الموضوع: ايه احلى برفان شميته ف حياتك

مع كل احترامي لكل اللي فات انا عندي عشق خاص لكيلفن كلاين، عندي من منتجاته Euphoria, Contradiction, Eternity, Escape, obsession

ومع ان Escape اتوقف انتاجه بس بشتريه علي طول من بره

لسا مفيش حاجة جديدة ولا اه ؟

احلى حاجة جربتها لغاية دلوقتى فهرنهايت و وان مان شو

المشاركة الأصلية كتبت بواسطة sha2e

اولا بخصوص مواقع بيع العطور فى أكتر من موقع مضمونين زي الموقع الى ذكرته قبل كده وده يعتبر أكبر وافضل موقع لبيع العطور فى العالم كله
وناس كتير بتفضل الشراء من النت عن الشراء من مصر لان الرائحه بتكون اكثر ثبات وجمال من نفس العطر المباع في مصر - لو جالك برفان من اوروبا حديثا هتحس بفرق بينه وبين الى انت شاريه من مصر - مش عارف دي مسأله نفسية ولا ده بيكون نتيجة سوء تخزين لفترات طويله ولا الوكلاء فى مصر بيشترو المنتج الاقل قيمه فرز تالت هههههههه
بخصوص الشراء من المواقع المضمونه بيكون ليه عيوب : التأخر فى الوقت - الجمارك ودي ملهاش قاعده ثابته وممكن يقف عليك البرفان بسببها أغلى من لو كنت اشتريته فورا من مصر

ثانيا بالنسبة لتصنيف العطور وماركتها فعطور كريد لا تعتبر " عطور نيش "
مينفعش اننا نحط كريد فى نفس الفئه الى فيها ميكاليف وتوم فورد وكلايف كريستيان وغيرهم
ومش كل المتخصصين فى العطور زي جيرليان وكريد ومونتال واستى لودر وغيرهم كتير بتكون عطورهم كلاها نيش بيكون ليهم عدد محدود جدا من العطور الى تندرج تحت مسمى عطور نيش والباقى عطور عادية
وبرضو فى المقابل بعض الديزنرز زي ديور وغيرها بيكون لهم اصدارات خاصه من بعض العطور تندرج تحت فئة " عطور النيش "

تحياتي

أنا مجرب على فكرة و جبت من أمريكا بس محستش بفرق يذكر..
و بخصوص موضوع عن الـNiche فمع كامل أحترامي يمكن الموضوع أختلط عليك شوية بس الكلام ده مش مظبوط تماماً فممكن تدور على النت تقرأ عن الـNiche Fragrances و الفرق ما بينها و بين الـDesigner Frangrances..
هو مفيش حاجة أسمها Dior تعمل عطر نيش, لأن نيش دي مبتبقاش مقرونة بسعر العطر أو جودته, فمهما ديور عملت عطر كويس و غالي فهو مازال يندرج تحت فئة الDesigner.
و كريد يعتبر من أشهر عطور النيش على الأطلاق على فكرة بكل ما يأتي تحته من عطور زيه زي أمواج و كلايف كريستان و غيرهم..

يعني اية عطور نيش

المشاركة الأصلية كتبت بواسطة zegna

يعني اية عطور نيش

Niche Market اللي هو فئة أو مجموعة معينة عددهم قليل و لهم خصائص معينة مشتركة..
فبالتالي Niche Fragrance هي عطور تستهدف فئة معينة من العملاء كالمشاهير و منهم ملوك و رؤساء البلاد. فبتكون عطور عالية الجودة و عادة بيستخدم في تركيبها مواد طبيعية و مكونات نادرة فبتكون مرتفعة الثمن و موجودة في أماكن معينة.
في بيوت عطور مخصصة فقط للفئة دي من العطور منهم , Amouage, Creed, Bond no 9, Tom Ford, Montale...etc

اللف شكر ياريس