-----------الاخــتــبــار الحقيقي للتويوتا تيم اول نموذج لمشكلة حقيقية ... ؟؟!!

**S O P H O S** · 30-06-2012 02:50 PM

بسم الله الرحمن الرحيم

-الموضوع ان من كذا يوم يوجد صوت تخبيط بسيط اوي فالعجل الامامي حسيته فالدركيسون خفيف زي حاجة بتمسك بس خفيفة اوي اوي وتروح وخصوصا لما اوجه الدركسيون سنه صغيرة ناحية الشمال ..

- ملحوظة ان الصوت ده مكنش بيبان غير عالسرعة البطية يعني لحد 20 فقط بعد كده بيختفي ..

-امبارح بقي كنت قرب الصحراوي والصوت ده بقاله فترة بيزيد المهم الصوت بالفعل زاد بقي تخبيط باسمعه فالعجل خصوصا الشمال فكرة قولت يمكن تيل طب مفيش صفارة ولا ايه دليل جربت اودس فرامل كتير واسيب ادوس واسيب الصوت علي اكتر وبقي واضح بشكل ان الي ما شي فالشارع وانا
معدي من جمبه يسمعه..

- كمان قبل ظهور صوت الترزيع ده كنت لما اجري وادوس فرامل جامدة شوية كنت بشم زي ريحة قريبة الي ريحت الشياط

وامبارح لما صــوت التخبيط علي صوته اوي نزلت ابص شميت رحيت قريبة للشياط ولكن هي ليست شياط هي قريبة بس ريحة غريبة من الناحية الشمال فقط وده بيدل اني في مشكلة وربنا يستر ..

__ دلوقتي بقي تظنوا ايه تيل - مساعد - علبة دركسيون ام الخ الخ اختر الاجابة الصحيحة

نفكر ونشوف الاختبار الاول للتيم هينجح ولا ...... بعد الشر

وفالنهاية وبعد تحديد المشكلة ان شاء الله اذا قدرنا نختار المشكلة وتنحددها...نروح التوكيل ولا نريح دمغنا ونشوف مركز صيانة للتويوتا يكون محترم وامين ومش بيفتي والي يعرف يشارك اخوانه فالتـيـم ..

تحياتي ... ومعلش علي تعبكم ....

**S O P H O S** · 01-07-2012 02:01 AM

ايه يا جماعة ده
12 ساعة بدون اي تعليق ..!!!!!
انا مش هقول مشاهدة الموضوع قد ايه ومحدش رد
بس انا لو عملت الموضوع في قسم تاني كان اترد
حتي لو عضو قالي ان شاء الله خير ..
تحياتي ...

**me_medoo** · 01-07-2012 11:07 AM

هههههههههههههههه
معليش اصل كنا بنتابع اخر الاخبار المحلية والعالمية
بس موضوع يحير بجد انا اقترح انك تروح عند عفشجي الاول وتخليه يشيكلك على تيش وبارات الدريكسيون والمساعد مش عارف ليه عندي احساس ان المالك الاول خد بوسة جامدة في الجنب الشمال ومعدلهاش كويس
الا قلي يابوحميد عملت قبل كده. ميزان للعربية بالليزر

**أبو عبدالله** · 01-07-2012 12:38 PM

انا أظن ان على شرحك ده
ان فيه حاجه محشورة مش تابعة للعربيه يعني حاجه من الشارع مزنوقة في حته حاول تبص كويس في الشمس وتفتح الكابوت وبتبص خلف العجل وتغسل العربية كويس من تحت

**S O P H O S** · 01-07-2012 05:11 PM

المشاركة الأصلية كتبت بواسطة me_medoo

هههههههههههههههه
معليش اصل كنا بنتابع اخر الاخبار المحلية والعالمية
بس موضوع يحير بجد انا اقترح انك تروح عند عفشجي الاول وتخليه يشيكلك على تيش وبارات الدريكسيون والمساعد مش عارف ليه عندي احساس ان المالك الاول خد بوسة جامدة في الجنب الشمال ومعدلهاش كويس
الا قلي يابوحميد عملت قبل كده. ميزان للعربية بالليزر

لا اظن موضوع الخبطة من المالك الاول لان العربية معايا بقالها 7 شهور تقريبا
ومكنش في الاصوات دي
وانا اظن معملتش حاجة جامدة اوي والله اعلم بالجراج بقي بيعملوا ايه فالعربية
بقولك ايه رايك اروح للمركز بتاع كريم باشا فهيونداي انا شوفتك بتقول ناوي تجربة
وقولي لو تعرف مركز احسن جربته
علشان انا ناوي بأذن الله اصلح وربنا يستر لان العربية الاصوات بقت تزيد اوي ومعاها ريحة غريبة بتتطلع من العجلة
وكل ده العربية طبعا مركونة لاني مش همشي بيها كده هتصدع الناس فالشارع وممكن تقف خالص ...

تحياتي

**koshary** · 01-07-2012 10:59 PM

الحق نفسك علشان دى بلية العجلة الشمال وبتتفرك كل ما انت بتمشى حصلت معايا وسمعت الصوت ومشيت والعجله قفشت منى فى مدينة نصر والعربيه وقفت فجأه واتخبطت فانت الحق اعملها لحسن تقفش منك على السرعات العاليه والعربيه يحصلها حاجه وعملت معايا نفس الريحة دى وان شاء الله هتكون البلية خد بالك وانت بتغير البلية هتجيب اولسيهات كمان

**me_medoo** · 02-07-2012 04:30 AM

واللهي يابوحميد انا بقول احتمال كبير يكون كلام ابو عبدالله مزبوط. ممكن تكون حاجة محشورة في العجلة الامامية وممكن كلام كوشري برضو. عن تجربة رمان البلي
بالنسبة لمركز الي قال عليه كريم باشا انا كنت بقولوا هجربوا في العربية الهونداي علشان ابعد عن غبور الحرامي الي بنسميه هبووووور تصور سرفيس هونداي اغلى من سرفيس تويوتا لذلك عاوز اعملها صيانتها بره وبلا ضمان بلا كلام فاضي الضامن هو رب العالمين

انا عاوز اقولك اليارس التانية الي معايه كان دريكسيونها تقيل جداً عملت ضبط ميزان بالليزر اتضح ان العجلة مئخرة كام سانتي بسبب المطبات الي باكولها عملتلها زرجينة ورجع الدريكسيون تمام والراجل نصحني اني اغير العجل الامامي ومعاه حق بس انا بقول اصبر عليهم شوية واخود اخر لحسه فيهم هههههههههه.

وخايف اوصفلك اي مركز لان المشكلة دلوقتي اليومين دول في البلد في ازمة ضمير حتى لو كان توكيل ياريت اعرف حد شاطر شاطر كنت دليتك عليه بس انا من تجربتي لعربيتك انا حاسس فعلاً ان في مشكلة عندك في التعليق الامامي بس فين بالزبط مش قادر احدد لان بقالي فترة بعيد عن جو الكورولات واديه بقت وخده اكتر على باور الكهربا

بس صدقني انا حاسس ان المشكلة بسيطه الي عندك بس هيا الي عملالك الدربكة دي بس ابتدي وحده وحده. مع اي ميكانيكي لحد ما تكتشف المشكلة فين

**BLOODY_STONE** · 02-07-2012 04:36 AM

لو بلية عجل حتبان ... حتلاقي صوت خشونة وانت ماشي و بتحس بيه ... و ممكن اللي في الشارع يسمعوه بس مش بيبقى خبط ...

بص انا مش فهيم اوي بس ممكن تكون حاجة في الفرامل ...

انا قبل كده كان عندي زي صوت تكة او خبطة خفيفة في العجلة ورة شمال مع الفرامل ... رحت كشفت و قالي العيب من حاجة (مش فاكر اسمها ايه) اللي التيل بيقعد عليه ... و ده بيحصل من كتر الركنة (مش عارف ازاي انا بستعمل العربية يوميا تقريبا) ... و بتتغير في الضمان ..

و المساعد و علبة الدريكسيون (والله اعلم) مسمعتش انهم ممكن يطلعوا ريحة ...

جرب بص عالعربية من تحت في اي بنزينة او خلى عفشجي يفك العجلة و يبص ... غالبا حاجة بسيطة ان شاء الله ...

**أبو عبدالله** · 02-07-2012 10:18 AM

المشاركة الأصلية كتبت بواسطة me_medoo

والله يابوحميد انا بقول احتمال كبير يكون كلام ابو عبدالله مزبوط. ممكن تكون حاجة محشورة في العجلة الامامية وممكن كلام كوشري برضو. عن تجربة رمان البلي
بالنسبة لمركز الي قال عليه كريم باشا انا كنت بقولوا هجربوا في العربية الهونداي علشان ابعد عن غبور الحرامي الي بنسميه هبووووور تصور سرفيس هونداي اغلى من سرفيس تويوتا لذلك عاوز اعملها صيانتها بره وبلا ضمان بلا كلام فاضي الضامن هو رب العالمين

انا عاوز اقولك اليارس التانية الي معايه كان دريكسيونها تقيل جداً عملت ضبط ميزان بالليزر اتضح ان العجلة مئخرة كام سانتي بسبب المطبات الي باكولها عملتلها زرجينة ورجع الدريكسيون تمام والراجل نصحني اني اغير العجل الامامي ومعاه حق بس انا بقول اصبر عليهم شوية واخود اخر لحسه فيهم هههههههههه.

وخايف اوصفلك اي مركز لان المشكلة دلوقتي اليومين دول في البلد في ازمة ضمير حتى لو كان توكيل ياريت اعرف حد شاطر شاطر كنت دليتك عليه بس انا من تجربتي لعربيتك انا حاسس فعلاً ان في مشكلة عندك في التعليق الامامي بس فين بالزبط مش قادر احدد لان بقالي فترة بعيد عن جو الكورولات واديه بقت وخده اكتر على باور الكهربا

بس صدقني انا حاسس ان المشكلة بسيطه الي عندك بس هيا الي عملالك الدربكة دي بس ابتدي وحده وحده. مع اي ميكانيكي لحد ما تكتشف المشكلة فين

سؤال بس خارج الموضوع
انت كشفت ليزر فين وبكام ؟؟؟
واي المميزات اللي انت شايفها في الكشف ده ؟؟؟

**yaserbasha2000** · 02-07-2012 10:31 AM

ممكن جزء من الكرتيره البلاستيك اللي بتكون مربوطه في الاكصدام مفكوكه و بتتهز مع الحركه و تحتك بالكاوتش فتسمع الصوت و ريحه شياط نتيجه الاحتكاك

دي حصلت معايا قبل كده

الموضوع: -----------الاخــتــبــار الحقيقي للتويوتا تيم اول نموذج لمشكلة حقيقية ... ؟؟!!

LinkBack

أدوات الموضوع

عرض

-

-

-

-

-

-

المواضيع المتشابهه

صيانة ال 200,000 للتويوتا الياريس ..

عاوز ستاير كبس للتويوتا افانزاعاوز ستاير كبس للتويوتا افانزا

زيت تيتان فوكس و لا شل للتويوتا

نموذج مشرف

فانوس خلفى للتويوتا

الكلمات الدلالية لهذا الموضوع

المفضلات

المفضلات

ضوابط المشاركة