مشكلة فى تكييف الباسات 2003 - ارجو النصيحة

**Amr_650** · 21-06-2012 09:11 PM

السلام عليكم يا رجالة ,

معايا بسات 2003 ,, التكيف بتاعها مش بيسقع كويس ,روحنا كشفنا علية , الراجل قال ان التلاجة بتسرب و عايزة تتصلح , طيب معنى كدة طبعا انو لازم يفك الطابلوة كلو و حوار اد كدة . لان التلاجة ورا الطابلوة

,, عرفنا انو هيتكلف 2500 جنية !!!!!!!!!!!!!!

يا ريت لو حد يقدر ياكد المعلومة دى و يقولنا على حد فى القاهرة متخصص فى التكييف و حنين شوية الواحد يقدر يروح يعملها , اكون متشكر اوى

**حماده المصري** · 21-06-2012 10:15 PM

روح لكام واحد تاني شوف ايه النتيجه انا شايف ده مبلغ مبالغ فيه اوي على اساس ايه 2500 جنيه كنت هتغير التكييف ولا التلاجه ولا ايه

لو قريب من الهرم قولي اوديك عند واحد استاذ

واسال برضو بتوع الاستيراد كام سعر التكييف والتلاجه والكمبريسور او التكييف كام ل يعمل كام

**omarkhaled55** · 21-06-2012 11:54 PM

ممكن الراجل الى فى الهرم دة يا باشا ؟؟؟ عشان عندى مشكلة فى التكيف

**HaythamMohsen** · 23-06-2012 09:02 AM

نصيحه اوعى اوعى تجيب اى حاجه استيراد للتكيف بالذات عمتا اى حاجه فيها اويل سيل او اى اورنجات ولو الماده حكمت لازم تجيب الحاجه محلوله قدام عنيك من على الماتور علشان الحاجه لما بتكون مركونه على الرف بتلم تراب ومهما اتغسلت هتوسخ دوره الفريون .ده بجانب ان اويل سيل بتنشف من الزيت والهوا ده اللى حصل معاياانا الكومبرسور عندى كان بايظ فى باسات٢٠٠٠ غيرت ٣مرات استيراد

وبرده لحد ماروحت عند توكيل محترم جدا جدا فى حدائق القبه
اسمه فابديا تقريبا الاسم مش متذكره قوى هو فى بن سندر جمب الششينجى بتاع بدل الجيش

**Amr_650** · 23-06-2012 02:18 PM

شكرا يا رجالة على الردود ,, طيب اللى ايظ عندى التلاجة اللى ورا الطابلوة و دى لازم انك تفك ااطالوة كلو عشان تصلحها

فى راجل تانى قالى هيعملها ب 1700 جنية و دة اخر سعر ,, لو على كدة بقى المفرو انزل اسال عليها بكام استيراد , لانى معتقدتش ان فيها جديد

ولا اية رئيكو

و فين يا هيثم اتوكيل دة ؟ و انت متاكد انو نظيف ؟

**حماده المصري** · 23-06-2012 04:16 PM

بالنسبه للراجل الي في الهرم

ادخل من شارع ومبي اخره خاتم المرسليم هتخش يمين

هيبقى على يمينك صور معهد السينما خده لاخره ولف وامشي سنه هتلاقي الشبراوي على يمينك بعديه شارع يمين صغير فوته وادخل اول يمين كبير بعده وامشي في الشارع ده شويه صغيره هتلاقيه على الشمال

**HaythamMohsen** · 24-06-2012 06:33 AM

بص يا زعيم انا معرفش انت ساكن فين علشان ققولك تمشى ازاى ققربلك. بص وانت نازل من جسر السويس الاتجاه اللى ينزلك على العباسيه
اول ما هتكون فى ميدان ابن سندر امسك يمينك هتلاقى بنزينه موبيل وبعديه محل مشهور اسمه الشيشنجى هو الفتحه اليمين اللى بعديه علطول اسمه بفاديا تقريبا وعلى نصيه الشارع بنزينه غاز

**Mohamed.Mohsen** · 24-06-2012 11:06 AM

روح ل أحمد بتاع ارض اللواء المهندسين ورشة في منتهي الإحترام والأمانة والحرص علي عربيات الناس .. ناس كتير هنا في المنتدي بتتعامل ومعاه وانا اتعاملت معاه وهتحس انك مرتاح بدون إشتغالات روح إكشف عنده وهيقولك الخلاصة إكشف مجانا مش هتخسر حاجة ..

**Amr_650** · 26-06-2012 01:11 AM

المشاركة الأصلية كتبت بواسطة haythammohsen

نصيحه اوعى اوعى تجيب اى حاجه استيراد للتكيف بالذات عمتا اى حاجه فيها اويل سيل او اى اورنجات ولو الماده حكمت لازم تجيب الحاجه محلوله قدام عنيك من على الماتور علشان الحاجه لما بتكون مركونه على الرف بتلم تراب ومهما اتغسلت هتوسخ دوره الفريون .ده بجانب ان اويل سيل بتنشف من الزيت والهوا ده اللى حصل معاياانا الكومبرسور عندى كان بايظ فى باسات٢٠٠٠ غيرت ٣مرات استيراد

وبرده لحد ماروحت عند توكيل محترم جدا جدا فى حدائق القبه
اسمه فابديا تقريبا الاسم مش متذكره قوى هو فى بن سندر جمب الششينجى بتاع بدل الجيش

يا هيثم لفيت مصر على كويل جيد مفيش , واحد بس عندو كويل صينى ب 550 جنية !!!

كدة مفيش غير انى اجيب استيراد و انظفو كويس و اضغطو و ربنا يستر . ولا اية رئيك؟

**Amr_650** · 26-06-2012 01:12 AM

المشاركة الأصلية كتبت بواسطة avatar

روح ل أحمد بتاع ارض اللواء المهندسين ورشة في منتهي الإحترام والأمانة والحرص علي عربيات الناس .. ناس كتير هنا في المنتدي بتتعامل ومعاه وانا اتعاملت معاه وهتحس انك مرتاح بدون إشتغالات روح إكشف عنده وهيقولك الخلاصة إكشف مجانا مش هتخسر حاجة ..

ممكن تشرحلى العنوان اكتر ؟

الموضوع: مشكلة فى تكييف الباسات 2003 - ارجو النصيحة

LinkBack

أدوات الموضوع

عرض

مشكلة فى تكييف الباسات 2003 - ارجو النصيحة - انشر الموضوع فى :

-

-

-

المواضيع المتشابهه

مشكلة فى تكييف الباسات

عندي مشكلة ارجو النصيحة ford mondeo 98

عايز اركب تكييف في الماروتي ارجو النصيحة

مشكلة فى السحب القرطبه ارجو النصيحة

مشكلة أرجو ان لاتكون عويصة - ارجو النصيحة

الكلمات الدلالية لهذا الموضوع

المفضلات

المفضلات

ضوابط المشاركة