رأيي في صني الجديدة

**mozalol** · 27-06-2012 11:00 AM

المشاركة الأصلية كتبت بواسطة hossam_elwani

مكرر اكتر من خمس مرات بلاش اغراق لوجة النظر السلبيه دى ...............

يا باشا نحاول نتقبل وجة النظر الاخري مش نسميها اغراق دي وجة نظر ويجب ان نتعلم جميعنا احترامها مهما اختلفنا معاها
ثم يااخي لنفرض اني كاتبها في جميع المنتديات وجميع المواضيع في العالم ما يضيرك .... مش يمكن اكون عاوز اعرف اجابات عنها في اسرع وقت ممكن ومن اكثر من واحد وبسرعة دة يزعلك في شيئ
ثم ما الناس مشاركة برئيها اه وزي الفل لية اخت الموضوع من وجة النظر السلبية دي واعتبرتها اغراق
والله انا خايف علي البلد

**mozalol** · 27-06-2012 11:09 AM

المشاركة الأصلية كتبت بواسطة shaddadfalcon1

الحاجات اللي حضرتك قلتها كلها متقللش من قيمة العربيه لان معظمها مش حاجات اساسيه وممكن تظبطها بنفسك يعني فرش في جينز كار مثلا هيظبطلك الصالون كله باللون اللي انت عايزه

وجة نظرك ياباشا محترمة

**mozalol** · 27-06-2012 11:10 AM

المشاركة الأصلية كتبت بواسطة mohammedaladel

أنا مع التطوير وخصوصا ان العربية لسة جديدة ولحد الوقت كل اللى قال عيب مش عيوب جوهرية كلها كلام فاضى وحاجات بسيطة جدا مش مستاهلة التعليق بس

العربية مش جديدة قوي العربية بقالها فترة برة مصر من اخر 2010

**mozalol** · 27-06-2012 12:49 PM

المشاركة الأصلية كتبت بواسطة د.هشام

انا لو منك ألغي الحجز علىطول
العمر مش بعزقة

هيحصل شكلة هيحصل ياباشا
في عربية في الدنيا الزجاج الخلفي ملهوش كوتش حولية ولا دلايات علي العجل والمراية في شماسة قائد السيارة عشان يتمكيج وهوا سايق العربية سابوا اية للعربيات الصيني دا تقفيل الصين ياراجل خيال بالنسبة للتقفيل المصري
وما خفي كان اعظم

**engahmedsamy** · 27-06-2012 01:18 PM

والله يا باشا موضوع جميل انا حاجز اوتو بس انا حسيت ان عربية واسعة و ايرباج و abs و ebd و مانع سرقة ب 100 الف اوتو ماتيك

**Abu3aly** · 27-06-2012 01:19 PM

أكتر حاجة عجبانى فى العربية دى انها استجابة من نيسان لردود فعل السوق عن الشكل القديم و تعديل جوهرى فى العربية يتلافى أهم مشاكل الموديل لقديم و أهمها الاتساع الداخلى و استهلاك البنزين ، مع الاحتفاظ بتوليفية الأساسيات الكتير و الاوبشن المعقول فى حدود سعر مقبول اللى سوق حبها و قبلها ...... وطبعا ده بيثبت ان نيسان شركة محترمة تحترم آراء السوق و عنده مقدرة على الاستجابة لها فى نفس الحدود السعرية...... بالمناسبة أنا استخرت ربنا و توكلت على الله وحجزت الصنى الجديدة وان شاء الله الاستلام خلال يوليو

**MohammedAladel** · 27-06-2012 07:30 PM

المشاركة الأصلية كتبت بواسطة mozalol

العربية مش جديدة قوي العربية بقالها فترة برة مصر من اخر 2010

أنا بقول بحب التطوير وحسبتها بالنسبة لصنى القديمة ولسعرها بالنسبة للسوق المصرى ومعروف يا أفندم إن برا سابقين بكتير وإن كمان صنى اللى بتنزل برا فى أى دولة غير مصر هتبقى بأوبشن أعلى والكلام دا ينطبق على أغلب السلع إن لم يكن كلها ياريت حضرتك تفهم قصدى :)

**MohammedAladel** · 27-06-2012 07:32 PM

المشاركة الأصلية كتبت بواسطة mozalol

هيحصل شكلة هيحصل ياباشا
في عربية في الدنيا الزجاج الخلفي ملهوش كوتش حولية ولا دلايات علي العجل والمراية في شماسة قائد السيارة عشان يتمكيج وهوا سايق العربية سابوا اية للعربيات الصيني دا تقفيل الصين ياراجل خيال بالنسبة للتقفيل المصري
وما خفي كان اعظم

بسيطة خالص ولا تزعل نفسك نخلع المراية بتاع المكياج ههههههههههه ونحطها فى كرسى السائق اليمين نلزقها حتى بشريط لحام

**dr_ahmed_kaf** · 28-06-2012 10:14 PM

الحاجات اللي جوا ممكن تبقى أحسن لو إتصرف عليها شوية زي مثلا فرش كويس و إكسسوارات أصلي بس أنا كان من رأيي لو الحاجات دي كانت نزلت من الأول و الخامات كانت أفضل من كده و زودوا تمنها شويه 4000 مثلا كان هيبقى أفضل كتير.

**ahmed1981** · 28-06-2012 10:53 PM

أولاً ألف مبروك لصاحب الموضوع
وأشكره على تقييمه للعربية

المشاركة الأصلية كتبت بواسطة mozalol

هيحصل شكلة هيحصل ياباشا
في عربية في الدنيا الزجاج الخلفي ملهوش كوتش حولية ولا دلايات علي العجل والمراية في شماسة قائد السيارة عشان يتمكيج وهوا سايق العربية سابوا اية للعربيات الصيني دا تقفيل الصين ياراجل خيال بالنسبة للتقفيل المصري
وما خفي كان اعظم

الموضوع بسيط
قارن بينها وبين اللوجان الكاملة أوتوماتيك أو البي واي دي الكاملة أوتوماتيك
لو حسيت إنهم واحد سيبك منها وهات واحدة منهم ووفر الفرق