الموضوع: زينون في الفجات .. إستشارة لأهل الخبرة

بص يا زعيم
من اكتر الاخطاء الشائعة هي تركيب زينون في الفوج
الفوج من اسمه مخصص للاستعمال في الاجواء اللي بيكون الرؤية فيها قليله تنيجة لعوامل الجو و من اهمها الضباب (الشبورة) او ال fog بالانجليزي
و للاسف من عيوب الزنون انه يتشتت في الاجواء دي كما انه بيبقي ضعيف اصلا في الطرق اللي الاناره فيها كويسة لان مميزاته بتبان في الظلمة
فتركيب الزنون في الفوج بيلغي تماما الحاجة اليه في الاجواء السيئة
و عشان كده كل الشركات و المصنعين بيشتخدموا انوار هالوجين عادية في الفوج و بيخلوا الزنون في الكشافات الاساسية للعربية
فطالما انت بتشتكي من اضائة عربيتك و عايز تركب زنون تبقي تركبه علي الواطي و هيكون بعدسه عشان متعميش اللي قدامك زي ما انت عايز

المشاركة الأصلية كتبت بواسطة kahk2008

طيب اخى لو لمبات هالوجين يبقى ليها مقاس ثابت ولا تختلف من عربية لاخرى وتقريبا ايه المقاس الثابت لها ؟؟؟

مش هضحك عليك مليش خبره في موضوع اللمض ده قوي
بس اعتقد و الله اعلم ان مقاسها ثابت و قوه الاضائة بتحدد حسب الوات بتاع اللمبة
ممكن تحط استفسارك ده في قسم الاكسسوار و الاعضاء هيجاوبوك ان شاء الله

المشاركة الأصلية كتبت بواسطة كوباية شاى

طب يا فندم لو انا هدفى من وضع الزينون فى الفوج مختلف .. يعنى انا اصلا مش محتاج الفوج فى الاجواء السيئة لان انا مش بمشى فى اجواء سيئة اساسا .. ف انا عايز احط فية زينون علشان الاماكن اللى الانارة فيها سيئة يبقى كاشفلى النقر و الحفر كويس لمسافة كويسة .. و مش عايز اركب زينون فى العالى ولا الواطى علشان انا عارف ان مشاكلة كتير و عايز اجرب فى الفوج الاول.

حضرتك لو ركبت لمض هالوجين قوية زي الفيلبس rally او night breaker هتحققلك الطلب ده
كمان حضرتك ضامن منين متمشيش في اجواء تحتاج فيها الفوجات زي الشبورة او الخماسين او المطر
طب تعرف ان في اوروبا دلوقتي كل العربيات الجديدة بتنزل ب all day lights زي ال led اللي بتزل في المرسيدس و الباسات و بتعمم دلوقتي من كل المصنعين
و الزنون طالما نوع نضيف مفيش منه مشاكل و الاهم يكون علي عدسة عشان الاضائة متتشتتش و تعمي اللي ماشي قصادك
و لو حطيته علي الواطي هيبقي كفيل لوحده يوضحلك الطريق قدامك و لمسافه كافيه