السلام عليكم
استلمت بحمد الله صنى الشكل الجديد اوتو
و ده كان من خلال اوتو ايجبت مدينة نصر
الناس تعاملهم كان كويس و محترمين
العربية كانت عاملة 9 كيلو فقط
الشيء اللى مضايقنى ان حتى الان الكتالوج بتاع العربية مش موجود لانها لسه جديدة و لسه الكتالوجات بتنطبع و قالوا هايتصلوا بيا عشان ابقى استلمه
انا ركبت العربية بس لسه ما سقتهاش بنفسى
بالطبع ساوافيكم بالملاحظات لما ارخص العربية و اثناء فترة التليين و ما بعدها

بعض الملاحظات البسيطة:
*اخيرا عداد البنزين و الكيلومترات اصبح ديجيتال و عندك كومبيوتر رحلات يحسبلك اللى معاك يمشيك كام كيلو طبقا للسرعة اللى انتا ماشى بيها
*احنا عندنا اوبل فكترا 2003 اوتو و الفرامل abs لكن فرامل الصنى الجديدة افضل بالفعل و استجابتها من مجرد لمسة خفيفة من الدواسة
*مستوى التقفيل اتحسن كتييييير
*الموتور هاااااادى.... صامت... تقريبا لا تسمع شيىء و انتا بتدوره لدرجة ان فى ناس مابتاخدش بالها ان العربية فعلا دارت و بتفضل تحاول تدور العربية و هى دايرة
اما و انتا سايق فتقريبا مافيش صوت و العربية بتمشى بنعومة (بس لسه ماجربتش اكبس)
* العفشة وسط بين القوة و النعومة يعنى انتا هاتحس انك نزلت فى نقرة بس مش هاتحس ان فى هبد و خبط
*قعدتها مريحة موووووووت
*الكاسيت اللى فيها هو هو كاسيت التيدا
*اخيرا حلوا مشاكل الريموت العربية بتستجيب من الدور الثالث و اخيرا الريموت اصبح فى المفتاح نفسه
*سحب العربية لا يمكن ان احكم عليه او التكييف بما انى فى بداية التليين

و البقية تاتى باذن الله