مشكلة أرجو ان لاتكون عويصة - ارجو النصيحة

**szrateb** · 06-11-2007 09:12 AM

منذ يومين وجدت بقعة زيت تحت سيارتي ال 127 المهم ذهبت الى الميكانيكي قال لي الأويل سيل عاوز يتغير قلتله ماشي قال لي بس هافك الموتور قلت يانهار ابيض ليه قال لأن الأويل سيل بين الموتور والفتيس المهم لم يكن بيدي حيلة قلتلة ابتدي اشتغل
بعد يومين ذهبت لاستلام العربية الميكانيكي قال كل شي تمام بس العربية بتسخن(على السلانسية لا تسخن ولكن بمجرد أن اتحرك بالسيارة يبدأ المؤشر بالصعود حتي يعدي ال90 ) قلتلة ليه انا جاي بيها كويسة ماكانتش بتسخن قبل كده قال لي اما الردياتير عاوز يتسلك (الردياتير جبته من حوالى سنتين جديد ولم اسلكة مطلقا) او علبة الشكمان مسدودة (علبة الشكمان غيرتها من حوالي سنة ونصف) المهم قررت اغسل الردياتير وقلت مش هيجرى حاجة اهي صيانة برضة وذهبت لمحل الردياتير امس ولكن قال لي موش فاضي فوت علينا بكرة
المهم انا حبيت اسأل حد عنده فكرة عن ممكن يكون حصل ايه وهل كلام الميكانيكي معقول أم لا
مع الشكر

**MMamdouh** · 06-11-2007 10:07 AM

يعنى الرادياتيراو الشكمان اتسد لما فك عشان يغير الاويل سيل؟ شكلة ميكانيكى فتاى

MMamdouh

**MMamdouh** · 06-11-2007 01:27 PM

الحقيقة مش عارف لانى مش خبير فى ال 127 بس احنا بنتكلم فى مشكلة فى دورة التبريد بفرض ان انت بتشتكى من الحرارة بس يعنى مفيش تنتيش او ضعف سحب او برجلة فى الموتور و خلافة

ممكن الترموستات فيه مشكلة او لما ملا ميه التبريد ما اخدش هوا من الدورة... مش عارف بالضبط لانى مش خبير اوى فى الفيات عموما

MMamdouh

**hazem_khidr** · 06-11-2007 03:43 PM

و ممكن كمان يكون حط سلك المروحه بالعكس:
يعني لاحظ المروحه لو لقيتها بتلف عكس عقارب الساعه يبقي صح لو لقيتها بتلف مع عقارب الساعه يبقي اعكس الفيشه.
بس الاول روح لكهربائي زي ما أ.ادهم قال و ان شاء الله خير

**szrateb** · 07-11-2007 09:08 AM

انا شاكر لكل الردود ولكن
سلك المروحة في وضعة الصحيح والمروحة تلف في الاتجاة الصحيح
قمت بغسيل الردياتير وتغيير المياة
تم وضع جركن زيت جديد وتغيير الفيلتر بعد تغيير الأويل سيل
الثرموستات يشتغل على الحرارة الصحيحة وطول مالعربية على السلانسية يكون المؤشر طبيعي ولكن يتجنن عندما ابدأ اسير بالسيارة
قمت بالكشف على الشكمان وطلع سليم
بالنسبة لموضوع الهواء في دورة التبريد سألت فقالو لي هذا الموضوع لا ينطبق على ال127
فاضل حاجة واحدة هاعملها اليوم وهي ضبط التاكيهات و التقسيمة بناء على توصية ميكانيكي آخر
ولكني اشك انها ستجدي
موش عارف ممكن يكون الميكانيكي الأول خرب ايه وهو بيشتغل أو بيجرب العربية هاحاول اروحلة واشوف لو يرضى يقول هو خرب حاجة ولا لأ لأن العربية كانت تمام في موضوع الحرارة قبل ما اروحلة
ياللا ربنا يسهل

**Adham** · 07-11-2007 10:24 AM

طيب اتأكد ان العربية ماجابتش وش سلندر و ان الزيت بتاعها مش عامل طحينة و ان مية الردياتير مش بتقلب برة لما تدور العربية و هي باردة

و اتاكد ان زيت الفتيس تمام

و ان مافيش فرامل قافشة على عجلة

برضة الحاجات دي ممكن تسبب سخونة العربية و هيه ماشية ومش وهيه واقفة

**szrateb** · 07-11-2007 10:34 AM

شكرا يا ادهم
لأ الزيت تمام والريدتير مابينطرش مياه
موش عارف موضوع زيت الفتيس ده هل ممكن يكون له علاقة بسخونة الموتور ولا لأ على العموم ممكن اكشف علية برضه وبالمرة نكشف على الفرامل

**Adham** · 07-11-2007 11:38 AM

الفكرة ان سخونة العربية فقط اثناء سيرها و مش و هيه واقفة معناة ان فية حمل عالموتور اثناء المشيOver Load و دة اكيد نتيجة حاجة غلط اثناء سير العربية ممكن الفتيس مافيهوش زيت فالتروس تقيلة و عاملة حمل عالموتور او ان فية فرامل قافشة في عجلة من العجل و طبعا اثناء المشي بتسبب حمل عالموتور

ودة تحس بية انك تمشي بالعربية شوية و بعدين تنزل تجس بايدك الجنوط عالاربع عجلات
لو لقيت عجلة سخنة زي المكواة يبقى الفرامل قافشة عليها