ξ❤ξ ياجمـاعة أنا عـاوز هويـات (يارس) علشان عنيا ξ❤ξ

**me_medoo** · 02-07-2012 05:38 PM

لا انا مركب ستاير الي هيا بتطلع وتنزل مع الشبابيك

**Medo.Malek** · 07-07-2012 12:42 PM

المشاركة الأصلية كتبت بواسطة me_medoo

لا انا مركب ستاير الي هيا بتطلع وتنزل مع الشبابيك

منين و بكام وبتشتغل ازاى يا كبير ؟

**me_medoo** · 07-07-2012 02:28 PM

المشاركة الأصلية كتبت بواسطة darkmagician

شغل المكيف حرام عليك صدقني مهما كان في حمل مش حيبقى ابدا زي ما انت متخيل بالعكس انت كده ممكن تبوظ التكييف و غير العفرة اللي بتدخل جوه العربية وتدخل الفتحات بتاعت التكييف طبعا حضرتك لما تمشي فاتح الشبابيك على سرعة استهلاك البنزين بيعلى

ارجوك يا استاذ ميدو بلاش كده

معاك حق يا سمسم يا حبيبي
بس انتا دلوقتي لو حتى مشغل التكيف وبتشرب سجارة مش محتاج تفتح الشباك سانتي صغير يطلع ريحة الدخان ... اهو الشماسة دي او الهواية بتساعدك ان الهوى الساقع ميطلعش كلو بره العربية ... بس بناء على الموضوع الي عملوا بتاع التكييف ... كمان صعب وحرام اشغل التكيف عمال على بطال ... والمثل بيقول ان كنت عربيتك عسـل متلحسهاش كلها ههههههههه ... يعني مثلاً انتا أهو أن كنت بتلعب جيم وبترفع اثقال ... هل معقولة كل شوية تشيل حديد كده هتتعب صحتك ... وتستهلك كل طاقتك ... فواللهِ بتصعب عليا العربية ... انا مؤمن ان العربية بتحس بصاحبها ... وبتتعود حتى على رجليه وسواقتوا ... فزي مالعربية بتحس بصاحبها لازم صاحبها يحس بيها ويكون حنين عليها ... والمثل بيقل عربيتك حصانك أن صنتو صانك وأن هنتو هانك .

مش عاوز اقولك ان لغايت دلوقتي قلبي حارقني ... لمن عيالي ومراتي لوووا دراعي ... لمن طلعت افسحهم يوم صد رد للاسكندرية وساوموني في المسـتر ريست بتاعت الطريق ... يا تشغلنا التكييف ياتلف بينا وترجعنا ... وانتا مطلعنا تعذبنا يابابا ... ألله هو يا أعذبهم يا نعذب بسبووسة حبيبتي (اليارس) . مش كتر خيرها أنها رضيت تاخودنا في عز الشمس ودرجة الحرارة بره 39 كان يوم جمعة ... وفوق ماهي ماشية ومستحمله كمان نتقل عليها ونقلها كيفينا وشغليلنا هوى التكييف ... وبعدين هو أسكندرية والمصيف لزتو في هوى البحر... وريحة الملح واليود الي في الهوى بيفتح الصدر كده وينقي المسالك الرئوية ... دحنا ايام زمان كنا نروح ننزل المية لحد ماجلدنا يقشر من الشمس وتلاقي الحجة تنادي علينا يا ابني انتا وهو اطلعوا كفاية كده الشمس كلتكم ... ونقلها لسه شوية يماما ... جيل مهبب جيل التكييف ده ... ده واللهي كنت افتكر كنا كل 50 كيلو ننزل كلنا من العربية ونفتح كبوت البولونيز ... والحج كان يقلنا يالله يا ولاد كل واحد يمسك كرتونة في ايدوو ويقعد يهوي على المتور علشان نبردوو ... ونقعد كلنا في عز الظهر نهوي (عارف الي بيهوي على فحم علشان يولع ) أهو أحنا كنا نهوي عليه علشان نبرد عربيتنا مش عربيتنا هيا الي تبردنا .... هايه دنيا ... والي خايف منو حصل ... دلوقتي كل مايركبوا معايا كان زمان يقولولي بابا شغلنا الكاسيت يابابا ... النهرده العيال كل ماينطو في العربية يقولولي بابا شغلنا التكييف يابابا ... واقولهم كلها دقيقتين ونوصل يابابا تكييف ايه بس ... الوحيدة الي بتريح قلبي هيا توته بنتي ... تقولي لا لا يابابا أفتحلنا الشبابيك بس ملهوش لزمة التكيف ... وأبن المؤزية التاني (اخوها) يزعقلها ويقلها اسكتي أنتي ... وتقوم خناقه بينهم بسبب التكييف ... شفتوا ازاي التكيف بيؤدي الى تفكك الاسرة المصرية ... بفكر اروح افضي الفريون منووو أو ألغي سير الكمبروسر ... وأقلهم مفيش تكييف بايظ هههههههههههههههه

المشاركة الأصلية كتبت بواسطة medo.malek

منين و بكام وبتشتغل ازاى يا كبير ؟

حبيبي يا ميدوو ... الستارة دي الواحد ب 35 جنية ... وفي منها 3 ألوان وحده رمادي ووحده بيج ووحدة سودة ... فكرتها انها القاعده بتاعتها بتتلزق على كتف فرش الباب من جوا وفيها شنكل صغير كده بيتعلق على القزاز ...

بتتباع في التوفيقية او عند السجان ... قلوا عاوز ستارة أكرديون بتاعت شباك الابواب ... بتبقى لزيزة ...

@@@@@@@@

وتحياتي