الموضوع: مصر سنة 2062 فى حوار ما بين جد وحفيدة يكتبة كل أعضاء المنتدى

المشاركة الأصلية كتبت بواسطة mohammedabdallh

ده انتوا ريئين بقى
ماشى
ماشى

هههههههههههههههههههه شكلك غيران

المشاركة الأصلية كتبت بواسطة تامر.محمد

ان شاء الله اللي جاي افضل :)
ان شاء الله يوم ما بنتي تسألني لما تكبر عن اليومين دول
فيه احتمال اقدر اجاوب عليها اني شاركت و حاولت , سواء ربنا كرمنا و نجحنا , او ما استاهلناش و ما نجحناش :)

ربنا يثبتنا على الحق


و يا اخ سكرين بلايز , اللي بيعتصموا اليومين دول اغلبهم معتصمين لحقوق , من حقك تدين اللي بيطلب حاجة مش حقه بس :)

هو من امتي اختصاصات رئيس الجمهوريه بقت بتهم الشعب ؟ و الله يا تامر الناس اللي عندهم محلات في التحرير قربوا يشحتوا و اللي ساكنين في التحرير قربوا ينتحروا

المشاركة الأصلية كتبت بواسطة تامر.محمد

فيه ستات صيني الواحدة ب6000 دولار + مصاريف الشحن و معاها ضمان سنة و التسليم خلال 3 شهور , تشيل ؟ :))

مش صيني ده فيتنامي ... ركز

المشاركة الأصلية كتبت بواسطة funnymickey

يأتي الحفيد مسرعا مستقلا طائرته النفاثه في الوقت الذي كان يقف فيه الجد في الشرفه مرتديا بانتاكورا وتي شرت كت كاشفا عن ذراعيه الواهنتين وكبر سنه الذي تعدي الثمانين باعوام قليله

يترجل الشاب من سيارته مرتديا جيبه صفراء اللون وبدي بحمالات يلوح لجده العجوز الذي يبادله التحيه ببصقه

يصل الشاب لباب شقته الكائنه في الدور الثالث والتسعون بعد المائه (محدش يسأل جده شافه ازاي من متين دور مش عاوز استعباط )

يدخل الشاب ويلوح لجده بالسبابه والابهام قائلا : مسا الحلاوه بالزتون الصناعي ياراجل ياعجوز
الجد : اهلا يافاتن ازيك ياحبيبي فينك ياابني بقالك اسبوعين
فاتن (وده حيبقي اسم ولد ساعتها) : يووووووه ياجدي مش عاوز اقولك بقي عملنا ايه في الاسبوعين دول
اول حاجه اخدت البت وائل صاحبتي ورحنا شرم اه ياجدو صحيح وائل بتسلم عليك اوي وبتبوسك من هنا ومن هنا
وعاوز اقولك علي خبر حيفرحك اوي
شعرها ابتدي يطول زي زمان وحتبطل تحلق قرعه عشان انتا كنت بتقرف اوي من شكلها بس انتا عاوز رأيي والله كان شكلها زمان احلي
ياجدو دي صاحبتي وانا عاجباني كده
الجد : بلاش ارف هوا ده شكل بنت كان عندنا زمان لعيب كمال اجسام اسمه روني كولمان البت دي شبهه بالظبط

فاتن متذمرا : المهم رحنا ياجدو شرم ومش عاوز اقولك بقت عامله ازاي
ياااااااااه عالبيئه والمناظراللي هناك حاجه اخر قرف
الله يخربيته حنان هوا صاحب الشوره المهببه دي

الجد ممتعضا: شرم بيئه فين ايامنا اما كنا بنروح نتفرج عالحتت اللي هناك ونرجع القاهره نرجع اول ما ننزل من الاتوبيس

فاتن : لااااااا ياجدو الكلام ده علي ايامكو اتفرجت انا علي صور من اللي انتا بتقول عليه ده بس دلوقتي الحال غير الحال
دلوقتي المستثمرين الصعيديين بنوا فنادق في كل حته وده خلي السياحه تنتعش وبقي يجيلنا بقي صوماليين ونيجييرين وسودانيين و..

الجد مقاطعا : ياابني سودانيين ايه وصوماليين ايه انا مش فاهم ايه ذوقك المنيل ده ياابني علي ايامنا الناس دي كنا بنخوف بيهم ولادنا

فاتن مذبهل : ياااااااي ياجدو بقي الجمال ده كله كنتو بتخافوا منه امال لو رحت روسيا بقي ولا المانيا كنت قلت ايه ده الرجاله والستات هناك شكلهم يقرف شعر اصفر وعيون زرقاء وخضراء يععععععععععععععع

الجد حاملا الشبشب : يلا يلعن ابو ذوقك ززوووووووو ولسه بيحدف

الشبشب ناظرا للجد : متحترم نفسك ياجدع انتا هوا انتو مأجرينا ساعتين عشان تمرمطوا اللي جابونا هنا

الجد معتذرا للشبشب : معلش انا اسف الواد استفزني بكلامه

الشبشب : عالم رمم متجيش غير بالعين الحمرا اتفضل وطي عشان اقعد فوق دماغك تاني

فاتن ضاحكا : مبتجيش غير بالتهزيق انتا ياجدو المهم ابويا رجع من اليابان ولا لسه

الجد : لا لسه المفروض انه ركب بيجو 200 راكب الصبح وقال ساعتين ويوصل

فاتن : هيا تيتا فين

الجد : في الجيم ياابني

فاتن : وماما

الجد : راحت دبي الصبح تجييب شويه بقاله وتشوف شغاله جديده بدل اليهوديه اللي هربت امبارح

فاتن : طيب الحق انا اودي وائل للدكتور عشان نطمن عالبيبي ونشوفها حتبيض امتي عشان تعبت امبارح واحنا في المحيط

الجد : ربنا يقومها بالسلامه ياابني انتا قلتلي فرحكو امتي ان شاء الله

فاتن : يعني ان شاء الله اول ما وائل تبيض حنحدد

يفتح التلفزيون ال190 بوصه فتأتي قناه الجزيره مباشر المعادي

لتعلن خبرا عاجل

وفاه الرئيس السابق محمد حسني مبارك منذ نصف ساعه

فاتن : يوووووووه مات تاني

:) :) :) :)

ههههههههههههههههههههههههه ههههههههه يخربيت الخيال العلمي