الدنجل اتعوج

**Karim Ibiza** · 27-06-2012 12:43 AM

أنا عملت حادثة

بصراحة انا مش فاهم فى ايه, العربية شاريعها من 3 اسابيع وفى الفترة دى جبتلها موتور وعملت حادثة.

عموما الحمد لله على كل شىء

المهم ان الدنجل اتعوج والجنط كمان اتعوج والياى اتعوج والمساعد مبقاش بياخد ويددى وده بغض النظر عن الرفرف الخلفى اللى اتعجن بس الحمد لله الدواخل كلها سليمة

انا رحت لواحد بتاع عفشة قاللى هاتلى دنجل استعمال ولسه لمل أحل هاشوف ايه تانى عايز يتغير.

رحت لواحد تانى قاللى هحل الدنجل وهظبطه, قولتله توكل على الله وحل وانا مش مقتنع انه هيعرف يظبطه.

حل و قطع ودق ولحام وتركيب وقياس بميزان المياه وكل ده وانا واقف بتفرج وبعد لما خلص المعلم كل حاجة, طلعت على بتاع الزوايا عشان اتأكد ان المقاس تمام والحمد لله الراجل بتاع العفشة طلع معلم وظبط الدنجل بالمللى.

السؤال هنا بقى:
هل اللحام والدق واللى حصل ده كله يضعف الدنجل وهل المفروض انى اجيب واحد استعمال وهل مش هقدر أحمل اوزان فى العربية وهل فى خطر ان اللحام يفك؟

وشكرا

**khalid_adel** · 27-06-2012 02:57 AM

الدنجل استيراد مش غالي مكنش في داعي للمخاطرة وياصابت ياخابت
ربنا يجعلها الخير لك فيها

**ehab_mansour** · 27-06-2012 10:35 AM

فيه أجزاء مهمة في العربية لا يجب الدق او الطرق و الاستعدال فيها او اللحام و منها الدونجل
انا مش بخوفك ولكن الصح و الأضمن انك تغيره في أقرب فرصه لأن كل اللي حصل فيه ده بيضعفه

**windofchange** · 27-06-2012 05:06 PM

العربية حالة ولازم توقفها تعملها صيانة كااااملة عند ناس امينة وحرفية وقطع غيار اصلية وبعدين احكم عليها وبرضه ربنا يكفينا واياكم شر العين ولا ننسي اذكار الصباح والمساء

**SYD** · 27-06-2012 05:41 PM

قدر الله وماشاء فعل

انا مع المهندس ايهاب في رأيه
الأحسن يتغير في اقرب فرصة

والله المستعان
،
،

**khalid_adel** · 27-06-2012 06:22 PM

حاجتين متلعبش فيهم وتستعدلهم
الدنجل و القنطرة
دول بيتغيرو استيراد افضل

**Karim Ibiza** · 27-06-2012 08:13 PM

يا جماعة شكرا على الافادة

فعلا المفروض انه يتغير افضل من الاستعدال, انا كنت فاكر ان سعره اغلى من كده, انا دافع 250 جنيه للراجل بتاع العفشة واكيد اللى يخلينى ادفع المبلغ ده يخلينى ازود شوية واجيب واحد استعمال افضل بس الفكرة انى مكنتش اعرف ان سعره مناسب + انى مكنتش اعرف الراجل بتاع العفشة هياخد منى كام غير لما خلص شغل.

عموما قدر الله وماشاء فعل وانا همشى بيه مؤقتا وبعد كده هجيب عفشة كاملة استعمال امامى وخلفى لان المساعدين واليايات الخلفى خفاف و بالمرة اغير كمان الامامى وارجع العربية لارتفاعها الفبريكة عشان صاحبها الاولانى كان مركب كاوتشات تعلية.

وربنا يستر فى اللى بعد كده, انا بقيت بخاف وانا سايقها وبقول ياترى هتعمل معايا ايه تانى الاسبوع اللى جاى!!!!

ربنا يكفينا واياكم شر العين.

والله المستعان

-

الموضوع: الدنجل اتعوج

LinkBack

أدوات الموضوع

عرض

-

-

-

-

-

المواضيع المتشابهه

الدريكسيون اتعوج ! هل فيه حل ؟؟ !

ما هو الدنجل الخلفى

الجنط اتعوج :(

الجنط اتعوج....

هل الجنط اتعوج

الكلمات الدلالية لهذا الموضوع

المفضلات

المفضلات

ضوابط المشاركة