الموضوع: تذكر الصيانة

الافيو عربة حلوة بس محتاجة تتعامل كويس فمتنسوش يا شباب الاتي

• كل 10 الاف كم

1. فلتر الزيت

• كل 20 الف كم

1. تيل فرامل امامي

• كل 30 الف كم

1. فلتر بنزين
2. زيت فرامل
   
3. طقم بوجيهات
   

• كل 60 الف كم

1. سير محرك
   
2. سير كاتينة
   

و بالنسبة لسير الكاتينة هو ممكن يستني لحد 100 الف كم بس طبعا ملهاش لازمة تجازف و امشي حسب المانيوال بتاع الصيانة
برضه

• كل 40 الف كم ظبط زوايا عجل و اتزان او كل ما تحس ان العربيه محتاجة

• كشف علي نظام التكييف كل 15 الف او كل سنة و الكشف يشمل تنظيف فلتر الهواء و يراعي تشغيل التكييف في الشتاء لفترات بسيطة و في الصيف يراعي تشغييل التكييف علي الساخن و ذلك لتجفيف اي مياه راكدة في النظام
• كل 200 الف كم صيانة شاملة لنظام التكييف

الكشف الدوري علي الشاسية و في حال ملاحظة اي كحتات يجب رشها ب 40dw و دهانها بالبلك و متابعتها كل فترة عشان متسببشي مشكلة بارومة علي المدي الطويل

في ملاحظات كدة في الاستخدام

• متتحركشي بالعربية قبل ما عداد الحرارة يبتدي يتحرك من علي الصفر
• قبل متطفي المحرك سيب العربية دايرة علي السلانسية لمدة دقيقتين
  

و لو حد من الشباب عنده اي حاجة زيادة يا ريت يقولها

idling مهم جدا طبعا عشان الموتور يبرد تدريجيا قبل ما تقفله عشان تمنع حدوث صدمة تبريد داخل غرف الاحتراق و بكده هتقلل من بناء الكربون داخل المحرك (excessive carbon build up within the engine)

و ده طبعا هيطول عمر المحرك ...