مشكله فى تكييف اليارس :(

**FidoMido** · 28-06-2012 01:34 AM

السلام عليكم

عندى مشكله فى تكييف اليارس 2007 ... التكييف كان شغال تمام السنه اللى فاتت ... انابشغله فى الصيف بس .. السنه دى بجربه لقيته مش بيسقع اوى .... حتى على اقل درجه بيبقى مش كويس ... وخصوصا لو العربيه فى اشاره مثلا او فى مكان زحمه بحس انه بيفصل خالص

رحت لمهندس تكييف قالى اغسل السربنتينه الخارجيه ... غسلتها برده لسه مش متظبط ... قالى هقلل شويه فريون ... برده ماحلش المشكله

قالى خلاص طالما الكباس بيفصل بالشكل ده يبقى بايظ
فا قلت اسئل عليه فى ابو الدهب قالى 6500 جنيه يانهار ابيض
زززز
طبعا انا مش هغيره لو بالسعر ده غير لما اتأكد انه فعلا بايظ .... ياترى اتأكد ازاى ومين يدلنى على مكان بيفهم كويس فى تكييف التويوتا :(

**me_medoo** · 28-06-2012 01:49 AM

ورى مسرح البالون سعادتك في العجوزة. عدي عليهم الاول. وانشاء الله تكون مشكلة بسيطة ويكون الفريون مغشوش ونوعيتوا صيني والكباس سليم ومستنين تقلنا عملت ايه

**BLOODY_STONE** · 28-06-2012 02:02 AM

اول مرة اسمع موضوع حقلل شوية فريون ده ..

حاول تمسك ماسورة الخط البارد اللي طالعة من الكومبرسور لو لقيتها ساقعة تلج يبقى الشحن تمام و الكمبريسور شغال تمام

اكشف على السربنتينة عشان ممكن تخلي الكمبريسور يقفش ... بتعمل حمل جامد عالكمبريسور لو في مواسير متنية شوية و كده

لو طلع قافش بسبب السربنتينة ... في ناس بتقول انه ممكن يتصلح ...

لو لا قدر الله محتاجة كومبريسور جديد اسأل عند احمد جاير في الحرفيين ده رقمهم 01009355585 او 26975775

لو ناوي تجيب استعمال ... (كنت جايب استعمال للانسر القرش بتاعتي) امسكه بأيدك و دور الحتة اللي ماسكة في السير اتأكد ان مفيش تزييق او سد خرم خروج الهوا بأيدك و لف تاني كام مرة و شيل صوبعك لازم يعمل فرقعة هواء قوية

انا قلت انقلك خبرتى في موضوع التكييف ده

و قولنا بعد الكشف قالولك ايه

**asemx1** · 28-06-2012 02:09 AM

لا طبعاا كباس ايه الى بايظ ...
بدام فى تسقيع يبقى بيضغطط عادى
عايز اسالك سؤال انتا اشتغلت فى التكيف دا قبل كدا ولا دا بتاع الفبريكه عمرك ما اشتغلت فيه
واذاى الراجل قالك دا فريون زايد هل هوا بيتلج وفجاه بيفصل لفتره طويله ؟؟ ولا مش بيسقع اوى ..
تالت حاجه ودا احتمال الى عندى
ان الفريون انتا شحنته قبل كدا والراجل الى شحنلك ما فرغلكش الهوا كويس الى فى الددائره وشحن فريون على الهوا فبالتالى بيقل درجه التبريد كتير لو الفريون مش مشحون كويس

تحياتى لك ...م\ عا

**medo_sirion** · 28-06-2012 02:10 AM

لو عاوز تعرف السربنتينة عندك بايظ او بيسرب عندك طريقتين لاما تحط علية مية وصبون وتشوف فى تنفيس ولا لا
لاما تروح لحد يفكهولك وتشحنة هواء يكبسهولك يعنى وتحطة فى جردل مية وهيبان اذا كان بينفس ولا لا

**BLOODY_STONE** · 28-06-2012 02:24 AM

المشاركة الأصلية كتبت بواسطة asemx1

تانى حاجه انا بتضايق من الناس الى تقفل التكيف صيف وشتاء وماتشغلهوش وهما كدا فاكرين انهم وفروا كتير وبتاع
لا طبعا كل اسبوع لازم تشغل الكمبروسور على الاقل 5 دقائق حتى فى الشتاء علشان التزييت وعلشان تحافظ على الفريون والدوره من الصدا والانسداد

هتلاقى الكلام دا مكتوب فى الكتالوج

تحياتى .. .

مشكوور جدا على المعلومة دي

انا كنت عايز اسأل هو زيت الكومبريسور ده بيتغير ؟

**asemx1** · 28-06-2012 11:22 AM

زيت الكمبروسور بعمر الكمبروسور مش بيتغير لكن لو قل بسبب تسرب او تغيير الكمبروسور بيتملى تانى العلبه باين لتر ب 150 جنيه نوع تشيكى

تحياتى .......

**me_medoo** · 28-06-2012 11:59 AM

اه ياباش مهندس عاصم فتحت عليا. فتحه المره الي فاتت بقيت اشغل التكيف زي ماقلتلي المدام والعيال اتعودوا على التكيف ، وكنا طالعين يوم صدر رد للاسكندرية اوديهم افريكانوا بصيت لقيتهم قعد وا يزنو ويقولوا شغلنا التكيف يابابا شغلنا التكيف يابابا وكنت هتجنن انا ياجماعه ده سفر ، وبصيت لقيت كل العيال عندي بقو مهندسين عربيات وقعدوا يقنعوني ان التكيف لايؤثر على العربية والطريق الصحراوي بيريح التكيف لان مفيش زحمة ولمن وصلنا للمستر ريست بصيت لقيت المدام بتساومني ياتشغلنا التكيف ياتلف بينا وترجعنا مش عاوزين نتفسح .... انتا وخدنا تفسحنا ولا وخدنا تعذبنا ههههههههههههههه
وشغلتوا ..... لما بقيت هتشل

**medo_sirion** · 29-06-2012 01:55 AM

المشاركة الأصلية كتبت بواسطة me_medoo

اه ياباش مهندس عاصم فتحت عليا. فتحه المره الي فاتت بقيت اشغل التكيف زي ماقلتلي المدام والعيال اتعودوا على التكيف ، وكنا طالعين يوم صدر رد للاسكندرية اوديهم افريكانوا بصيت لقيتهم قعد وا يزنو ويقولوا شغلنا التكيف يابابا شغلنا التكيف يابابا وكنت هتجنن انا ياجماعه ده سفر ، وبصيت لقيت كل العيال عندي بقو مهندسين عربيات وقعدوا يقنعوني ان التكيف لايؤثر على العربية والطريق الصحراوي بيريح التكيف لان مفيش زحمة ولمن وصلنا للمستر ريست بصيت لقيت المدام بتساومني ياتشغلنا التكيف ياتلف بينا وترجعنا مش عاوزين نتفسح .... انتا وخدنا تفسحنا ولا وخدنا تعذبنا ههههههههههههههه
وشغلتوا ..... لما بقيت هتشل

هههههههههههههه هما قالولك كدة التكيف لا يوثر على العربية ههههههههههه ابن البط عوام

الموضوع: مشكله فى تكييف اليارس :(

LinkBack

أدوات الموضوع

عرض

-

-

-

-

-

-

المواضيع المتشابهه

الى خبراء اليارس هو الدبرياج تقيل فى كل اليارس

مشكله abs وصوت متور اليارس

مشكله فى تكييف الفيرنا

مشكله فى تكييف اللوجان

مشكله في تكييف البونتو

الكلمات الدلالية لهذا الموضوع

المفضلات

المفضلات

ضوابط المشاركة