-----------الاخــتــبــار الحقيقي للتويوتا تيم اول نموذج لمشكلة حقيقية ... ؟؟!!

**S O P H O S** · 02-07-2012 03:08 PM

المشاركة الأصلية كتبت بواسطة أبو عبدالله

انا أظن ان على شرحك ده
ان فيه حاجه محشورة مش تابعة للعربيه يعني حاجه من الشارع مزنوقة في حته حاول تبص كويس في الشمس وتفتح الكابوت وبتبص خلف العجل وتغسل العربية كويس من تحت

انا بصيت بدون حل الكاوتش بس لا اظن في حاجة ممكن تكون محشورة
وهبص تاني بردوا احتياط
اشكرك علي مرورك الطيب ده يا ابو عبد الله
نورتني بمساعدتك ...

**S O P H O S** · 02-07-2012 03:10 PM

المشاركة الأصلية كتبت بواسطة koshary

الحق نفسك علشان دى بلية العجلة الشمال وبتتفرك كل ما انت بتمشى حصلت معايا وسمعت الصوت ومشيت والعجله قفشت منى فى مدينة نصر والعربيه وقفت فجأه واتخبطت فانت الحق اعملها لحسن تقفش منك على السرعات العاليه والعربيه يحصلها حاجه وعملت معايا نفس الريحة دى وان شاء الله هتكون البلية خد بالك وانت بتغير البلية هتجيب اولسيهات كمان

ما انا يا كشري هوديها ان شاء الله لحد بقي
زي ما قولت فاخر الموضوع وان شاء الله خير
وهبقي اطمنك يا كشري

**S O P H O S** · 02-07-2012 03:14 PM

المشاركة الأصلية كتبت بواسطة me_medoo

واللهي يابوحميد انا بقول احتمال كبير يكون كلام ابو عبدالله مزبوط. ممكن تكون حاجة محشورة في العجلة الامامية وممكن كلام كوشري برضو. عن تجربة رمان البلي
بالنسبة لمركز الي قال عليه كريم باشا انا كنت بقولوا هجربوا في العربية الهونداي علشان ابعد عن غبور الحرامي الي بنسميه هبووووور تصور سرفيس هونداي اغلى من سرفيس تويوتا لذلك عاوز اعملها صيانتها بره وبلا ضمان بلا كلام فاضي الضامن هو رب العالمين

انا عاوز اقولك اليارس التانية الي معايه كان دريكسيونها تقيل جداً عملت ضبط ميزان بالليزر اتضح ان العجلة مئخرة كام سانتي بسبب المطبات الي باكولها عملتلها زرجينة ورجع الدريكسيون تمام والراجل نصحني اني اغير العجل الامامي ومعاه حق بس انا بقول اصبر عليهم شوية واخود اخر لحسه فيهم هههههههههه.

وخايف اوصفلك اي مركز لان المشكلة دلوقتي اليومين دول في البلد في ازمة ضمير حتى لو كان توكيل ياريت اعرف حد شاطر شاطر كنت دليتك عليه بس انا من تجربتي لعربيتك انا حاسس فعلاً ان في مشكلة عندك في التعليق الامامي بس فين بالزبط مش قادر احدد لان بقالي فترة بعيد عن جو الكورولات واديه بقت وخده اكتر على باور الكهربا

بس صدقني انا حاسس ان المشكلة بسيطه الي عندك بس هيا الي عملالك الدربكة دي بس ابتدي وحده وحده. مع اي ميكانيكي لحد ما تكتشف المشكلة فين

ما انا هسئل كريم باشا ان شاء الله
وهو اسم علي مسمي وان شاء الله خير ..

**S O P H O S** · 02-07-2012 06:10 PM

المشاركة الأصلية كتبت بواسطة BLOODY_STONE

لو بلية عجل حتبان ... حتلاقي صوت خشونة وانت ماشي و بتحس بيه ... و ممكن اللي في الشارع يسمعوه بس مش بيبقى خبط ...

بص انا مش فهيم اوي بس ممكن تكون حاجة في الفرامل ...

انا قبل كده كان عندي زي صوت تكة او خبطة خفيفة في العجلة ورة شمال مع الفرامل ... رحت كشفت و قالي العيب من حاجة (مش فاكر اسمها ايه) اللي التيل بيقعد عليه ... و ده بيحصل من كتر الركنة (مش عارف ازاي انا بستعمل العربية يوميا تقريبا) ... و بتتغير في الضمان ..

و المساعد و علبة الدريكسيون (والله اعلم) مسمعتش انهم ممكن يطلعوا ريحة ...

جرب بص عالعربية من تحت في اي بنزينة او خلى عفشجي يفك العجلة و يبص ... غالبا حاجة بسيطة ان شاء الله ...

يارب ان شاء الله
انا فعلا بفكر ارفعها في بنزينها قبل ما اروح للمركز ..
نورت يا باشا

**S O P H O S** · 03-07-2012 06:23 AM

المشاركة الأصلية كتبت بواسطة yaserbasha2000

ممكن جزء من الكرتيره البلاستيك اللي بتكون مربوطه في الاكصدام مفكوكه و بتتهز مع الحركه و تحتك بالكاوتش فتسمع الصوت و ريحه شياط نتيجه الاحتكاك

دي حصلت معايا قبل كده

للاسف لا لاني فكرت فكدة بردوا وبصيت مطلعتش هي
مشكورر علي مساعدتك الكريمة اخي ...

**OilMan** · 03-07-2012 03:05 PM

استفسار للمساعده فى الرد
هل حضرتك بتسمع الصوت وانت واقف تماما وبتحرك الدركسون ام وانت ماشى فقط؟

**S O P H O S** · 03-07-2012 03:41 PM

المشاركة الأصلية كتبت بواسطة oilman

استفسار للمساعده فى الرد
هل حضرتك بتسمع الصوت وانت واقف تماما وبتحرك الدركسون ام وانت ماشى فقط؟

لا يا باشا الصوت ده اثناء الحركة وليس وضع الوقوف
وكمان مش بيظهر علي السرعات العالية ولكن بيظهر فقط في بداية التحرك وحتي الوصول الي سرعة 15 او 20 كم
بالكتيـــــر . . .
تحياتي . .