صور ومواصفات هيونداى اكسنت هتشباك 2013 من

**Mohamed.Ramah** · 23-06-2012 02:02 PM

المشاركة الأصلية كتبت بواسطة ahmed1006

ما شاء الله
مشكوررررر ...

شكرا على مشاركتك

المشاركة الأصلية كتبت بواسطة ghostmido

متهيالى السعر كالعادة من غبور كتيير.

هو عاما السيارات بتنزل لنا بسعر مختلف عن العالم فانا فقدت الامل فى النقطة دة بالاضافة لسعر الجنية المميز وسط العملات الاخرى هو ايضا عامل اساسى فى الموضوع

**Mohamed.Ramah** · 23-06-2012 02:05 PM

المشاركة الأصلية كتبت بواسطة el_nahal2004

مشكور على الموضوع
بس متهيالى مش هتثبت وجودها زى السيراتو الهاتش باك كدة محدش عبرها

موضوع اثبات وجودها دة يحسم على مدى الاقبال على السيارة مقابل السعر دة خاصة السيراتو الهاتش باك الحضرتك بتتكلم عليهم فئة اكبر وسعر اعلى ونقطة التسويق سعر الهاتش باك عامة اغلى من السيدان فى مصر دة عامل فى ابعاد المستهلك عن السيارة خاصة ان السعر مش مناسب فى حين ممكن يحصل على نفس السيارة ولاكن سيدان وبسعر اقل فهنا الاتجاة حيكون حسب حاجة المستهلك من العربية ويارب ميبقاش تسويقها زى ال 130 و 120 لاننا لا نراهم فى الشارع من وقت ما نزلو غير قليل جدا

**Formulator** · 23-06-2012 06:56 PM

المشاركة الأصلية كتبت بواسطة Mohamed.Ramah

والعفشة كنت اتمنى انها تكون مالتى لينك بس للاسف هيونداى مش راضية تغير مش عارف لية

المشاركة الأصلية كتبت بواسطة Eng.M Mahran

فى الاهرام النهاردة مكتوب 2 ايرباج و العفشة مستقلة

المشاركة الأصلية كتبت بواسطة mody3on

العفشة المستقلة دي مستحيل
مش هيخلوا الالنترا متصل والاكسنت منفصل
بس ال 2 ايرباج معتقدش بصراحة لانه كاتب في الاعلان ايرباج بس

هيونداى-كيا معندهاش أصلا عفشة Multi-Link فـ الفئة/الـplatform دى.. (الأكسنت والريو) ولا الفئة الأكبر كمان (الإلنترا والسيراتو)..؟؟!!!

أصغر عربية كورى (هيونداى-كيا) فيها عفشة ملتى-لينك هى الكارينز ودى MPV، ودى عشان مبنية على شاسيه السوناتا/أوبتيما.

- وحتى كان عندهم مشكلة فـ تطويرها وقعدوا يصغروا فـ الـpackaging بتاعها ويدخلوها جوا العجل عشان ماتأكلش الشنطة؟؟؟!!
قالك In-Wheel MultiLink.. هههههههههههههههه

لكن ماعرفوش (ولا متوقع أنهم يعرفوا قريب) يعملوا عفشة ملتى-لينك للفئات B و C-Segment الكومباكت والـSub-compact..؟!!

(اللى كان نازل فـ الإلنترا والسيراتو القديمة ده كان إسمه Double Wishbone مش ملتى-لينك خاااااااااالص).

**Formulator** · 23-06-2012 07:02 PM

btw: هى فعلا صعبة ومش أى حد يعمل عفشة MultiLink فـ عربية كومباكت أو أصغر..
ودى أحد نقاط ضعف الكورى عموما (العفشة).. وتخلفه تكنولوجيا عن الشركات الـinnovative فـ الحته دى؟!!!

مش مجرد تريقة؛ فعلا العربيات الصغيرة ماتستحملش الوزن ولا الحجم (ولا التكلفة) بتاع لعفشة الـMultiLink...
فـ بيبقى الشركة عندها مشكلة فـ التصميم:
- عايز Small-Packaging عشان ماتاخدش مساحة من الشنطة والكنبة وعربية ككل (المفروض انها صغيرة)،
- وعايز Weight-Reduction تخفيف الوزن عشان ماتبقاش ثقيلة وتقلل الهاندلينج والثبات وتزود إستهلاك البنزين (فـ عربية المفروض انها إقتصادية).
- وعايز تكلفة قليلة.. مش هيصرف عـ الـR&D ويصنعها من الألومنيوم والتيتانيوم، أو يحط مكونات معقدة ومكلفة..

فـ بيضطر فـ الآخر يعملها تورشن-بيم (وبـSetup سىء فـ الكيا-هيونداى)، وصلب (مش ألومنيوم) وطبعا حجمها أصغر وتكلفتها أقل بكتير؟؟!!!

وإلبس يا معلم فـ مطبات الهواء والفواصل والبلاعات..
نياههاههههههههههه هههههههههههههه

**Mohamed.Ramah** · 23-06-2012 07:11 PM

المشاركة الأصلية كتبت بواسطة formulator

هيونداى-كيا معندهاش أصلا عفشة Multi-Link فـ الفئة/الـplatform دى.. (الأكسنت والريو) ولا الفئة الأكبر كمان (الإلنترا والسيراتو)..؟؟!!!

أصغر عربية كورى (هيونداى-كيا) فيها عفشة ملتى-لينك هى الكارينز ودى MPV، ودى عشان مبنية على شاسيه السوناتا/أوبتيما.

- وحتى كان عندهم مشكلة فـ تطويرها وقعدوا يصغروا فـ الـpackaging بتاعها ويدخلوها جوا العجل عشان ماتأكلش الشنطة؟؟؟!!
قالك In-Wheel MultiLink.. هههههههههههههههه

لكن ماعرفوش (ولا متوقع أنهم يعرفوا قريب) يعملوا عفشة ملتى-لينك للفئات B و C-Segment الكومباكت والـSub-compact..؟!!

(اللى كان نازل فـ الإلنترا والسيراتو القديمة ده كان إسمه Double Wishbone مش ملتى-لينك خاااااااااالص).

ههههههههههههههههههههه طب هما حيعرفو امتى ان شاء الله فى المستقبل مثلا احنا داخلين على 2013 ولحد دلوقتى مبيعرفوش يعملو عفشة ملتى-لينك امال اية موضوع التطوير والكلام البيقولوة دايما فى الريفيو واخرهم كان عن I30 2013

واضح انها مازلو مهتمين بالتصميم اكثر والكلام دة كلة استهلاكى علشان التسويق

**Formulator** · 23-06-2012 07:13 PM

المشاركة الأصلية كتبت بواسطة Mohamed.Ramah

موضوع اثبات وجودها دة يحسم على مدى الاقبال على السيارة مقابل السعر دة خاصة السيراتو الهاتش باك الحضرتك بتتكلم عليهم فئة اكبر وسعر اعلى ونقطة التسويق سعر الهاتش باك عامة اغلى من السيدان فى مصر دة عامل فى ابعاد المستهلك عن السيارة خاصة ان السعر مش مناسب فى حين ممكن يحصل على نفس السيارة ولاكن سيدان وبسعر اقل فهنا الاتجاة حيكون حسب حاجة المستهلك من العربية ويارب ميبقاش تسويقها زى ال 130 و 120 لاننا لا نراهم فى الشارع من وقت ما نزلو غير قليل جدا

مازلت عند رأيى فـ جزئية الهاتشباك الكورى دى؛

- الفئة الـSub-Compact أو B-Segment:
عندك بونتو أيفو، بولو، إبيزا، 207، فابيا، فييستا، كورسا أو C3

- الفئة الكومباكت أو الـC-Segment:
عندك ليون، 308، برافو، C4 أو ميجانIII، ومش هقول جولف وفوكاس وأسترا

حد يقوللى بقى: أيه اللى يخلى واحد عايز يركب عربية هاتشباك.. وسعرها عالى، يشترى عربية كورى؟؟!!!
- خصوصا أنها مابقتش رخيصة زى الأول (أو فكرتنا عن الكورى)،وكمان قطع غيار قليلة و Resale ضعيف مش زى الكورى السيدان.
(يعنى مفيهاش أى ميزة للكورى فـ مصر: رخيص، قطع غيار منتشرة.. وعادة بيع جيدة)؟؟؟!!

أعتقد ده سبب فشل الـi30 والـi20 و السيراتو هاتشباك (ومن بعدهم الأكسنت هاتشباك والـi40) فـ مصر..

رأيى خليهم فـ منافسة السيدان اليابانى أحسن، الهاتشباك = أوروبى

**Mohamed.Ramah** · 23-06-2012 07:46 PM

المشاركة الأصلية كتبت بواسطة formulator

مازلت عند رأيى فـ جزئية الهاتشباك الكورى دى؛

- الفئة الـSub-Compact أو B-Segment:
عندك بونتو أيفو، بولو، إبيزا، 207، فابيا، فييستا، كورسا أو C3

- الفئة الكومباكت أو الـC-Segment:
عندك ليون، 308، برافو، C4 أو ميجانIII، ومش هقول جولف وفوكاس وأسترا

حد يقوللى بقى: أيه اللى يخلى واحد عايز يركب عربية هاتشباك.. وسعرها عالى، يشترى عربية كورى؟؟!!!
- خصوصا أنها مابقتش رخيصة زى الأول (أو فكرتنا عن الكورى)،وكمان قطع غيار قليلة و Resale ضعيف مش زى الكورى السيدان.
(يعنى مفيهاش أى ميزة للكورى فـ مصر: رخيص، قطع غيار منتشرة.. وعادة بيع جيدة)؟؟؟!!

أعتقد ده سبب فشل الـi30 والـi20 و السيراتو هاتشباك (ومن بعدهم الأكسنت هاتشباك والـi40) فـ مصر..

رأيى خليهم فـ منافسة السيدان اليابانى أحسن، الهاتشباك = أوروبى

انا معاك طبعا فى النقاط الذكرتها لاكن الملاحظ ان الاسعار فى الفئة دة بقى مبالغ فية انا مقدر ان سيارات رائعة وكل شىء بس مش لدرجة الاقى الابيزا ودة اكثر سيارة متابعها من فترة كبيرة وممكن تلاحظ دة من خلال قسم سيات

السعر ابتدى يزيد بطريقة غريبة او اسعار الصيانة على سبيل المثال فى وقت قصير من بداية السنة الى شهر 6 الاسعار بقت الضعف واشياء كتير اتغيرت بشكل ملحوظ وبدون سبب دة بخلاف

ان الابيزا لسة مطورتش ونزلت بموديل جديد تم رفع السعر وبعديها اسعار قطع الغيار والصيانة على نفس الموديل دة اعتبرة سرقة للعملاء او المقبلين على الشراء خلاف ذلك السيارات الذكرتها انا ركبتها بنفسى وشايف انها جيدة جداا خاصة لو قارنتها بمثيلاتها فى الكورى حتلاقيها افضل فعلا

وانا من راى الافضل فى فئة Super minis بخلاف السعر المفروض يهتتمو بية اكثر :

Ford Fiesta
Volkswagen Polo
Peugeot 207