عباقرة مصر ( دولة متقدمة ) جدا

**Eng_aly** · 22-06-2008 10:05 AM

انا موافق حضرتك الرأى يا استاذ توت بس علشان الموضوع كبير اوى عليا لوحدى مبقدرش اعمل غير ان يكون سلوكى هو كما تقول انه يجب ان يكون فى شعب متحضر ولكن للأسف حتى دة الناس فى بعض الاحيان بيعملونى ولا المجنيين احنا فعلا حلنا بقى وحش قوى والناس تقريبا اتعودت على كدة لما يبقى الطريق واقف الناس بتخبط فى بعض مع انة مش هتفرق معا الا نصف متر واللى ماشى عكس وكأنه كدة دة الصح واللى ينزل فى الكسر ينزل واللى يتحرق يتحرق كل واحد بيقول يلا نفسى وكمان والله بأسلوب غلط ممكن يؤدى به فى النهايه الى الموت او اصابات خطيرة له او لعربيته اللى هى طافح فيها الكوته واللى من غيرها هيوعد يعيط ...انا نفسى نحترم بعض لو دة كتيير يبقى نخاف على بعض لو بردة كتيير يبقى نحاول بس نحاول منئذيش بعض

**Goodle** · 22-06-2008 11:33 AM

المشاركة الأصلية كتبت بواسطة mohamed_88sk

لا حول ولا قوة إلا بالله
عموما هو بقى يعتبر التخبيط حق شرعي للمصرين للأسف
والنادر إنك تلاقي عربيه سليمه ولا حتى فيها خدش على الأقل ....
ناهيك عن الفنانين العظماء اللي يجيب العربيه من أولها لأخرها ويعملك فيها نحت وفن تجريدي بأي أله حاده...
وأذا أنت سألت أو تسألت عن السبب فقد يتبادر لك أنه قد نزل عليه الوحي في تلك اللحظة فلم يقدر منع نفسه اللطيفه البريئه المرهفه من أداء واجبها وإسعادك وإسعاد الناس بتلك اللوحات ...
بجد خلاص أنا دماغي ورمت وعقلي حيشت من الناس دي ...

يطلق على هذا النوع الفن اسم "الفن المسماري" .. نسبة للمسمار اللي الواد "بصلة" بيمسكه وهو بيكحت في أم الصاج..
ويظن المؤرخون أنا هذا الفن موجود منذ عصر الكتابة المسمارية في بلاد النهرين والعجلات الحربية في مصر القديمة :) :)

**El Prince** · 22-06-2008 12:57 PM

هى دى الثقافة المصرية الخالصة التى تكونت عبرتراكمات من أزمنة و عصور ما قبل التاريخ !!!
وبرده مفيش فايدة !!؟

**ams** · 22-06-2008 01:31 PM

اولا :

"المصري هايفضل مصري . النيل رواه و ال ت خ ل ف جواه "

هذه اهانة واضحة لكل مصرى يا استاذ توت لذا اطلب منك حذف تلك الجملة

ثانيا : الم ترى عباقرة فعلا بكل ما تحمل الكلمة من معانى فى مصر ؟

ثالثا : جهد مشكور لتصحيح سلوكيتنا و لكن باسلوب لا استسيغه لتركيزه على المشكلة اكثر من الحل

و تقبل خالص مودتى
كما يقول الدكتور احمد دائما

**shady_elkady** · 22-06-2008 01:53 PM

شكلك شايل من مصر اوى

**Abo_Lina** · 22-06-2008 04:04 PM

اللوم مش على الشعب المصري لوحده لكن ايضا على الجهات الرقابية وغيابها عن تطبيق القانون..
صدقني انت لو جبت ارقى شعب في العالم و عيشته في ظروف زي دي ,سنتين والنتيجة مش هاتبقى بعيدة

ربنا يصلح الحال

**bassam nagy** · 22-06-2008 05:04 PM

ربنا يسترها معانا
اغلبهم على طريق 6 اكتوبر والمحور

**tutankhamoun** · 22-06-2008 05:16 PM

المشاركة الأصلية كتبت بواسطة ams

اولا :

هذه اهانة واضحة لكل مصرى يا استاذ توت لذا اطلب منك حذف تلك الجملة

ثانيا : الم ترى عباقرة فعلا بكل ما تحمل الكلمة من معانى فى مصر ؟

ثالثا : جهد مشكور لتصحيح سلوكيتنا و لكن باسلوب لا استسيغه لتركيزه على المشكلة اكثر من الحل

و تقبل خالص مودتى
كما يقول الدكتور احمد دائما

أخي العزيز
أنا لا أهين أحد و أنت و كل مصري محترم على رأسي من فوق و لكم مني كل تحية و تقدير
و فعلا مصر خرج منها عباقرة و لم يعيشوا بها ......... علشان لو عاشوا فيها ........ مش هايكونوا عباقرة لأسباب اللي أحنا عرفينها

بالنسبة للتركيز على المشكلة
لحل أي مشكلة يجب دراسة أبعادها و الإعتراف بوجودها و إن لم نفعل ذلك ............. لن تحل المشكلة
و دي مش مشكلة
دي كارثة .........مصيبة ...........
المصري لا يعترف بأي نظام لتقويم حياته ...
يعني الخطوط المرسومة على الأرض لتحديد مكان الركن و كأنها غير موجودة ( في مصر فقط )

سؤال أخير لحضرتك
هل مصر دولة متحضرة ؟؟؟
هل المصريين حاليا شعب متحضر ؟؟؟
أريد إجابة على هذين السؤالين يا أخي العزيز

**Ghamrawy** · 22-06-2008 07:28 PM

موضوع جميل و واقعى جدا و الحادثة بتاعت الفيرنا السودة (على ما اعتقد فيرنا) دى المفروض تتسجل باسم حادثة اسكندرانى علشان بلا مبالغة كل حوادث اسكندرية بالشكل ده عربية من الامام تقف مرة واحدة علشان مخلوق بيعدى او غرزة طلعت مقفولة او مطب اسكندرانى مفتخر من اللى قلبك يحبه بعرض الشارع و وراه يا اما واحد سرحان او مخضوض او ماشى بسرعة و وراهم هما الاتنين واحد شبههم و المحصلة 3 عربيات اتكسروا الاولى من الخلف و التانية من الخلف و الامام و التالتة من الامام.
بالنسبة لموضوع الركن ده : منظر شفته فى بلد من البلاد المتحضرة و لحد النهارده مطبوع فى مخى كأنه شريط سينما و هو كالتالى :
فى مكان من الاماكن المشهورة بالعواصف الرعدية و الاعاصير و الامطار الصيفية كنت ماشى تحت السيول مروح البيت و ابص الاقى ولد عمره من 7 ل 9 سنيين و اقف تحت السيول و هدومه متغرقة ميه و عمال يشاور لولدته و هى بتركن العربية جنب الرصيف .... حتسألونى ليه ؟؟ هو بره فى حد بيسوق و مابيعرفش يركن زى مصر ؟؟؟؟ و لا يمكن الولد ده سايس من اطفال الشوارع ؟؟ حاقول لكم لا طبعا .... و لكن السبب ان الميه المتحوشة جنب الرصيف كان ارتفاعها اكتر من 10 سم و الخط الاصفر اللى على الارض مش باين و البلاعات مش ملاحقة على كم الميه اللى نازله و الست خايفة تركن فوق الخط الاصفر !!!!!!!!!!!!!!!!!! تخيلوا ؟؟؟؟ كل ده علشان تركن العربية فى المكان المخصص.
اسف طولت عليكم

**smaw** · 22-06-2008 07:50 PM

هو انتا متعرفش ان في مصر العزيزه الحمير هي البتسوق العربيات العديه والكرو في مشكلتان
الاوله هي الناس معترضه ليه هلي الحزام
الثانيه هي الناس عنده عدوه لتكسير قواعد المرور ممكن علشان بيكره ال ح ك و م ه

الموضوع: عباقرة مصر ( دولة متقدمة ) جدا

LinkBack

أدوات الموضوع

عرض

-

-

-

-

-

-

-

المواضيع المتشابهه

ارجو المساعدة من عباقرة الفليشيا

بى واى دى و جائزة احسن تكنولوجيا متقدمة

تكنولوجيا متقدمة

استفسار من عباقرة المنتدى

ابيزا ولا بولو يا عباقرة المنتدى

الكلمات الدلالية لهذا الموضوع

المفضلات

المفضلات

ضوابط المشاركة