لا حول ولا قوة الا بالله .... الموتور راح خلاص

انا داخل البيت من حوالي نص ساعة
مش عارف أقول ايه بس
كنت باجري عالمحور و طول اليوم عادي الدنيا كويسة
فجأة صوت الموتور أتغير وسامع حاجات بتتخبط تحت العربية
مورت ... الموتور بطل !!!
ركنت علي جنب وفتحت الكبوت .... بركة زيت والزيت بنزل زي الحنفية
مش عارف الصوت ده كان ايه
طبعا مفيش حد عالمحور ولما نزلت من العربية زي اللي لسة صاحي ومش عارف هو فين
مبقتش عارف فاضل قد ايه علي ميدان لبنان ولا انا فين
زقيتها 2 كم علي أمل اني قريب من الدائري وهلاقي حد يقطرني
تعبت وجبت أخري :(
شاورت لحد يقفلي مفيش ... عندهم حق الصراحة الدنيا مش أمان
لغاية ما عربية فجأة وقفتلي وكان فيها 3 شباب
قالي في أيه وكان بيقولي معاك حبل وعايز يقطرني ... مالقيناش
قالي انا هازقك من ورا لغاية ميدان لبنان تركنها هناك
والله يا جدعان ما عرفت أشكره أزاي ... ربنا يباركله
لما وصلت لميدان لبنان سابني ومشي عشان كان داخل في أتجاه تاني ... كنت عايز أوقفه أخد نمرته حتي
ربنا يباركله
ركنتها هناك وروحت علي حد قريبي في أكتوبر
مش عارف ايه اللي بيحصلي ده :(

خير ان شاء الله
بكرة الصبح تاخد عربية نقل يقطرك
بس مش عايز افول عليك واقولك ان فعلاً الموتور راح
بس قدر الله وما شاء فعل ودة قضاء ربنا

قدر اله وما شاء فعل الحمد لله لسة حاصل معايا الموضوع ده بس مش للدرجة دي وقيست الزيت ملقيتش ولا نقطة ان شاء الله طالما وقفت علطول يكون الموتور لسة شغال ان شاء الله خييير

ربنا يستر ...... إن شاء الله خير ........ توسم الخير لقاه بإذن الله .

و ربنا يبارك للشباب اللي وقفولك .

ان شاء الله خير

الله يكون في عونك وان شاء الله خير بس ياريت تذكر الزيت كان بينزل منين وايه الاخبار

الحمد لله علي السلامة اهم من اي حاجة وانشاء الله خير

خير ان شاء الله احتمال ظلطه خرمت الكارتيرة وبما انك شفت الزيت وهوا بينزل معناه ان المحرك وهوا داير كان لسه فيه زيت
ان شاء الله ميكونش حصل فيه حاجة ولكن اعتقد اول الاشياء المضارة هيكون الكوستبانات والله اعلم

كان الله في عونك، و إن شاء الله الموتور ماراحش ولا حاجة. على ما أتذكر انت كنت عامل عمرة قريب مش كدة؟

بسيطة ان شاء الله يا جيو و ابقى طمنى عملت ايه.

ابقى طمنا ايه الاخبار و ان شاء الله سليمه

ممكن تروح عند محمد عبده و تشوف رأيه ايه

ان شاء الله خير .......... احسن الظن بالله يا جيو
وتبقي طمنا بالله عليك

انا لسة مقابل جيو دلوقتى... المشكلة بسيطة و الحمد لله

طبب المياه اللى فى وش البلوك بايشة و العربية سربت كل مية التبريد و عشان كدة سخنت و بطلت

MMamdouh

طب تمام الحمد لله بسيطة , بس ايه موضوع الزيت اللى اتسرب كله دة؟

واية الاضرار اللى حصلت بالموتور

مفيش زيت اتسرب... دى مية تبريد و زيت الموتور مضبط تمام

الاضرار الحمد لله مفيش... الطبب بس تتغير و الدورة تتغسل كويس و عربية هترجع احسن من الاول ان شاء الله

MMamdouh

الحمد لله ربنا سلم..

الحمد لله خير
الطبب دى اموت واعرف هى فين !!!!! عاوز ابص عليها احتياطى

طيب الحمدلله الطبب دى تقريبا بتكون تحت المانفول

شكرا يا رجالة الله يكرمكوا
الحمد لله طلع الموضوع أبسط مما كنت متخيل بكتير والحمد لله
رحت الصبح الكلية عشان المشروع ووانا هناك ممدوح كلمني وطلع ان شغله جنب مانا راكن
لما خلصت روحت عشان أتطمن بقي ايه اللي حصل لأني كنت في غيبوبة امبارح
أتصلت بممدوح
علي ما جالي كنت قلت أبص عالزيت
لأقيته فوق الماكس !!!!!!!!! ... العربية كانت مايلة شوية
يعني تقريبا مفيش نقطة زيت نزلت !
يبقي الفتيس ؟! ... طاب العربية بطلت ليه !
بصيت عالقربة لقيتها شبه مافيهاش مية
زودت مية راكت نازلة زي الحنفية من فوق الفرن ... ممدوح قالي ده الطبة باشت
انا الصراحة انا في حالة زهول من ساعة مالقيت زيت أساسا !!!!
هاااار أسود .... لاكون باحلم وانا صاحي ! :)
رجعت أبص عالخربشة اللي عالأكصدام لاقيتها موجودة :))))
الحمد لله تقريبا مفيش خساير ميكانيكية
في خساير في الأرواح
انا روحي طلعت يا جدعان في الزق :)
بسس الحمد لله طبعا
المشكلة بقي من ايه عشان الناس تاخد بالها
العربية بتاعة واحد في أمريكا وكان راكنها في مصر 10 سنين وتقريبا كان فيها مية حنفية ... وعليه انا كمان باحط مية حنفية من خوفي من عمليات الغسيل ده
ماشفتش حد عمل دورة غسيل الا وبقي في مصيبة !
فطبعا في حاجات كتير باشت ولازم أغيرها
حاجة كمان ... عداد الحرارة ماعليش ... ليه ؟
العداد مايقراش حاجة لو مفيش مية
في مية يقيس درجة حرارتها ... مفيش مايقراش عشان كدة انا ماشكتش انها مية
انا المية نازلة قدامي ومن كتر الصدا اللي فيها أفتكرتها زيت ومكان نزولها هو اللي أكدلي انها زيت
نازة من ناحية طبة الزيت بالظبط ... انا لو كنت ركزت أكتر كنت خدت بالي انها نازلة من فوق الطبة مش الطبة نفسها
الحمد لله

:inlove:الدائري 7 كيلو

اقتباس:

---

المشاركة الأصلية كتبت بواسطة ahmed_mido1889

:inlove:الدائري 7 كيلو

---

أه صح
انا نسيت أقول انه زقني 7 كم بس مش للدائري .. لميدان لبنان :)

طيب الحمد لله ........... أهتم بقى بدورة التبريد

اقتباس:

---

المشاركة الأصلية كتبت بواسطة tutankhamoun

طيب الحمد لله ........... أهتم بقى بدورة التبريد

---

الحمد لله
هاظبطها كويس وربنا يستر الردياتير يبقي سليم بعدها

اقتباس:

---

المشاركة الأصلية كتبت بواسطة eng.geo

الحمد لله
هاظبطها كويس وربنا يستر الردياتير يبقي سليم بعدها

---

أهم حاجة أن الموتور سليم ........... مش مهم بقى الرادياتير
و الأهم
أن مطلعش عليك بلطجية و طلعلك ولاد حلال ساعدوك

بالتوفيق إن شاء الله .......... و ربنا يباركلك في العربية و يستر طريقك يا أستاذ جو .

الحمدلله انها جات على كدة
وحمدلله على سلامتك

اقتباس:

---

المشاركة الأصلية كتبت بواسطة tutankhamoun

أهم حاجة أن الموتور سليم ........... مش مهم بقى الرادياتير
و الأهم
أن مطلعش عليك بلطجية و طلعلك ولاد حلال ساعدوك

بالتوفيق إن شاء الله .......... و ربنا يباركلك في العربية و يستر طريقك يا أستاذ جو .

---

الحمد لله
ربنا يخليك يا باشا :)

اقتباس:

---

المشاركة الأصلية كتبت بواسطة ahmed nasser

الحمدلله انها جات على كدة
وحمدلله على سلامتك

---

الله يسلمك :)

الحمد لله انها مية مش زيت
خضيتنا عليك ياراجل

الحمد لله جات سليمه وبعدين كنت كلمتنى يا راجل انا معايا حبل على طول فى العربيه لزوم الطوارىء

حمد الله على سلامتك يا جيو وبركة انك بخير
ويا جماعة لازم كل واحد يحط رقم تليفون ونش على موبايلة
وعن تجربه محمد خاطر اللي اعلانه فوق عندنا ده شخص فوق المحترم ولو مش معاك فلوس ينزلك ويساعدك ان شالله تديلة تمن الجاز بس غير بقية الاوناش السفاحين اللي يستغلوك
قوله بس كلمة السر انك من نايل موتورز او كريم منير
بقولها مرة تانية مش هاتخسر حاجة لما تحط رقمه على موبايلك وسميه ونش عشان ماتنساش

إن شاء الله خير

الحمد لله رب العالمين ...... شوفت بقي
ربنا كريم والحمد لله انها جت علي قد كده ....... ده انت طلعتني من الجلابية الجينز بتاعتي ياجدع :))

اقتباس:

---

المشاركة الأصلية كتبت بواسطة karim_monir

حمد الله على سلامتك يا جيو وبركة انك بخير
ويا جماعة لازم كل واحد يحط رقم تليفون ونش على موبايلة
وعن تجربه محمد خاطر اللي اعلانه فوق عندنا ده شخص فوق المحترم ولو مش معاك فلوس ينزلك ويساعدك ان شالله تديلة تمن الجاز بس غير بقية الاوناش السفاحين اللي يستغلوك
قوله بس كلمة السر انك من نايل موتورز او كريم منير
بقولها مرة تانية مش هاتخسر حاجة لما تحط رقمه على موبايلك وسميه ونش عشان ماتنساش

---

جزاك الله عنا خيرا أكيمووووو :)))

الحمد لله جت سليمة، و على فكرة أنا عملت غسيل لدورة التبريد من 7 شهور في محطة موبيل الحي الثامن و كله زي الفل و محصلش مشكلة الحمد لله

اقتباس:

---

المشاركة الأصلية كتبت بواسطة tarek_2005

الحمد لله انها مية مش زيت
خضيتنا عليك ياراجل

---

الحمد لله :)
انا والله شوفته زيت :eyecancer:

اقتباس:

---

المشاركة الأصلية كتبت بواسطة lanos2004

الحمد لله جات سليمه وبعدين كنت كلمتنى يا راجل انا معايا حبل على طول فى العربيه لزوم الطوارىء

---

الحمد لله
والله يابوحمد الموبايل كان بيفصل شحن وكنت محتاس

اقتباس:

---

المشاركة الأصلية كتبت بواسطة karim_monir

حمد الله على سلامتك يا جيو وبركة انك بخير
ويا جماعة لازم كل واحد يحط رقم تليفون ونش على موبايلة
وعن تجربه محمد خاطر اللي اعلانه فوق عندنا ده شخص فوق المحترم ولو مش معاك فلوس ينزلك ويساعدك ان شالله تديلة تمن الجاز بس غير بقية الاوناش السفاحين اللي يستغلوك
قوله بس كلمة السر انك من نايل موتورز او كريم منير
بقولها مرة تانية مش هاتخسر حاجة لما تحط رقمه على موبايلك وسميه ونش عشان ماتنساش

---

الله يسلمك يا كريم :)
انا أول مرة أشوف الأعلان ده !
انا خلاص سجلت رقمه وربنا يستر مايحصلش حاجة تاني :d

اقتباس:

---

المشاركة الأصلية كتبت بواسطة egyptiandiver

إن شاء الله خير

---

الحمد لله خير :)

اقتباس:

---

المشاركة الأصلية كتبت بواسطة SonaSteel

الحمد لله رب العالمين ...... شوفت بقي
ربنا كريم والحمد لله انها جت علي قد كده ....... ده انت طلعتني من الجلابية الجينز بتاعتي ياجدع :))

---

الحمد لله :))))
كدة برضة تجيب جلاليب جينز من غيري ! :tongue32:

اقتباس:

---

المشاركة الأصلية كتبت بواسطة azahra

الحمد لله جت سليمة، و على فكرة أنا عملت غسيل لدورة التبريد من 7 شهور في محطة موبيل الحي الثامن و كله زي الفل و محصلش مشكلة الحمد لله

---

الحمد لله :)
انا غصب عني لازم أعملها وربنا يسهل
أه صح بخصوص سؤالك في الأول
انا أه غيرت صبابات من فترة بس مش عمرة

ما تعمل الواجب وتصور لينا مكان الطبب دى

طيب هي بطلت ليه أساسا؟؟!؟
هي المواتير فيها water level shutdown sensor??
أنا عايز اعرف لأن واحد بيقولي إن عربيته لو سخنت أو مفيهاش ميه تبطل..؟هي لانسر.
انا المكن اللي شغال فيه فيه الأوبشن ده بس بيكون في لوحه لو ذادت الحراره يخليها تبطل..
أو حساس تاني لو مستوي الميه قل تبطل..

محظوظ انت مع العربية دي :hitwall3:
الحمد لله انها جات على قد كدا
ابقى اتطمن على باقي دورة التبريد بردو

اخبارك اية يا هندسة

الحمد لله .. خضتني يا جدع لما قرأت العنوان ... انا قلت عربيتك دي باين عليها متجوزاك غصب ولا حاجة وبتقرفك علشان تطلقها