الموضوع: تغيير البطاريه ومشكلاتها مع الضفيره ....مفاجأت بالجمله

المشاركة الأصلية كتبت بواسطة sehsss

أتأكد من إيه، ماهي الضفيرة اتغيرت خلاص، قصدك لو شلت الكابل ورجعته المشكلة هاترجع ولا إيه.. وضح أكثر.. ويعني إيه التوصيل السالب ولا يليه الموجب مباشرة.. الفترة الزمنية بينهم بتبقى حوالي قد إيه ؟؟؟

ياباشا انت كدا كدا غيرت ضفيره سواء كانت هى السبب او مش السبب انت غيرتها .....مع انى دلوقتى متأكد ان مكانش عندك ضفيره لان اعراض الضفيره غير كدا خالص واللى كان عندك نفس اللى حصل معايا ......تسنيدة بنزين عند الدواره بعد ماتمشى بيها مسافه واكبر دليل اتى ركبت لمدة شهر بطاريه 70 امبير وماحصلش حاجه ....النهارده وانا رايح التوكيل سحب العربيه وتسارعها مش طبيعى حتى قلت لبيشوى كده قبل مانروح التوكيل.......وبعد تنظيف الانجيكشن مش عايز اقولك العربيه فعلا طلقه ....وفى موضوعك انت قلت ان العربيه طفت وانت بتجربها مع المهندس وبعدين خدوها 10 دقايق ظبطوها .....هما فعلا نظفوا الانجيكشن .....لان العربيه مابتتظبطش بالكمبيوتر

المشاركة الأصلية كتبت بواسطة szaalouk

الف مبروك يا باشا

الله يبارك فيك

المشاركة الأصلية كتبت بواسطة peaceman

لا شكر علي واجب يا استاذ عاطف انت اخ عزيز .. احنا بس نقدر نرد جمايلك و مجبتك لي و للاعضاء
الف الف مبروك حل المشكلة و انا فعلا ان شاء الله هروح انظف الانجيكشن لأن فعلا الموضوع بيفرق جدا مع العربية خصوصا ان البنزين الفترة اللي فاتت كان عامل مشاكل صعبة جدا مع العربيات في مصر

و انا اندهشت فعلا من العربية 2007 و المركز بيؤكد ان الماتور حتي متفتحش و عامله 400000 كيلو بصراحة النيسان صني عربية ممتازة .. ربنا يبارك لنا فيها كمان و كمان و فعلا يا جماعة احنا اخترنا العربرية اللي وكيلها جدير بالاحترام

و بشكر جدا توكيل مودرن فرع شبين الكوم علي اهتمامهم و علي خبرتهم المحترمة لحل مشاكل العربيات نيسان

كلك ذوق ياهندسه وربنا يديم المحبه ونظف الانجيكشن فعلا فرق كتير

المشاركة الأصلية كتبت بواسطة _hema

كل التحيه لحضرتك ولذووقك واهتمامك بعرض الحل كما سبق وان تفضلت بسرد المشكله

لك كل تحيه تقدير واحترام

واشكرك من قلبى على الايضاحات التى تضمنها تقريرك وكذا المعلومات عن الضفيره والبطاريه واسمح لى ان ادون ملاحظتى

فعند تغيير البطاريه لى فى مركز صيانه السبع افادور بضروره عمل ريست لكمبيوتر العربيه بعد تركيبه البطاريه وذلك لآحداث توافق بينهما

اما مشكله الضفيره فكما اوضحها لك الفنيين سبق وان اوضحها الى المهندس خالد والمهندس اسلام بان افادوا ان الشحنه الكهربائيه قد لاتصل كامله للموتور فبالتالى تؤثر على الاداء والسحب واحيانا العربيه تبطل

اكرر شكرى وتحياتى لحضرتك

شكرا ليك ياهيما باشا ..... العربيه بتعمل ريسيت مانيوال قبل التدوير وبعدين بيدخل جهاز كشف الاعطال للتأكد من قراءات العربيه الصحيحه ......بالنسبه للضفيره زى ماانت قلت بيكون فيه تأخير فى وصول الشحنه ..........بس لحساس الكرنك والهواء والكامه

المشاركة الأصلية كتبت بواسطة y2y1500

:10d5c8w1107::10d5c8w1107::10d5c8w1107:

1000 مبروووووووك يا استاذ عاطف على حل المشكلة
واكيد فعلا موضوع رداءة البنزين جه مع تغييرك للبطارية وأثر على الحرق وده اللى سبب لك التقطيع ده
بس الحمد لله انها ما طلعتش ضفيرة

وبالنسبة للصنى اللى قطعت 400.000 كم بدون فتح الموتور
انا دايما باقول اى عربية وخاصة الصنى لما تصونها تصونك
ولما تبخس حقها وتهينها تطلع عينك وتبهدلك
وخير دليل على كده حرص صاحبها على صيانات دورية قبل وبعد الضمان من وقت الزيرو

فعلا حاجة تفرح ... واتمنى اشوف عربيتى زيها وتوصل للمليون كمان

اهلا بصديقى العزيز

شكرا ياباشا والحمدلله عرفنا الحل لان الضفيره مقلقه وتغييرها كمان مش بسهوله ......النيسان فعلاعربيه محترمه وبالمحافظه والمتابعه وان شاء الله تعدى بيها التريليون يادكتور وعلى فكره الشكل الجديد مش حيعجبك ودا اكيد

المشاركة الأصلية كتبت بواسطة _hema

الشكر لله

وان شاء الله تعالى لينا مقابله عشان عايز اعزل العربيه

تحياتى لشخصك الكريم

لك كل الود

تحت امرك فى اى وقت