الموضوع: جراب للعربية

المشاركة الأصلية كتبت بواسطة abogogo

طيب ما في حاجه احسن سيب العربية في الجراج وخد تاكسي ....!!!
ياسيدي الفاضل انت في مصر يعنى تمتلك العربية من الداخل فقط ... اما الخارج فده ملك الشعب بناسه وحيواناته ....!!! اللى عاوز يتعلم الكتابة العربية موجودة يشخبط فيها زي ماهو عاوز اللى عاوز يجلس قعدة رومانسية مع الموزة بتاعته نظراً لنقص الدكك في الشوارع ممكن يتخذ عربيتك دكة يجلس عليها عادي وممكن يسجل اللحظة الخالدة بكتابة ذكرى خالدة على العربية او لو كانت ركنتك امام مخبز بلدي مافيهاش حاجة ان اي حد يهوي العيش على العربية او واحد حب يطفح وجاب سندوتشات مع كانزاية بيبسي ممكن يطفح الاكل ويشرب على العربية ويسيب مكانه لك تنضف مكانه عادي الناس لبعضها ....!!! ايضاً الحيوانات لها نصيب في عربيتك الكلاب من الخارج ممكن تستعملها مرحاض ليها او مبيت على السقف او الكابوت ايضا القطط والعرس ... ابتسم ودعها للخالق ولن يصيبنا إلا ما قد كتبه الله لنا .... واذا اتى القدر لن يمنعه الحذر .....!!! وتقبل تحياتي

الراجل ده لخص جميع المعانات اللي بنعيشها
تسلم ايديك ياريس :)
وشر البلية ما يضحك
الواحد ممكن ياخد حذره على الطريق ويبقى عينه في وسط راسه
ويمتص غباء الاخرين
بس المشكلة كلها ان في دراسة بتقول ان معظم الحوادث بتحصل للعربية وهي واقفة
واحد عايز وهو طالع يطلع براحته حبتين فيقوم مريح على عربيتك ويمشي كأنه معملش حاجه
واحد وهو بيركن بيعمل صوت الخبطة في عربيتك سنسور طبيعي لمعرفة انه المفروض يقف
غير الناس الجميلة اللي بتمشي تعلملك على العربية ونفسي اعرف ليه

المشاركة الأصلية كتبت بواسطة semi

الراجل ده لخص جميع المعانات اللي بنعيشها
تسلم ايديك ياريس :)
وشر البلية ما يضحك
الواحد ممكن ياخد حذره على الطريق ويبقى عينه في وسط راسه
ويمتص غباء الاخرين
بس المشكلة كلها ان في دراسة بتقول ان معظم الحوادث بتحصل للعربية وهي واقفة
واحد عايز وهو طالع يطلع براحته حبتين فيقوم مريح على عربيتك ويمشي كأنه معملش حاجه
واحد وهو بيركن بيعمل صوت الخبطة في عربيتك سنسور طبيعي لمعرفة انه المفروض يقف
غير الناس الجميلة اللي بتمشي تعلملك على العربية ونفسي اعرف ليه

ههههههههههههههههههههههههه ههههه اه فعلاً خصوصاً موضوع السنسور الطبيعي ده في ناس مبتعرفش تركن غير كده ههههههههههههههه