موبايل htc

**ramy_gamal** · 27-06-2012 03:06 PM

بفكر اجيب موبايل htc wildfire s مش عارف التليفون دة كويس ولا لأ انا شوف ناس معاهم ال اكسبلورر وشايفه كويس بس انا الكاميرا بتفرق معايا والفلاش فهل دة كويس بالنسبه ل سعرة ولا فى حاجه احسن فى نفس الحدود؟ ولو حد معاة الموبايل دة يقولى مميزاته وعيوبه ؟ واكون شاكر جدا

**M.Radwan** · 27-06-2012 03:25 PM

عيوبه:
- صوته مش عالي.
- مفيش كاميرا أمامية (لو محتاجها يعني)
- صورة الكاميرا مش قد كده بس مش وحشة
- الأزرار اللى تحت تتش وساعات بتبقى رخمة في الشغل عشان قريبة جدا من الشاشة نفسها
- مفيش زرار للكاميرا!!!! (يعني لازم تدوس على زرار في الشاشة نفسها عشان تلقط الصورة، حركة رخمة بغباء!!)

مميزاته:
- سريع وصورته حلوة
- توكيل ممتاز عن تجربه
- خامات وتشطيب ممتازة

هو بقاله معايا 4 شهور وحاسس انه بدون مشاكل واني مش هغيره غير بعد فترة طويلة ودي حاجة إيجابية جدا
- بلاش الإكسبلورر عشان مش أندرويد!

**tamatemo** · 27-06-2012 04:06 PM

الوايلد فاير قرب يكمل سنة معايا

بص يا سيدي بقي
التلفون محترم من كل حاجة الا حاجة واحدةفي وجهة نظري

الذاكرة الداخلية للتلفون اللي بتستخدمها حوالي 150 ميجا فقط حتي لو عملت روت وعملت البرامج تنزل علي الكارت برضو هايجيلك وقت تلاقي التلفون مخنوق اوووووووووي

حاول تشوف حاجة فيها ذاكرة داخلية مش اقل من 4 جيجا هاتفرق معاك جدا في تجربتك للاندرويد

غير كدا وكدا انا مش بتهني عليه في البيت بسبب ان المدام بتحت الالعاب اللي نازلة من الماركت

بس الخلاص تلفون عملي وجسم التلفون قوي علي الرغم من سعره امكانيه مش قوية جدا بس مؤديه للغرض

**ramy_gamal** · 27-06-2012 04:09 PM

المشاركة الأصلية كتبت بواسطة M.Radwan

عيوبه:
- صوته مش عالي.
- مفيش كاميرا أمامية (لو محتاجها يعني)
- صورة الكاميرا مش قد كده بس مش وحشة
- الأزرار اللى تحت تتش وساعات بتبقى رخمة في الشغل عشان قريبة جدا من الشاشة نفسها
- مفيش زرار للكاميرا!!!! (يعني لازم تدوس على زرار في الشاشة نفسها عشان تلقط الصورة، حركة رخمة بغباء!!)

مميزاته:
- سريع وصورته حلوة
- توكيل ممتاز عن تجربه
- خامات وتشطيب ممتازة

هو بقاله معايا 4 شهور وحاسس انه بدون مشاكل واني مش هغيره غير بعد فترة طويلة ودي حاجة إيجابية جدا
- بلاش الإكسبلورر عشان مش أندرويد!

متشكر على ردك
هو الاكسبلورر فى اندرويد
طيب موضوع زرار الكاميرا دة ممكن يخلى الصور مهزوزة؟
موضوع صوته مش عالى اللى هو صوت السماعه ولا صوت الرنه؟
وبالنسبه ل جودة الكاميرا هل زى النوكيا ال n73 ولا اقل برضه

**ramy_gamal** · 27-06-2012 04:14 PM

المشاركة الأصلية كتبت بواسطة tamatemo

الوايلد فاير قرب يكمل سنة معايا

بص يا سيدي بقي
التلفون محترم من كل حاجة الا حاجة واحدةفي وجهة نظري

الذاكرة الداخلية للتلفون اللي بتستخدمها حوالي 150 ميجا فقط حتي لو عملت روت وعملت البرامج تنزل علي الكارت برضو هايجيلك وقت تلاقي التلفون مخنوق اوووووووووي

حاول تشوف حاجة فيها ذاكرة داخلية مش اقل من 4 جيجا هاتفرق معاك جدا في تجربتك للاندرويد

غير كدا وكدا انا مش بتهني عليه في البيت بسبب ان المدام بتحت الالعاب اللي نازلة من الماركت

بس الخلاص تلفون عملي وجسم التلفون قوي علي الرغم من سعره امكانيه مش قوية جدا بس مؤديه للغرض

المشكله لو دورت على حاجه 4 جيجا هيكون غالى وطبعا مواصفات عاليه.. والميزانيه متسمحش فحسيت دة مواصفاته معقوله على اد فلوسه
متشكرا على ردك

**naser_56** · 27-06-2012 04:29 PM

المشاركة الأصلية كتبت بواسطة tamatemo

الوايلد فاير قرب يكمل سنة معايا

بص يا سيدي بقي
التلفون محترم من كل حاجة الا حاجة واحدةفي وجهة نظري

الذاكرة الداخلية للتلفون اللي بتستخدمها حوالي 150 ميجا فقط حتي لو عملت روت وعملت البرامج تنزل علي الكارت برضو هايجيلك وقت تلاقي التلفون مخنوق اوووووووووي

حاول تشوف حاجة فيها ذاكرة داخلية مش اقل من 4 جيجا هاتفرق معاك جدا في تجربتك للاندرويد

غير كدا وكدا انا مش بتهني عليه في البيت بسبب ان المدام بتحت الالعاب اللي نازلة من الماركت

بس الخلاص تلفون عملي وجسم التلفون قوي علي الرغم من سعره امكانيه مش قوية جدا بس مؤديه للغرض

نفس المشكله بالضبط الذاكره بتاعته قليله جدا وهتخنق التليفون وهتخنقك انته كمان بالرغم اني مثبت كل التطبيقات علي الزاكره الداخليه وبالرغم من ذلك بتجي رساله وتقلك الزاكره المتبقيه قلبله والتليفون بيكون مخنوق جدا واضطريت امسح بعض البرامج الي فيها استهلاك للزاكره وبرضه التليفون مخنوق ولكن الي مهون علي اني هديه للاهل يستعملوه مكالمات وخلاص ولكن كشكل وقوه تحمل التليفون لا يعلي عليه

**M.Radwan** · 27-06-2012 04:34 PM

المشاركة الأصلية كتبت بواسطة r_gamal1

متشكر على ردك
هو الاكسبلورر فى اندرويد
طيب موضوع زرار الكاميرا دة ممكن يخلى الصور مهزوزة؟
موضوع صوته مش عالى اللى هو صوت السماعه ولا صوت الرنه؟
وبالنسبه ل جودة الكاميرا هل زى النوكيا ال n73 ولا اقل برضه

مش حكاية مهزوزة..حكاية انك مينفعش تصور إلا وانت باصص ع الشاشة..يعني مثلا لما تيجي تصور نفسك هيطلع عينك ))))))))))))
صوت الرنات..صوت السماعة الخارجية يعني
الصور طبعا أفضل بكتيييييير من n73

**ramy_gamal** · 27-06-2012 08:09 PM

معلش سؤال كمان ...
لو قارنت بينه وبين النوكيا n 8 مين احسن ؟ انا عارف دة نظام ودة نظام تانى بس مين اللى امكانياته اعلى وحموله اكتر ان فى شغلى بستخدم التليفون كتير

**hulk** · 27-06-2012 08:30 PM

htc ماركه محترمه جدااااا
تفوق انواع تانيه من حيث الخامات والسوفت وير وهارد وير ..
شركه تنافس سامسونج و اي فون !
وتعتبر رقم 3 ف العالم ورقم 2 ف امريكا
،،،،،،،،،،،،،،،،،،،،،،،
اما بلنسبه للموديل المذكور جميل وتحفه وعملي جدااا بس مشكله البروسيسور 600
الافضل اقل حاجه ف سيستم اندرويد 1جيجا للسرعه وتحمل الالعاب وكمان برامج وسرعه ف الاداء ،، مشكلته فعلا زي ما الاخوة قالو ان الذاكرة الداخليه صغيره جدااا وتخنق اي حد بيحب جيمز وبرامج كتير خصوصا ان سيستم اندرويد قوي وماركت بتاعه مجاني يعني هتنزل كميه اللعاب وبرامج بغباااء.. بلمناسبه انا بكتب المشاركه دي منه بس مش الا s
:-)