الموضوع: ★★شكراً لأدارة المنتدى ★★ وبشرى سارة لأعضاء تويوتا ★★

★★★★★★

بسم الله الرحمن الرحيم

بشـرى ســــــــــــــــارة

أحبائـي وأعزائي وأشقائي بقسم تويوتا الغالي ... وفي جميع أقسام المنتدى ... أود أن أزف لكم خــبر سار بأن الأدارة منتدانا الغالي ... قد أستجــــــابة لطلبنا ... بأن تتواجد مواضيعنا في الشريط المتحرك للمنتدى .

مما يغنينا أن نضع مواضيعنا في المنتدى العام ... كي نستفيد من هذه الميزة ... (ميزة الشريط المتحرك ) فمن الأن من يريد عمل موضوع عن تويوتا أو عن سيارتها ... فيعمل موضوع عادي في قسـم تويوتا ... وأن كان موضوع مميز هيلاقي موضوعوا بيتحرك فوق على الشريط المتحرك ... فلا داعي لتكرار المواضيع (في المنتدى العام مره وفي القسم مره أخرى ) فالان تستطيعوا يا أحبائي توفير وقتكم وجهدكم ... ونضع أيدينا في أيدين بعض كي نستطيع أن نغذي القسم بتعنا بالمواضيع المفيدة والجميلة ... ونقدر أننا ننهض بيه ... وننافس الاقسام الاخرى الشقيقة . فتقبلو فائق تحياتي ... وإن شاء الله شدو حيلكم في مواضيعكم ... لأن أي موضوع جميل وشيق ومفيد ويحقق الافادة العامة هنحاول نثبتوا فوق في القسم .

@@@@@@@@@

والله ولي التوفيق

^^^^^^^^^^^^^^^^^^^^^^^^^^^^^^^^

كما يسرني ويشرفني
@@@@@@@@@@@
أنا أتقدم بخالص الشكـــــــر والتقدير ... لأدارة نايل موترز ... التي دائماً ترعى الشباب وتولي أعضائها وطلباتهم وعملائها العناية الفائقة والاهتمام والتقديـر . وأتوجه بالشكـر لهم والتقدير ... وأقول لهم دومتم لنا مصـدر فخر وعـز وعلى رأسهم الاستاذ كريم منير رئيس مجلس الادارة
والاستاذ نادرمدير المنتدى
والاستاذة سمـــــــــا المديرة التنفيذية للمنتدى
والاستاذ شنوري المنسق الاجتماعي للمنتدي
وأشكرهم على دورهم الريادي والاكثر من رائع
وموالتهم لطلبات الاعضاء .

@@@@@@@@

ههههههههههههه
حبيب قلبي يابلدي ... تصدق أني ندمت أني طلبت الطلب دهو ... المشكلة فتحت على الادارة فتحه ... أن كل الاقسام بقه أي موضوع كمان يظهر فوق في الشريط المتحرك ... علشان محدش يقول أشمعنا وأشمعنا ... فأصبح دلوقتي الشريط المتحرك فوق ممكن وانتا قاعد تبص تلاقي موضوع طويل عريض عن واحد عندو 128 والسوسته بتاعتوا بايظة ومش عارف يعمل فيها أيه ... أو موضوع بيلعب فوق على الشريط المتحرك واحد طالب تقيم عربية سيستافه ... ومش بعيد تلاقي عنوان برضو فوق بيلعب (عاجل : أرجو المساعدة بسرعة وضروري وعاجل ) تيجي تخش على الموضوع تبص تلاقي واحد بيسئل عن أزاي يشحم الكوريك بتاع عربيتو علشان معلق ههههههههههههه ... مما قد يسبب في فقد أهميت الشريط المتحرك فوق ، مش عاوز أقولك مره أخ فاضل وحبيبي وشخصية زي العسل كان عامل موضوع في المنتدى العام ... بعنوان أســـــــــتر يارب أستـــــــــر يارب ... فدخلت أشوف خير أنشاء الله طلع هو عندو عربية لادا والعربية بتسخن وراح عند كزا ميكانيكي ولسه بتسخن ومش عارف يعمل أيه ... ههههههههههه
طب أذا الميكانيكيا معرفوش يعملوا فيها حاجة أنا الي قاعد ورى الكمبيوتر الي هعرف أصلحهالوا .
هههههههههههههه

فالمشكلة كلها في مواضيع ... بتطرح بعنوان جذاب جداً ... أو ملفت للنظر لكن الموضوع من جوه خالي من أي مضمون أو من أي فايدة هتعم على الاعضاء ... أنتا عارف أن حتى المواضيع النقاشية وفيها دردشة وطرح وجهات نظر أو قصص وتجارب للأعضاء دي ليها فايدة ... لكن مثلاً موضوع طلب عاجل لتقيم عربية تويوتا ... وتيجي تخش يقولك قدامي عربية تويوتا حمرة موديل 99 على كذا أيه رأيكم أشتريها ولا ما أشتريهاش ... هههههههههههههههههه
طيب واحنا مالنا يا عم الحج تشتريها ولا متشتيرهاش ... ولا أنتا هتدينا بيها لفه هههههههههههه ... واحنا كلنا قاعدين ورى الكمبيوتر لاشايفين حالتها عاملة أزاي ولا كشفنا عليها ويمكن أخر مره نزلنا سوق الجمعة من قيمة سنة يعني مش عارفين أسعار السوق اليومين دول أخباروا ايه ولا عامل أيه ... وبعدين أغلب أسعار العربيات بتكون على حسب حالتها ... ممكن تلاقي عربية بستين ألف وأختها ونفس الموديل جمبها على 45 ألف بس دي حالتها عاملة أزاي ودي حالتها عاملة أزاي ... فالقصد أن دي مواضيع مالهاش اي قيمة غير انو نطمنوا ونقلوا حلوة لأن طبيعي هتخش قسم الهونداي تقولهم في قدامي فيرنا هيقولك حلووة هتخش عند رينو وتقلهم في قدامي لوجن هيقولولك حلوة مرسيدس في قسم المرسيدس حلوة 128 في قسم الفيت برضوو روح أسئلهم هيقولك دي تحفــــــــــة ... فالمشكلة كلها من المواضيع الخاوية من أي قيمة أو أي فائدة وتطلع فوق على الشريط ... هتخلي الاعضاء يبطلو يبصوا حتى على الشريط المتحرك فوق ...

وممكن بسبب ان الشريط بيشيل كمية محدودة من المواضيع ... فتلاقي موضوع مهم جداً وهيفيد كافة الاعضاء في جميع الاقسام زي مثلاً موضوع رائع في قسم نيسان بتاع هيما عن أصطوانة الدبرياج ... وفيه كم معلومات مفيدة وقيمة... ممكن ميطلعش فوق على الشريط لأن الشريط المتحرك فوق مشغول بموضوع واحد عاوز يجيب سوستة لعربيتو ومش عارف يجبها منين .هههههههههههه .