عن الإنذار والسنتر في الكليو

**dandashx** · 20-06-2012 05:00 PM

أولا: العربية كليو 2003، وفيه شوية استفسارات

1- عايز اتأكد إن الإنذار شغال، من ساعة ما جبت العربية مسمعتلوش صوت، لدرجة إني شكيت إن مفيهاش إنذار. جربت أخبط عالعربية، أعمل صوت جمبها، ومفيش فايدة. اتأكد ازاي وخصوصا اني بشوف عربيات بتدي صوت التنبيه عالشعرة؟؟؟

2- باشوف العربيات لما تيجي تفتحها او تقفلها بالريموت بتعمل صوت كده والأنوار تنور. في عربيتي الأنوار بتنور بس، ومن غير صوت ... يا ترى ده طبيعي؟ ولا نوع الإنذار كده؟ ولا ايه؟

3- شفت في عربية صاحبي لو فتحت السنتر لوك وسبته 30 ثانية من غير ماتفتح الأبواب يقوم قافل تاني، الكلام ده مش عندي. هل هي خاصية في العربية يعني؟ طيب لو حابب عربيتي تبقى كده أعمل ايه ومطلوب أركب ايه؟ لإني في مرة فتحت السنتر بالغلط ونا مش واخد بالي ورجعت للعربية بعد ساعة لقيتها مفتوحة، وربنا ستر ساعتها ومحدش خد باله.

4- شفت في عربية صاحبي برضو إن السنتر بيقفل أوتوماتيك أول مالعربية تتحرك عشان الأطفال، وبرضو ده مش عندي وعايز اعمله

5- عايز أخلي العربية إزاز كهربا، عالأقل الإزاز اللي قدام. وعايز الإزاز يترفع اوتوماتيك لما اقفل السنتر لوك ونا نازل منها.
السؤال، هحتاج ايه عشان أخلي الإزاز كهربا، وعشان اخليه يترفع مع السنتر؟ وياترى الكونترول بتاع الإزاز هيركب فين في العربية؟ وطبعاً التكلفة هتبقى قد ايه تقريباً

6- الشنطة .. نفسي أفتحها من جوة، وتترفع لوحدها .. بس كده

أسئلة كتيرة معلش، بس محيراني

**Kareem Fawzy** · 20-06-2012 05:58 PM

المشاركة الأصلية كتبت بواسطة dandashx

أولا: العربية كليو 2003، وفيه شوية استفسارات

1- عايز اتأكد إن الإنذار شغال، من ساعة ما جبت العربية مسمعتلوش صوت، لدرجة إني شكيت إن مفيهاش إنذار. جربت أخبط عالعربية، أعمل صوت جمبها، ومفيش فايدة. اتأكد ازاي وخصوصا اني بشوف عربيات بتدي صوت التنبيه عالشعرة؟؟؟

علشان تتأكد ان العربية فيها انزار ولا لا افتح الكابوت ودور على البوق بتاع الانذار السارينة يعنى

2- باشوف العربيات لما تيجي تفتحها او تقفلها بالريموت بتعمل صوت كده والأنوار تنور. في عربيتي الأنوار بتنور بس، ومن غير صوت ... يا ترى ده طبيعي؟ ولا نوع الإنذار كده؟ ولا ايه؟

بدام بتدى نور بس غالباً عربية حضرتك مفيهاش انذار اصلاً

3- شفت في عربية صاحبي لو فتحت السنتر لوك وسبته 30 ثانية من غير ماتفتح الأبواب يقوم قافل تاني، الكلام ده مش عندي. هل هي خاصية في العربية يعني؟ طيب لو حابب عربيتي تبقى كده أعمل ايه ومطلوب أركب ايه؟ لإني في مرة فتحت السنتر بالغلط ونا مش واخد بالي ورجعت للعربية بعد ساعة لقيتها مفتوحة، وربنا ستر ساعتها ومحدش خد باله.

دى من خواص اى انذار وزى ما قولت لحضرتك العربية غالباً مفيهاش انذار

4- شفت في عربية صاحبي برضو إن السنتر بيقفل أوتوماتيك أول مالعربية تتحرك عشان الأطفال، وبرضو ده مش عندي وعايز اعمله

5- عايز أخلي العربية إزاز كهربا، عالأقل الإزاز اللي قدام. وعايز الإزاز يترفع اوتوماتيك لما اقفل السنتر لوك ونا نازل منها.
السؤال، هحتاج ايه عشان أخلي الإزاز كهربا، وعشان اخليه يترفع مع السنتر؟ وياترى الكونترول بتاع الإزاز هيركب فين في العربية؟ وطبعاً التكلفة هتبقى قد ايه تقريباً

6- الشنطة .. نفسي أفتحها من جوة، وتترفع لوحدها .. بس كده

أسئلة كتيرة معلش، بس محيراني

بالنسبة للازاز الكهربا حضرتك هتنزل التوفيقية شارع سوق التوفيقية هتلاقى واحد معلق يافطة مكتوب عليها زجاج كهرباء استيراد يابانى ب 150 جنيه
انا مجربتهوش بس شكله كدة كويس
انزل شوف هيعمل اية معاك

بخصوص رفع زجاج العربية مع القفل بالريموت هتركب مكنة رفع تمنها 45 جنيه تقريباً

الشنطة بقا هتروح لكهربائى هيمدلك واير ويركب اربة سنتر فى الشنطة ويمشى الواير جوا العربية ويعمل زرار علشان تفتحها بيه
بالتوفيق