مقارنة هوندا سيفيك من 1992- 2000 بباقى سيارات فئتها

**SAMEH_FOUAD** · 24-06-2012 03:13 AM

اذيكوا ياهونداوية عاملين اية

دلوقتى فية ناس كتير بتحتار تختار سيفيك وبتبقى عايزاها وبالتحديد من موديل 1992-2000 اكتر موديلين مطلوبين فى السيفيك

طيب ماتيجى نعمل مقارنة بين سيارات فئتها يعنى مثلا السيفيك مين منافسيها بين بقية الشركات من جميع النواحى ونشوف مين اللى تقدر تقف امام السيفيك وتبقى البديل ليها وهنبتدى بالسيارات المنافسة للسيفيك

1- لانسر موديل 1993 - 1996 - 1998 - 2001- 2005 ( البومة )

2- تويوتا موديل 1994 - 1998 - 2000 - 2002

3- هيونداى النترا 1994- 1998 - 2004

4- كيا سيفيا 1998 - كيا شوما 2001 - كيا سيراتو 2006

5- هيونداى فيرنا 2004- 2012

6- دايو نوبيرا 1 - دايو نوبيرا 2

7 - bmw e30 - e36

8 - اوبل فيكترا b1 , b2

9 - سوبارو 1994 - 2005

يعنى تقريبا دية اشهر السيارات اللى موجودة

ياريت بقى مقارنة كدة ونشوف مين اللى يستحق انة ياخد مكان الهوندا ولية ؟؟؟؟؟؟؟؟؟ مش كلام وخلاص

ملحوظة : انا بقارن بين ال si فقط يعنى مش مدخل ال SiR يعنى اللى يقارن يقارن بسيارات استوك

**SAMEH_FOUAD** · 24-06-2012 03:36 AM

حبيب قلبى انت فينك يااااااامان انت اللى واحشنى والله

وياعم عايزين نشوفك فى مقابلة ان شاء الله

شوف انا بحب الe30 بس فيها مشاكل كتير تخلى الواحد يبعد عنها وخلى بالك انا بتكلم عليها stock يعنى ولا هتاكل مع ال Si عيش ولا ملح يمكن الحاجة اللى فعلا تتعادل معاها هو الثبات والتحمل

الفيكترا ممتازة بردة بس عيوبها كلنا عارفينها اكيد ( ضفيرة - عدم اعتمادية - سخونية - ماتور على قدة بردة - تقيلة - استهلاك بنزين عالى - قطع غيار غالية وغير اعتمادية ) ودية عن تجربة معايا واحد صاحبى والعربية معاهم من الزيرو واصلا ابوة اللى بيركبها مش هو ومطلعة عنيهم ومهما يعملوا بردة لازم يطلع فيها حاجة , واخرها جاب قاعدة ماتور ب 950 جنية من برة التوكيل تخيل

**SAMEH_FOUAD** · 24-06-2012 03:52 AM

فية ناس مش بتقدر النعمة اللى كانت معاها الا لما تروح منها ( دة فى اى شىء ) واسألة هو عامل اية مع الكريستالة

**khalid_adel** · 24-06-2012 04:42 AM

ضيف عليهم سوبارو 2006 وبيني وبينك انا شابفها احسن من هوندا سيفيك 2010 ودي كنت عاملها في مقارنة كده تجربتي في سواقة دي ودي :)
متزعلش مني ياسمسم بس انا دلوقتي مش راكب سوبارو اصلا لكن مش قادر انساها :)

**SAMEH_FOUAD** · 24-06-2012 11:43 AM

المشاركة الأصلية كتبت بواسطة khalid_adel

ضيف عليهم سوبارو 2006 وبيني وبينك انا شابفها احسن من هوندا سيفيك 2010 ودي كنت عاملها في مقارنة كده تجربتي في سواقة دي ودي :)
متزعلش مني ياسمسم بس انا دلوقتي مش راكب سوبارو اصلا لكن مش قادر انساها :)

اولا نورت القسم ياباشا

ثانيا السوبارو جامد ماشاء الله انا عارف بس يعيبها محركها مش عارف لية مش مهتمين بية لكن هية كعربية وكمجمل ماشاء الله عليها

بس نقطة انها احسن من ال 2010 دية صعبة شوية بس اكيد دية وجهة نظر حضرتك وتحترم طبعا

المشاركة الأصلية كتبت بواسطة HAITHAM1985

فابيـــــــا 1400 mpi ــــ 16 فالف ــــ تسد وأنا متأكد من غير تربو ......... stock

mpi : multi point injection

شوف الفابيا انا ركبتها مع واحد صاحبى هية طلعتها حلوة وبتجمع كويس من صفر الى 100 لكن بعد كدة بتقل شوية وبتبدأ تبطىء من بعد ال120

لكم ميزة الهوندا انها بتفووووق اكتر من بعد ال120 ودة بفضل نظام ال vtec

وخلى بالك بردة ان الفابيا مش فئة السيفيك لان دية هاتشباك والتانيو سيدان

-

-

-

-

-

الموضوع: مقارنة هوندا سيفيك من 1992- 2000 بباقى سيارات فئتها

LinkBack

أدوات الموضوع

عرض

-

المواضيع المتشابهه

هوندا سيفيك 1992 si بالاسكندرية

هوندا سيفيك si 1992

مطلوب هوندا سيفيك si,sir من 1992 الى 1995

هوندا سيفيك 1500 مو 1992

الكلمات الدلالية لهذا الموضوع

المفضلات

المفضلات

ضوابط المشاركة