العضة تزدااااد سوءا

**AAAPRD** · 21-06-2012 08:11 AM

مش عارف اعمل ايه بجد؟
دلوقتى العضة ساعات بتخلينى معرفش ادى الغيار
و يا سلام لو مطب
لازم اقف و اللى ورايا يقعد يزمر علشان اعرف اطلع بالعربية على الاولانى
لاحظت كمان انه بقى ساعت و انت بتفك التعشيق الموضوع بقى محتاج تشد الفتيس بقوة اكنك مش دايس دبرياج
و كمان كتير بحس ان النقلة ضعيفة و السحب بعدها ضعيف
كل دة و لسة معملتش غير 600 كم
يا ترى دة اسطوانة و ديسك و لا ماستر و لا مجرد رجلاش؟
ولا دة عيب فتيس؟

**mohammedabdallh** · 21-06-2012 09:25 AM

اولا مبروك على العربيه
ثانيا لازم تروح التوكيل علشان ده عيب دبرياج اسطوانه وديسك
ولازم تروح بسرعه علشان ميبوظشى حاجه تانيه او يفصل خالص
وان شاء الله خير

**bassem.naguib** · 21-06-2012 02:24 PM

أنصحك .. ويا ريت تسمع كلامي .. تعمل أول صيانة (1000) في الإسكندرية .. وإن شاء الله الدنيا حتتظبط .

**AAAPRD** · 21-06-2012 05:49 PM

المشاركة الأصلية كتبت بواسطة sv065

أؤيد رأي أ. باسم وبشدة وعن تجربة

تحياتي

يا ريت يا جماعة تشرحولى اكتر

**bassem.naguib** · 21-06-2012 08:23 PM

مش محتاجة شرح .. الخدمة هناك أحسن والفنيين أحسن .. وربنا يقدم اللي فيه الخير .
وصيانة الألف دي أول صيانة بتتعمل للعربية .. وبيتم فيها تلافي أي مشاكل سواء في التقفيل أو في أداء العربية بشكل عام .. فلو متعملتش صح حتفضل في دائرة مفرغة .

**mk3** · 21-06-2012 10:23 PM

واضح من كلامك ان العضه على الغيار الاول والعربيه ماشيه
ده طبيعى كل العربيات كده انا عربيتى اكسنت واستحاله تدى الاول على 20 ويصعب (بس بيجى) الاول على 10
الاول لازم العربيه تبقى واقفه تماما

**AAAPRD** · 22-06-2012 11:22 AM

المشاركة الأصلية كتبت بواسطة lonedoctor

اخى الكريم حياك الله
اثناء اجازتى الاخيرة فى مصر ولمدة 3 اسابيع والتى انتهت يوم السبت الماضى ركبت تاكسى بى واى دى ولاحظت هدوء صوت موتور السيارة بشكل غريب حيث ان معظم السيارات بالاضافة الى سيارتى بها ونة بسيطة وخاصة على الغيار الاول والثانى فسالت صاحب السيارة عن ذلك مع العلم ان السيارة عاملة 85 الف كيلو فقال لى انه لاحظ هذه الونة منذ شراء السيارة وزادت فى الفترة الاخيرة بعد اجتياز 50 الف كيلو فذهب الى ميكانيكى وبالكشف على السيارة اخبره ان السبب هو بلية الدبرياج وتم تغييرها ببلية نوع ميتشوبيشى يابانى اصلى فانعدم الصوت تماما وهدأ صوت المحرك جدا وفعلا كنت راجع من على الدائرى وجاب سرعة 140 بدون اى مشاكل او ارتفاع صوت المحرك
ولذلك انا انصحك من الان لو ذهبت الى توكيل اسكندرية وظهر ان هناك عيب يستدعى فك الفتيس لتغيير اى شئ فى الاسطوانة او الديسك اطلب من الباشمهندس اسامة انك تشترى بلية جديدة يابانى ميتسوبيشى على حسابك وعلى فكرة هى ب 80 جنيه بس موش غالية وغيرها بالمرة
انا ناوى فى اجازتى القادمة تغيير البلية دى
تقبل تحياتى

شكرا جدا لاهتمامك يا باشا