تجربة الصنى واللانسر لمدة نص ساعة بس !!!!!!!!

**ahmed_su** · 24-06-2008 08:53 PM

امس ذهبت عند معارض ياسين فى شارع الميرغنى علشان اتفرج على الكيا سيراتو
واعرف اسعار قطع الغيار علشان لما كنت سئلتهم بالتليفون قالى ممكن يدينى قايمة بالاسعار وطبعا قالى مش جاهزة المهم ده موضع تانى هاتلاقيه هنا

انما الموضوع الاصلى انى شوفت عنده نيسان صنى سوبر صالون وكان التقفيل بتعها بخلاف ناشيونال موترز النزهة هو مش جيد اوى بس احسن كتير من اللى شوفته الاول ولما سئلتهم ليه الاختلاف ده قالى مش عارف يس هو فعلا ساعات بتجيلهم عربيات الفنش بتعها مختلف عن بعض الحقيقة انا استغربت المفروض انه مصنع واحد والكوليتى كنترول واحد !!!!!

حبيت اأقلوكم علشان الامانة تقدى ذلك يعنى لما شوفت العربية تقفيلها وحش قلت وكمان لما شوفتها امبارح كانت جيدة بالمقارنة بالاولى

**Noha.M** · 28-07-2008 01:03 PM

تقييمك رائع فعلا للنيسان بجد .. تصدق فعلا انا كنت ركبتها كذا مرة مع ابن خالتى و كنت بستغرب جدااا شكل الابانوس و فعلا عندك حق دة بلاستيك اصلا مش ابانوس ولا حاجة !! كمان العربية فعلا واطية بس موتورها حلو يعني لما سافرنا بيها عجبتني على الطريق اوى

اخويا اصله عاوز يشتري دلوقتى عربية و النيسان ضمن الاختيارات بس خايف من التقفيل المصرى ! كمان حاسة عربية ابن خالتى خلعت من بعضها شوية مش عارفة دة سوء استعمال ولا ايه

كمان نفكر فى الياريس بس هو موش عاوز موتور 1300 .بجد حاجة محيرة جدااا
دلوقتى عشان تجحيب عربية محترمة لازم تعدي حاجز الميت الف

**atif_atif** · 11-09-2008 01:40 AM

على فكرة أنا استمتعت بالموضوع جدا ً ... حسيت إني كنت معاكوا ...

**gamalfahmy** · 13-09-2008 11:43 PM

أنا مشترك جديد ومعجب جداً بهذه الحوارات والتجارب الفعلية للأخ الفاضل لأننى فعلاً كنت فى حيرة من شراء النيسان والكيا ريو.
بس أنا رأى أنا الكيا سيراتو والتى تقريباً قريبة من سعر النيسان أفضل بكثير من النيسان.
وفقه ووفقنا الله.

**ahmad--ezzat** · 14-09-2008 06:02 AM

سيراوتو افضل كثيرا من النيسان طب ازاى؟
انت متاكد يا استاذ جمال؟

**Tamer Beheri** · 08-10-2008 01:32 AM

يا أحمد بك
بعد التحية
العربية الزيرو دايما ناشفةفي البداية فمن الصعب الحكم عليها وهي لسا عملى 20 كم
طبيعي يكون ليها صوت عجل متخزن قديم او صوت موتور لسة عاوز ضبط بعد ال 1000 كم وبعد كدة تلاقي صوتة أحسن
وانا مجرب اللانسر دي عربية ممتازة
ثم ان انا جربت الصنى بتاعت واحد صاحبي اسمة عمرو ياراب مايقرأش الموضوع
العربية صوتها عالي تكيف الضهر مش تمام تأفيل العربية وحش جدا كراسي ناشفة جدا و صالون ضيق بس الشنطة واسعة وأتزان العربية عالي جدا جدا
نصيحة الانسر أحسن توكل على الله أنا اليومين دول ببيع المرسيدس ال 190 بتاعتي وبشتري لانسرأوتوماتيك........
بردو أستخير أحسن

**s_eldeeb** · 09-10-2008 04:30 PM

لازم تعرف ان مفيش عربيه كامله من كله واعتقد ان الفروفات مش كتير بين الانسر والصنى مش بش كده وبين كل اليابانى ال 1600 ماعدا السيفك والمازدا اللى همه شويه مميزين عن الباقاى مع تميز الهوندا اكتر
وبالنسبه للموضوع بتاعك انا شايف الانسر احسن علشان انشار اكتر يعنى استمراريه فى السوق وشكلها احسن من وجهة نظرى وكمان اعادة البيع ان شاء الله تكون احسن وبعدين ماتجرب تركب لانسر خليجى او مصرى يمكن الموضوع يكون مختلف
وفى وجه نظر تانيه لو الانسر سعرها اعلى من الصنى بمقدار 15000 او اعلى خد الصنى اوفرلك ودلوقتى باقت منتشرة
ودى وجهات نظر انت عارف ظروفك اكتر
اهم حاجه صلاة الاستخارة والله لن يخذل الله من ساله والله المستعان

**hwatemy** · 12-10-2008 10:19 AM

انا مش عايز احيرك اكتر بس انا ليا اخين واحد معاه صني (مانوال 1600) و التاني لانسر بس 1300 مانوال
بصراحة الثبات للصني رهيب بالنسبة للانسر انا كنت ماشي على 100 - 120 في ملف بالصني و كان عادي جدا انما اللانسر في نفس الملف مقدرتش ازود عن 90 و كنت حاسس اني بتزحلق من على الكرسي بتاعها و انا باخد الملف
ده غير ان صاج الصني انشف بمراحل عن اللانسر
اخويا اللى معاه اللانسر غلط و هو بيركن و خبط الصني
اكصدام اللانسر دخل لجوه انما الصني ولا كأنها اتلمست ما شاء الله
هي يمكن صوت الموتور في الصني اعلى من اللانسر بس ده بسبب قوته لانه اقوى بكتير من اللانسر
و مرة كنت بالصني و بعمل تست خفيف ليها فا لقيت Bmw 330ci صاحبها كان سخن شوية
فا قلت اجرب تسارعها بالنسبة للبي ام
فا اول ما حرق انا حرقت
اول و تاني و تالت مع البي ام مطلعتش مني بجد
انا مصدقتش و مكنتش متوقع اصلا لاني كنت حاطط في دماغي انه هيطلع مني بس هشوف هيفرق عني قد ايه
لكنه مفرقش عني اساسا
انا اتوهمت من الصني بعد الموضوع ده و انا فعلا بعت اللانوس اللى معايا و بفكر جامد في الصني او الجين 2 و مش في دماغي اللانسر اساسا
و ربنا يوفقك ان شاء الله للأحسن و ربنا معاك :)