الموضوع: ايه احلى برفان شميته ف حياتك

المشاركة الأصلية كتبت بواسطة dede_dodo88

أنا مجرب على فكرة و جبت من أمريكا بس محستش بفرق يذكر..
و بخصوص موضوع عن الـniche فمع كامل أحترامي يمكن الموضوع أختلط عليك شوية بس الكلام ده مش مظبوط تماماً فممكن تدور على النت تقرأ عن الـniche fragrances و الفرق ما بينها و بين الـdesigner frangrances..
هو مفيش حاجة أسمها dior تعمل عطر نيش, لأن نيش دي مبتبقاش مقرونة بسعر العطر أو جودته, فمهما ديور عملت عطر كويس و غالي فهو مازال يندرج تحت فئة الdesigner.
و كريد يعتبر من أشهر عطور النيش على الأطلاق على فكرة بكل ما يأتي تحته من عطور زيه زي أمواج و كلايف كريستان و غيرهم..

امريكا العطور فيها مش زي اوروبا لسببين
اولا : بعد المسافة الكبير بين امريكا واوروبا " طبعا اكيد حضرتك عارف ان معظم شركات العطور فرنسيه او بشكل اعم اوربيه لا بعض الدور القليله جدا الى بتكون فى امريكا او اليابان "
ثانيا : ثقافة الفرد الامريكي تختلف بشكل كبير عن ثقافة الفرد الاوروبي فى موضوع الموضة بشكل خاص
يعني مثلا صعب جدا تلاقى فرد امريكي "عادي مش ثري او ذو منصب" راشش برفان تمنه 60 دولار فى حين ان امامه انواع كتير منخفضة السعر بـ 10 دولار عكس اوروبا تلاقى فرد او شاب عادي وراشش بفران تمنه أكتر من 60 دولار وقد يكون دخله اقل من دخل الامريكي لكن معروف ان الاوروبي بيصرف فلوسه كلها على الموضه عكس الامريكي
السببين دول يخلو العطور تخزن لمدد طويله حتى يتم بيعها فى امريكا كمان يحدث فى مصر وبالتالي بتفقد بعض من بهجة العطر " ده رأيي الشخصي لأني بصراحة مجربتش عطور من امريكا قبل كده "

بخصوص العطور النيش فالمتعارف عليه فى مصر والوطن العربي بشكل عام ان عطور النيش هى العطور الفاخمه مرتفعه السعر
يعني مش اى عطر ليس من انتاج ديزاينر يبقى عطر نيش
كمثال شركة دافيدوف وشركة ايفون شركات متخصصه فى منتجات العطور والتجميل "يعني مش ديزاينرز" مينفعش نجيب زجاجة برفان ايفون بـ 50 جنيه ونقول ده عطر نيش :)

المشاركة الأصلية كتبت بواسطة dede_dodo88

niche market اللي هو فئة أو مجموعة معينة عددهم قليل و لهم خصائص معينة مشتركة..
فبالتالي niche fragrance هي عطور تستهدف فئة معينة من العملاء كالمشاهير و منهم ملوك و رؤساء البلاد. فبتكون عطور عالية الجودة و عادة بيستخدم في تركيبها مواد طبيعية و مكونات نادرة فبتكون مرتفعة الثمن و موجودة في أماكن معينة.
في بيوت عطور مخصصة فقط للفئة دي من العطور منهم , amouage, creed, bond no 9, tom ford, montale...etc

متفق معاك فى كل هذه المشاركه واختلافى على بعض اسماء الشركات مثل كريد
عطور كريد او عطر كريد الابيض بالتحديد على سبيل المثال كان سعره اول ما نزل فى حدود 300 ريال سعودي وكان ايامها الريال ب 92 قرش تقريبا وكانت رائحته اقوي وأثبت من الان
دلوقتى ارتفع الى 900 ريال بدون اى داعي او سبب مقنع
ممكن تكون الشركه بتحسبها بطريقة ان المستهلك العربي او الخليجي بشكل خاص بيعتز بالحاجه لو كانت غاليه وممكن ييقبل على شرائها ويترك الارخص حتى لو كان الارخص كقيمه اعلى
خصوصا ان الخليج هو السوق الاكثر رواجا للعطور الفاخره " 90 دولار فما فوق"
واعتقد ان هذا هوا السبب الوحيد وراء مضاعفة اسعار عطور كريد من 300 الى 900

تحياتي

سوزان