مساعدة مطلوب كومبيوتر ECU 1.4 Litre متسقط فى بولو

**saladin911** · 23-06-2012 07:38 PM

سلام عليكم..

اختى معاها بولو 2001 اتخمينا فيها شوية بس مش مشكلة.. المهم موتورها 1000 سى سى حصل فيه مشكلة كبيرة طلع ان المية اكلت فى بودى الموتور "الكلام ده كان وانا مسافر برة مصرللاسف"
فنزلوا مع قريبى باشمهندس خالد وهو متخصص اوكتافيا وكمان فولكس فى اسكندرية ومعروف..

المهم هو جبالها من بورسعيد موتور تقريبا "Cordoba" او حاجة من حاجات شركة ابيزا... نفس الموتور بالضبط بس 1400 ..

المهم للاسف معهوش الكومبيوتر بتاعه معرفش ايه السبب بس ركبوه والعربية اتصلمت وشغالة كويس جدا لكن ساعات فى الساقعة ممتقومش كويس...

طبعا التلفيق مع نظام حقن حيشغلها

بس طبعا استهلاك بنزين سيئ اكيد وكذلك اداء اسوأ على المدى البعيد

المهم انا مش فاكر رقم الموتور ده بالضبط.. وانا طبعا من اسكندرية صعب قوى انزل القاهرة اقعد ادور..

فقلت اخد من خبرة الشباب هنا :)

ممكن حد يدلنى هل ممكن الاقيه وفين؟؟؟
وهل لو جبت رقم الموتور ممكن حد يستدل عليه فعلا او يمكن شافه قبل كدة.؟؟؟؟

انا فكر ان رقم الموتور كان فيه حرفين "CC" بس مش ال CC بتاع العربية طبعا...
وكمان تقريبا حيبقى سعره كام؟؟؟؟

**samyyousef** · 23-06-2012 10:30 PM

ربنا معاك..........لكن السؤال لماذا لم تشتري موتور نفس النوع بولو؟؟

**eemmoo** · 25-06-2012 02:36 PM

المشاركة الأصلية كتبت بواسطة samyyousef

ربنا معاك..........لكن السؤال لماذا لم تشتري موتور نفس النوع بولو؟؟

الموتور اللى بيركب فى الابيزا هو اللى راكب فى البولو هو اللى راكب فى الفابيا ومفيش اى فرق نهائى وكلها vw

**mesho_kimi** · 27-06-2012 12:23 AM

اول مره اسمع عن صنايعي فولكس مشهور في اسكندريه اسمه خالد فين مكانه بالظبط ... والمفروض المكنه اساسا كانت تيجي بكنترولها بكل حاجه عشان ميحصلش المشكله دية ده غير اني حضرتك موضحتش ده انهي ماتور 1.4 بالظبط لأني في كذا ماتور على العموم في واحد انا بتعامل معاه في المندره أكيد يقدر يفيدك في الحوار ده لو عايز نمرته ابعتهالك على الخاص