الموضوع: الحمدلله رخصت صنى 2013

بسم الله الرحمن الرحيم
ما شاالله لاقوة الا بالله
هذا من فضل ربى

السلام عليكم ورحمه الله
بصراحة دا اول موضوع ليا منذ الاشتراك بالمنتدى الحمدلله

رخصت صنى 2013 اليوم وطبعا اكيد البعض هيسال عن انطباعى عنها بس انا فى البداية كنت بسوق 131 لمدة سنة تقريبا والحمدلله ربنا وفقنى لاختيار نيسان صنى على الرغم من بعض الهجوم عليها كانها عربية صينى والكلام ده مش صحيح علشان ما اطولش عليكم انطباعى كالتالى

اولا انا اختارت اللون البرونزى والفرش الاسود

ثانيا العيوب من وجهة نظرى (يعنى ممكن تكون صح او خطا بالنسبة لاى شخص اخر)

- فتحة التخزين فى التابلوه مش كبيرة وبها فتحات ليه انا معرفش ودا انا موضحه

- فى مفتاح فتح باب الشنط من الداخل لو يرجعوه الى الخلف حاجة بسيطة لان ممكن على سبيل الخطا الواحد يدوس عليه او يخبطه وهو بيركب او ينزل من السيارة,

- لوجابوا بطارية جافة كان هيبقى افضل بس المشكلة ان البطارية الجافة مفيش منها محلى وطبعا البطارية داخلة من ضمن مكونات الاجزاء المحلى ,

- مفيهاش اليد اللى بتكون فوق الابواب الخلفية(تعلق جاكت او بدله),

- مفيش فتحة usb

ثالثا المميزات من وجهة نظرى ( يعنى ممكن تكون صح او خطا بالنسبة لاى شخص اخر)

- وسع العريبة من الداخل

- ووسع الشنطة

- تكييف للكنبة الخلفية

- 2 اير باج ,

- اضاءة العدادت رائعة,

- نظام ايموبليزر

- ,abs,epd

- والخامات الداخلية جيدة بس كان ممكن يعملوا حاجة افضل من كده

- شكل التابلوه شيك وان كان لو دخلوا لونين فى التابلوه كان يبقى افضل,

- كاسيت ممتاز

ملحوظه خطاى فى الاستلام هو عدم ملاحظتى لفك يشبه اللحام فى الكبوت من الاسفل وسوف اذهب للوكيل لرويه هذا العيب هل هو عيب ام لا لانه عنما وضعت يدى عليه كان طرى يشبه المعجون

الانطباع العام بعد المزايا والعيوب حتى الان سيارة ممتازة كامكنيات وقيمة سعرية
ودا ممكن انت تسال عليه للموديلات الاخرى واسعارها وخصوصا اللى فيها وسائل الامان
(بس طبعا ربنا هو الحافظ سواء بوسائل امان او من غير) بس احنا بناخد بالاسباب

قريبا سارفع الصور باذن الله
انا بعتذر لاطالتى