بفكر أركب زينون في فوجات الرينو لوجان, أنا مش بدور على الشكل بس عايز إضاءة قوية تكشفلى سطح الطريق كويس في السفر وجوه البلد من غيلر متعمي إللى جاي فوشي. مع العلم أنا مشغل الفوجات على طول بالليل.

السؤال بقه, قصدي الأسئلة ...

١- هل بيتغير حاجة في جسم الفوجات نفسها؟ هي أضن مصنوعة كلها من البلاستيك, فهل اللمبات بتسخن قوي وممكن تسيح العاكس والبلاستيك مثلا؟

٢- لمبات الفوجات حسب الكتالوج (psx24w) فمش عارف دول يركب مكانهم إيه, يعنى هل h3 ولا إيه؟ أنا لما بحثت لاقيت دي حاجة ودي حاجة. حد عنده خبرة في المقاس ده وإيه بيركب مكانة؟

٣- زي مقولت أنا أهم حاجة عندي الرؤية وتكون جيده في كل الظروف المناخية (شبورة, مطر) فا أظن أنسب لون هو 4300k مش كده ولا إيه يعني يكون فيه نسبة صفار؟

٤- إيه أنسب وات للفوجات عشان يكون أداءها مرضي, ٥٥ وات ولا ٣٥ كفاية؟؟؟ هو المفروض اللمبة الأصلية بتاعت الفوج ٢٤ وات. عشان كده كنت بسأل على موضوع السخونية والسياحان.

٥- أخيرا وأهم حاجة, بكل المواصفات إللي أنا شارحها فوق دي, إيه أفضل أنواع تناسبني في السوق وياحبذا ألقيهم عند مين في إسكندرية. أهم حاجة تكون المكونات معمرة (الموديولز واللمبات).

شاكر ليكم مقدما وأتمني أي واحد هنده معلومات من سابق تجربة شخصية يفيدني لاحسن أنا ميح في موضوع الزينون ده (أعرف معلومات آه لاكن عمري متعاملت فيه ولا إشتريت ولا ركبت قبل كده).