الموضوع: سوبارو xv هاي لاين او كيا سبورتاج هاي لاين

المشاركة الأصلية كتبت بواسطة yehiaseg

حضرتك جبت من الاخر. قطع الغيار الاساسية لو مش متوفره. دة معناه العربية ممكن توقف ولازم يكون معاك عربية تانيه وهوه دا الي انا بحاول اعمله بحيث احاول مبعشي اللانسر. في الحالة دي ممكن اجيب السوبارو. بس برده هفضل شايل هم الوكيل ..

تجربتى و وجهة نظرى الشخصية أطرحها على سيادتك
أولا : معلوماتى عن السوبارو ضعيفة جدا. (ولكنى أخشى مجرد الدخول فيها لكل الأسباب السابقة التى تم طرحها من الأخوة الأفاضل بخلاف سعر إعادة البيع هيكون كارثى - وممكن بعد الشراء بفترة قصيرة أحتاج لتغيير أى قطعة غيار أصدم بالواقع ) مش حابب أفكر فيها .
ثانيا" قشقاى أعتمادية - أعتقد انتشار مقبول جدا- قطع غيار و إعادة بيع إيضا مقبول جدا بخلاف إنها لاقت إستحسان الكثيرين ( يعنى فى الآخر من وجهة نظرى المتواضعة أنها سيارة تحترم ولاغبار عليها أفضل من السوبارو بجدارة)
ثالثا وأخيرا" وممكن ان تكون شهادتى مجروحة - بفضل الله امتلكت السوبرتاج من شهر أو أقل قليلا" وكانت بالسعر الرسمى وبقول كده علشان لو حبيت أبيع دلوقتى مفيش أى خسارة ممكن يكون فى مكسب كمان إن شاء الله ولاكن بقول الكلام ده علشان بمنتهى الأمانة لو الثلاثة أختيارات دول أمامى فى الوقت الحالى أو رجع الزمن هيكون أختيارى للسبورتاج كونها سيارة مرضية جدا فى الشكل الداخلى والخارجى وقوة الماتور 140 حصان وإرتفاع وعفشة مع الأخذ فى اللإعتبار كل هذه المواضيع تختلف نسبيا من شخص لآخر
لولا إختلاف الأذواق لبارت السلع
وأخيرا وفقك الله إلى ماهو فيه خير لك

المشاركة الأصلية كتبت بواسطة yehiaseg

ربنا يباركلك. السبورتاج الهاى لاين مش لاقيها فى السوق وتحس ان فى حوار بيتعمل على العملاء الصراحة قلة ادب موزعين ووكيل ده من وجهة نظرى من كتر لفى عليها. حتى القشقاي عليها اوفر برايس ١٠ الف.

الموضوع موضوع وكيل ؟؟؟؟؟؟؟؟؟؟؟؟؟؟؟؟لأنه المفروض عارف كويس قوى الموزعين بيعملوا إيه ومفيش شفافية - علشان لو كان فيه شفافية ومصدقية كنت تقدر تعرف رقمك فى قائمة الويتنج - حسبنا الله ونعم الوكيل فيهم