف فى حاجة
ماشى يا كبير ربنا يخليك ويخلى المعلومات الجامده دى
بس برده محدش ريحينى واختار معايا
انا بفكر فى 4 حاجات
جويه و 10 سنين وافلسع وابئا طيار مدنى :36_9_4: ان شاء الله
بحريه و10 سنين برده وابئا قبطان هههههههه :B4_033:
فنيه و 10 سنين برده وابئا مهندس
شرطه والبس طووووووووووول حياتى بس لو المرتبات كويسه :question2:
ايه رأيكو ؟؟؟؟؟