الموضوع: مشكله فى تكييف اليارس :(

السلام عليكم

عندى مشكله فى تكييف اليارس 2007 ... التكييف كان شغال تمام السنه اللى فاتت ... انابشغله فى الصيف بس .. السنه دى بجربه لقيته مش بيسقع اوى .... حتى على اقل درجه بيبقى مش كويس ... وخصوصا لو العربيه فى اشاره مثلا او فى مكان زحمه بحس انه بيفصل خالص

رحت لمهندس تكييف قالى اغسل السربنتينه الخارجيه ... غسلتها برده لسه مش متظبط ... قالى هقلل شويه فريون ... برده ماحلش المشكله

قالى خلاص طالما الكباس بيفصل بالشكل ده يبقى بايظ
فا قلت اسئل عليه فى ابو الدهب قالى 6500 جنيه يانهار ابيض
زززز
طبعا انا مش هغيره لو بالسعر ده غير لما اتأكد انه فعلا بايظ .... ياترى اتأكد ازاى ومين يدلنى على مكان بيفهم كويس فى تكييف التويوتا :(

المشاركة الأصلية كتبت بواسطة me_medoo

ورى مسرح البالون سعادتك في العجوزة. عدي عليهم الاول. وإن شاء الله تكون مشكلة بسيطة ويكون الفريون مغشوش ونوعيتوا صيني والكباس سليم ومستنين تقلنا عملت ايه

السلام عليكم

اعتزر على التأخير فى الرد ... كنت مشغول شويه انا رحتله امبارح... قابلت صنايعى اسمه هشام .... خلانى اروح البنزينه واغسل السربنتينه كويس .... وزودلى الشحن ... وقاالى جرب العربيه وارجعلى ... فا انا هشوف العربيه النهارده واروحله تانى ان شاء الله مع انى لما مشيت بيها ماحستش بفرق جامد .... هو قالى حاجه ان كفائه الكباس حوالى 70 % مش عارف هل فعلا كفائه الكباس ممكن تقل ولا بيقول اى كلام ... الغريب ان استهلاك البنزبن بقى جباااااااار والتكييف شغال.... العربيه بتبلع بنزين... يعنى مونت امبارح فل تانك.... العربيه استهلكت اول شرطتين فى حوالى 26 كيلوا ومش كلهم بالتكييف ومنهم شويه فى الزحمه بالليل .... الطبيعى ان الشرطتين دول بيعملوا حوالى 60 كيلوا تقريبا .... ان شاء الله هبلغكم باللى حصل

لا طبعاا كباس ايه الى بايظ ...
بدام فى تسقيع يبقى بيضغطط عادى
عايز اسالك سؤال انتا اشتغلت فى التكيف دا قبل كدا ولا دا بتاع الفبريكه عمرك ما اشتغلت فيه
واذاى الراجل قالك دا فريون زايد هل هوا بيتلج وفجاه بيفصل لفتره طويله ؟؟ ولا مش بيسقع اوى ..
تالت حاجه ودا احتمال الى عندى
ان الفريون انتا شحنته قبل كدا والراجل الى شحنلك ما فرغلكش الهوا كويس الى فى الددائره وشحن فريون على الهوا فبالتالى بيقل درجه التبريد كتير لو الفريون مش مشحون كويس

تحياتى لك ...م\ عا

المشاركة الأصلية كتبت بواسطة asemx1

لا طبعاا كباس ايه الى بايظ ...
بدام فى تسقيع يبقى بيضغطط عادى
عايز اسالك سؤال انتا اشتغلت فى التكيف دا قبل كدا ولا دا بتاع الفبريكه عمرك ما اشتغلت فيه
واذاى الراجل قالك دا فريون زايد هل هوا بيتلج وفجاه بيفصل لفتره طويله ؟؟ ولا مش بيسقع اوى ..
تالت حاجه ودا احتمال الى عندى
ان الفريون انتا شحنته قبل كدا والراجل الى شحنلك ما فرغلكش الهوا كويس الى فى الددائره وشحن فريون على الهوا فبالتالى بيقل درجه التبريد كتير لو الفريون مش مشحون كويس

تحياتى لك ...م\ عا

شكرا على ردك يا باشمهندس

اولا انا اول مره اعمل حاجه فى التكييف ... واظن ده تكييف الفبريقه .... انا شارى العربيه مستعمله والتكييف كان تمام

ثانيا هو التكييف مش بيسقع اوى .... وكمان بحسه مابيسقعش خالص خصوصا فى الزحمه ... انما على الطرق المفتوحه مع الجرى .... بيسقع معقول ... بس مش زى الاول

ثالثا ... بالنسبه للهوا فى الفريون ... اظن لو فى هوا فى الفريون ... هيبان فى العدسه الزجاج اللى على ماسوره الفريون ... وكمان كان هيبقى الموضوع ده من زمان .... انما ده حصل مؤخرا !!!

تانى حاجه انا بتضايق من الناس الى تقفل التكيف صيف وشتاء وماتشغلهوش وهما كدا فاكرين انهم وفروا كتير وبتاع
لا طبعا كل اسبوع لازم تشغل الكمبروسور على الاقل 5 دقائق حتى فى الشتاء علشان التزييت وعلشان تحافظ على الفريون والدوره من الصدا والانسداد

هتلاقى الكلام دا مكتوب فى الكتالوج

تحياتى .. .

زيت الكمبروسور بعمر الكمبروسور مش بيتغير لكن لو قل بسبب تسرب او تغيير الكمبروسور بيتملى تانى العلبه باين لتر ب 150 جنيه نوع تشيكى

تحياتى .......