[QUOTE=mollaELolla;3874406575]ده كلام منطقى
نتكلم بقى شوية بالعقل
الناس بتحب الموتور الزهر لييه؟؟؟؟؟
عشان عارفينه
تقدر تفكه
و تعالج فيه شروخ
و توديه عند الخراط يخرطه
و لو وش السلندر فيه حاجة ممكن توديه يتزود و يتقشط
باختصار موتور تعرف تعمل فيه شغل و انا معايا 504 و عارف يعنى ايه الكلام ده
كل اللى فوق تمام
نيجى بقى للالومنيوم
لا اعتقد انك ممكن تعمل فيه كل الشغل ده اللى ممكن لو كان الموتور زهر تنقزه من الضياع
ولكن علم خواص المواد تقدم جدا فى ال 20 سنة الاخيرة
و انا طبيب اسنان و عارف يعنى ايه علم خواص المواد و درسته و امتحنت فيه
و هدا العلم بيقول ان الالومنيوم متين ( يا جماعة دا بيعملو منه الطائرات الحربية عشان تكون قوية و كمان تطييييييييير )
و ان وزنه خفيف مما يقلل الحمل على الموتور و اجزاء الموتور نفسه
و انه لا يحتفظ بالحرارة ( اللى هى من اخطر الاشياء على الموتور)
و احب افكركم ان الردياتير فى اى عربية جديدة الومنيوم لانه افضل بمراحل من الرادياتير النحاس فى فقد الحرارة... فمابالك بالموتور
فى فرق بين استخدام اللمونيوم فى الرادياتير عن الموتور فى الرادياتير الحراره اقصاها درجه غليان الماء يعنى بالكتير 100 سلزيوس الموتور الحراره ممكن تعلى عن كده بكتير لو حصل مشكله فى التبريد درجه انصهار الامونيوم اقل كثيرا من الحديد ( درجة الانصهار : 660.3 المونيوم بينما هى للحديد 1500 درجة مع فرض استخدام السبائك يظل الفرق فى صالح الحديد)
ان الالومنيوم لا يصداء او يتأكل كيميائيا ( و هنا افكرك بوش السلندر اللى بيتأكل و تروح تزوده عند الخراط)
دا غير انه بياخد و يدى (ينكمش و يتمدد) مع الحرارة و البرودة بشكل لا يقارن بالمرة بالحديد
مادة الالومنيوم تكون على سطحها مادة اوكسيد الالومنيون و هده المادة تحافظ على المعدن من التفاعل مع اى شىء
تمام كده ده اسمه distortion الموتور مع تكرار ارتفاع الحراره فيه و نزولها بياثر على العمر الافتراضى للامونيوم عن الحديد
اجزاء الموتور الالومنيوم الخفيفة دى اتعملها زيوت مخصوص عشان تديك أداء ممتاز (زيوت تخليقية) و طبعا هتديك اداء افضل و توافق افضل مع المواتير الالومنيوم
بعكس الزيوت المعدنية اللى بتنحط فى المواتير القديمة
الزيوت ده بتنفع فى الحديد اكتر علشان خلوصه اقل و ده اللى بيخللى الموتور الحديد اللى له نفس السعه اللتريه يطلع هورس بور اكتر من الامونيوم علشان الناس اللى مستغربه من الهورس بور بتاع الموتور
الموتور الامونيوم ميزته انه خفيف يعنى هيوفر بنزين بس البنزين فى مصر ارخص كتير من اوربا و امريكاو بالتالى فمافيش ميزه كبيره فى رائى
التراب و الحراره فى مصر و عدم تعود الناس على الصيانه الدوريه تخلى الحديد اكثر اعتماديه
المفضلات