الموضوع: مهزلة اخرى بتوكيل القطامية

ربنا ينتقم من كل حد مبيراعيش ربنا ابدا..ومتزعلش وارضى بنصيبك واوعى تكرر التجربه عندهم تانى وافضحهم فى توكيل العربيه وكلم جهاز حمايه المستهلك
بس انت المفروض مكنتش سكتت لما قالولك انها مكسوره بس حضرتك حد محترم جدا ومتنفعش فى البلد دى للاسف
كان الله فى عونك وعون كل حد بيعامل ربنا فى بلدنا دى لانه هيتبهدل

محتاجين راجل بجد
يوقف جشع التوكيلات والتجار لكن ياخسره على راى والدى الرجاله ماتت فى 73 فلا عزاء فى الى بيحصل فى مصر

المشاركة الأصلية كتبت بواسطة drpeter

مساء الخير
كنت قد كتبت موضوع مهزلة بتوكيل القطامية بسبب جراب مراية
واليوم اكتب اليكم المهزلة الثانية ولكن الامر مش بسيط

اولا التوكيل القطامية يسير من اسوا الى اسوا بطريقة رائعة ومدهشة لدرجة ان اى شخص عاوز يتعلم الفشل وقلة الادب يروح هناك
ثانيا انا روحت امس الاحد 14 - 10 - 2012 علشان اعمل صيانة ال 25 الف
ومكنتش عملت تغير بوجيهات في صيانة ال 20
فقولتلهم يغيروا بوجيهات وطلبت تغير زيت الفتيس ايضاوتدوير العجل
ذهبت الى فوق والعربية دخلت بعد وقت طويل
المهم طلعلى الفنى اللى كان ماسك العربية بيقولى ان العربيةو عاوزة طقم تيل امامى
قولتله ماشى لانى انا كنت شاكك من التيل لان كان في صرخة اثناء الفرملة
غير التيل
طلعلى بعد شوية وهنا بقى بداية المهزلة
بيقولى ان الموبينا مكسورة وملفوفة بشريط لحاام
وقالى عاوزة تتغير
انا بلمت بصراحة وقوقتله يغيرها بس طول مانا قاعد عمال اكلم في روحى وازاى اتكسرت وازااى يجيى عليها شريط لحاام وانا كل صيانة بعملها في المركز ؟؟؟؟؟!!!!!!
لاحظت لم ينده احد على اسمى علشان انزل الحسابات
بل انا لما شوفتهم اخدوا العبرية برا فضلت منتظر منتظر ساعة الا ربع لحد ما لفييت ةرا لاقيت العربية مركونة برا فروحت الحسابات لاقيت الفاتورة طلعت
كدا بدون ماحد يقولى هو عملوا ايه ولا حد يقولى تعال نجربها زى ماكانوا بيعملوا قبل كدا
وشوفت بعد كدا ان العربية بترعش في الدريسكون اثناء الفرلمة والمشكلة دى مكنتش موجودة قبل الصيانة
ثانيا روحت للمدير قولتله دلوقتى حضرتك انا الفنى جه وقالى كذا وكذا بخصوص الموبينا
وانا محدش لمس العربية ومين اللى جاب شريط اللحام فقالى هاتلى اللى عملك امر الشغل يخش يبص( رغم انه كان ممكن هو يتصل بيه بدل مرمطتى انا بس ليه بقى يبقوا محترمين ؟ )
جبتله الاستاذ اللى عمل امر الشغل دخل وقالى دا دول فكوها لاقوها كدا
قولولته يعنى ازاى لاقوها كدا ماهو محدش لمس العربية غيركم
ودانى للاستاذ صبرى قالى ادفع وهوديك للاستاذ بتاع الضمان ولو ليك فلوس مكش تقلق هتاخدها
قولت ماشى وكان الساعة 2 وتبعت جدا لان ورايا عيادة اخر النهار عاوز اريح قبل ما اسافر بالليل العيادة
المهم روحت دفعت وروحت للاستاذ صبرى ودانى للاستاذ مامون بتاع الضمان اللى قعد يقلب فيها ويلوح في كلامه انى عكملتها برا عند حد
قولولته ماجايز حد من الصنايعية خبطها وهو بيفك البوجيهات ولا اى حاجة ولحمها مع نفسه ولما منفعتش عمل كدا او حد كسرها قبل كدا ومجبش سيرتها
طبعا هو يتكلم شمال ويمين وفي الاخر مش هقدر اخدمك في الموضوع دا
طبعا انا مش بحب اعمل هيصة ولا الكلام دا
بس بجد توكيل القطامية من اسوا التوكيلات وهكرر من اسوا التوكيلات
من اسوا المعامللات
من تكبر وتعالى المسؤلين لحد عدم فهم الصنعيية
بعت رسالة للاستاذة داليا على الخاص والاستاذ عماد حبيب ولم يرد احد على طوال ال 24 ساعة الماضية
بعت رسالة على الاميل اللى قالوا لاجل الشكاوى لم يرد احد على
مش من طبعى اشتم بس بجد الموضوع دا حرق دمى
الصناعية مش فاهمين حاجة وانا مش مجبر انى اروح الاسكندرية علشان شوية ناس مش بتفهم في القطامية والتوكيل سمعته زبالة والعربية صدقونى هتبقى في النازل او على الاقل ورش الصيانة دى هتقفل لان الكل هيقول انا هعمل صيانتى برا
ياريت يابتوع التوكيل تفوقوا شوية وبجد ربنا يتصرف فيكم وينتقم منكم في فلوس الموبينا اللى كسرتوها ودفعتونى تمنها لاننا مش حرامية ولا بنسرق الفلوس

السلام عليكم

كان الله فى العون يا دكتور بيتر ....

بمنتهى الصراحه يا دكتور ...هل العربية تستاهل من حيث الكفاءة ان الواحد يستحمل قرف توكيل الامل ؟؟؟؟

ولا الواحد يشوف سيارة اخرى ........

المشاركة الأصلية كتبت بواسطة beshomilan

ربنا ينتقم من كل حد مبيراعيش ربنا ابدا..ومتزعلش وارضى بنصيبك واوعى تكرر التجربه عندهم تانى وافضحهم فى توكيل العربيه وكلم جهاز حمايه المستهلك
بس انت المفروض مكنتش سكتت لما قالولك انها مكسوره بس حضرتك حد محترم جدا ومتنفعش فى البلد دى للاسف
كان الله فى عونك وعون كل حد بيعامل ربنا فى بلدنا دى لانه هيتبهدل

شكرا ياباشا وربنا بجد يتصرف فيهم لاننا مش بنسرق الفلوس وبجد انا متضايق جدا لغاية الان من موضوع الموبينا مش علشان بس انا دفعهت فلوس
لا علشان اتكسرت ومفيش امانة في الشغل بتاعهم ولاحد اتكلم ولا حد قال اى شئ

المشاركة الأصلية كتبت بواسطة haissam24h

محتاجين راجل بجد
يوقف جشع التوكيلات والتجار لكن ياخسره على راى والدى الرجاله ماتت فى 73 فلا عزاء فى الى بيحصل فى مصر

فعلا لازم التوكيلات تعرف ان في مصر الواحد بيعمل البدع علشان يجيب عربية محترمة يستريح فيها مش يطلع عينه بسببها وكانك يابو زيد

المشاركة الأصلية كتبت بواسطة alaa0000000

السلام عليكم

كان الله فى العون يا دكتور بيتر ....

بمنتهى الصراحه يا دكتور ...هل العربية تستاهل من حيث الكفاءة ان الواحد يستحمل قرف توكيل الامل ؟؟؟؟

ولا الواحد يشوف سيارة اخرى ........

صدقنى العربية حلوة جدا بس التوكيل بينزل سمعهتها بطريقته المستفزة والغير احترافية
واحنا شغالين تشجيع في الناس لشراء السيارة لوجه الله فقط ومراعاة لضميرنا
لكن التوكيل القطامية مستواه
سيئ
سيئ
جدا
جدا

المشاركة الأصلية كتبت بواسطة lonedoctor

والله يا جماعة بشكل عام انا شايف انه القيام بصيانة السيارة عند اى ورشة تثق فيها هو حل مثالى والسيارة ليست فيها عيوب جوهرية تجعلك تخاف من حدوث عطب كبير يتكلف مبلغ كبير اذا ما قدر الله فقدت الضمان
تقبل تحياتى

صدقنى بفكر اعمل كدا
بس الفكرة انت دافع فلوس للضمان
ومنتظم في الصيانة
ومحدش بيلمس العربية غير الصيانة
كسروا الموبينا ولبسهوهالى
يبقى مش ليها لازمة الافلام بتاعتهم دى وهذا الاسلوب الغير محترم