استفسار عن سيفيك 2008

**HISHAM80** · 02-07-2012 08:56 PM

بص يا سيدي سيفيك أحسن عربيه في مصر وعن تجربه بدون الدخول في تفاصيل ومقارنات العربيه ارتفاعها ذي معظم العربيات ألي في نفس الفئه بص قاعده عجلاتها هي الأطول فهتلاقي العربيه بتحك في المطبات يعني لو ساكن في المنصوره أو الأقاليم بلاش بس ده لأن المطبات مش طبيعيه

**Unendlich** · 03-07-2012 04:11 AM

المشاركة الأصلية كتبت بواسطة hany63

طب تفسر بايه ان ملاك ٢٠٠٩ ما بيشتكوش من المطبات

أنا مقلتش هما علوها ولا لأ عشان أنا معرفش, أنا بوضح إن تفسيرك لكون سبب الارتفاع هو الجنوط ده خطأ 100%
راجعتاني اللي أنا كاتبه كده

المشاركة الأصلية كتبت بواسطة unendlich

الجنوووووووووط مش عاملة أي فرق في الارتفاع
الجنط صحيح اكبر بس اللي ناس بتنساه إن الكاوتش برده ال profile بتاعه اصغر
يعني الخلاصة إن ال rolling diameter لل 195/65/15 هو هو بتاع ال 205/55/16 بل كمان ال 205 أوطي 1 ملي

و علي فكرة هم علوا ال 2012 و الكاوتش رجع تاني 195/65/15
يبقى نرجع و نقول تاني: مش مسألة جنوط

**hany63** · 03-07-2012 10:26 AM

المشاركة الأصلية كتبت بواسطة unendlich

أنا مقلتش هما علوها ولا لأ عشان أنا معرفش, أنا بوضح إن تفسيرك لكون سبب الارتفاع هو الجنوط ده خطأ 100%
راجعتاني اللي أنا كاتبه كده

والله قريت و فهمت من اول مره و للعلم العربيه لحد 2010 ارتفاع واحد بالمللي انما مقارنة بعربية زميلي 2008بيستغرب لما يكون راكب معايا ب 2010و نعدي على مطبات من غير ما تحك وبيقعد يقر

**ahm128** · 10-07-2012 11:20 AM

والله ياجماعة موضوع الارتفاع دة نغمة سايدة من التسعينات ايام لما كانت فعلا واطية بالنسبة لاقرانها ولكن الان الكلام ده اصبح فى غير محله لانها تقريبا فى نفس معدلات السيارات اللى فى فئتها انا على فكرة معايا 2008 وتحديدا السيارات اللى قارنتها بيها وركبتها وجربتها على نفس المطبات كانت السيراتوا 2011 والبيجو بارس والباسات 2011 و فيرنا 2008 وكانت النتائج مطابقة للهوند طبعا فى عربيات اعلى جربتها وكانت التويوتا 2008

**hany63** · 10-07-2012 12:46 PM

فعلا الناس حافظه و خلاص

**iWeLLy** · 13-07-2012 10:26 PM

بص يا سيدي أنا أكتر حاجة كانت مخوفاني من العربية موضوع الارتفاع وكنت بفاضل بينها وبين لانسر 2008 وجربت الاتنين لغاية ما خبراء هوندا في المنتدى أقنعوني وجبت عربية 2007 سيفيك وطبعا واجهت موضوع المطبات ده بس ابتديت أخد بالي ان فيه طريقه في السواقه بتخليك تعدي المطب من غير احتكاك بس عايزة صبر وانت بالنظر ممكن تعرف المكب هيحك في العربية ولا لأ ...الطريقة طبعا لازم ما يكونش فيه عربيات جنبك أو تستني لغاية لما العربيات اللي جنبك تعدي
Slammed cars scrape over speed bumps - YouTube المهم ان العربية دي أحسن اختيار على الطرق السريعة بصراحة من حيث الفرامل والمناورة وحتى مفاجآت الطريق لأني حصل معايا موقف لو حصل بأي عربية تاني كان زماني في المستشفى دلوقتي فجأة مرة واحدة ظهر ليا كلب على طريق بلبيس السريع بالليل وثبت في مكانه وسط الطريق بسبب ان الكشافات كانت ضاربه في عينه تجاوزته وأنا على سرعة 140 من غير ما العربية تعوم مني زي ما كانت الأوبل الفكترا بتعمل ولو اللانسر كانت اتقلبت بجد مش هزار ..... اختيار سيفيك موفق ان شاء الله العربية ممتازة بجد واستهلاكها في البنزين مش عالي زي ما كنت فاكر على سرعات 90 -100 في السفر أحسن اقتصاد في البنزين ....وخلي بالك العربية مش بتحسسك بالسرعة اطلاقا يعني لو سوقت لانسر 2008 وسيفيك الشكل الي قبل 2012 هتلاقي مثلا انك وانت على سرعة 150 حاسس كأنك على 120 في اللانسر العربية مغرية جدا في السرعة وثابته ثبات ممتاز على الطريق وفراملها ممتازة في المفاجآت وبصراحة ألف شكر للعضوين hany63 و semsem kane هما السبب اني اشتريتها بصراحة .....قطع الغيار معمره في الهوندا يعني حتى لو غالية حبتين برضه موفرة أنا معايا فيكترا وأكسنت والأكسنت أرخص قطع غيار في مصر تقريبا بس بتغير قطعة الغيار ما بتقعدش شهور وتلاقيها عايزة تتغير تاني ...اتوكل على الله والناس هنا بتساعد كتير قوي في النصايح عن قطع الغيار

**mrramy2005** · 14-07-2012 02:28 AM

طب معلش سؤال .. هو الهوندا كلها ياباني ولا في موديلات مش ياباني ؟

**hany63** · 14-07-2012 04:12 AM

المشاركة الأصلية كتبت بواسطة iwelly

بص يا سيدي أنا أكتر حاجة كانت مخوفاني من العربية موضوع الارتفاع وكنت بفاضل بينها وبين لانسر 2008 وجربت الاتنين لغاية ما خبراء هوندا في المنتدى أقنعوني وجبت عربية 2007 سيفيك وطبعا واجهت موضوع المطبات ده بس ابتديت أخد بالي ان فيه طريقه في السواقه بتخليك تعدي المطب من غير احتكاك بس عايزة صبر وانت بالنظر ممكن تعرف المكب هيحك في العربية ولا لأ ...الطريقة طبعا لازم ما يكونش فيه عربيات جنبك أو تستني لغاية لما العربيات اللي جنبك تعدي
slammed cars scrape over speed bumps - youtube المهم ان العربية دي أحسن اختيار على الطرق السريعة بصراحة من حيث الفرامل والمناورة وحتى مفاجآت الطريق لأني حصل معايا موقف لو حصل بأي عربية تاني كان زماني في المستشفى دلوقتي فجأة مرة واحدة ظهر ليا كلب على طريق بلبيس السريع بالليل وثبت في مكانه وسط الطريق بسبب ان الكشافات كانت ضاربه في عينه تجاوزته وأنا على سرعة 140 من غير ما العربية تعوم مني زي ما كانت الأوبل الفكترا بتعمل ولو اللانسر كانت اتقلبت بجد مش هزار ..... اختيار سيفيك موفق ان شاء الله العربية ممتازة بجد واستهلاكها في البنزين مش عالي زي ما كنت فاكر على سرعات 90 -100 في السفر أحسن اقتصاد في البنزين ....وخلي بالك العربية مش بتحسسك بالسرعة اطلاقا يعني لو سوقت لانسر 2008 وسيفيك الشكل الي قبل 2012 هتلاقي مثلا انك وانت على سرعة 150 حاسس كأنك على 120 في اللانسر العربية مغرية جدا في السرعة وثابته ثبات ممتاز على الطريق وفراملها ممتازة في المفاجآت وبصراحة ألف شكر للعضوين hany63 و semsem kane هما السبب اني اشتريتها بصراحة .....قطع الغيار معمره في الهوندا يعني حتى لو غالية حبتين برضه موفرة أنا معايا فيكترا وأكسنت والأكسنت أرخص قطع غيار في مصر تقريبا بس بتغير قطعة الغيار ما بتقعدش شهور وتلاقيها عايزة تتغير تاني ...اتوكل على الله والناس هنا بتساعد كتير قوي في النصايح عن قطع الغيار

يا باشا لا شكر على واجب انت اللي ابن حلال و تستاهل كل خير