يرجى مساعدتى لسياره تيريوس

**memo700** · 02-07-2012 05:49 PM

بسم الله

السلام عليكم
اخوكم محمد مقيم فى المملكه العربيه السعوديه
وطبعا لا استغنى عن مصر وخبره رجال مصر
لان هنا الحل الوحيد هو التغيير فقط لا للاصلاح المهم
انا املك سياره دايهاتسو تيريوس 2012
وعن تجربه ومقارنه بسيارات هنا اجد فيها عيوب خطيره واكتر عيب هو تيل الفرامل طبعا الامامى
يمكن تكون مقارنتى هنا او النتيجه هذه تأتى بوعره الطرق والمطالع العجيبه والمنازل الاغرب للطرق ههههههههه
بجد حاجه عجيبه المهم تيل الفرامل بيقعد معايا بالظبط 9000 كيلو بالتمام والكمال
وطبعا بعد اتهامى بأن الخطأ من طريقه سواقتى تفاجأت بأن صديقى هو ايضا غير التيل بعد 8500 كيلو هههه المهم اكتشفت صديق لى كمان نفس الموضوع
المشكله انى مشيت 9000 كيلو تانى والتيل الجديد الغيرته من التوكيل نفس الموضوع خلص ويحتاج التغيير المشكله انى لان عملى وطبيعه عملى تحتاج لان اروح مواقع كتيير وبعيده ف 9000 كييلو ممكن اعملهم فى 30 يوم تقريبا وثمن التيل 426 جنيه مصرى ومقولكش المصنعيه هنا برقم اهبل محسسنى انهم بيصنعو تيل مش بيركبوه المهم تقريبا ب 234 جنيه يعنى كل شهر احتاج الى 660 جنيه كل شهر وطبعا غير مابيقولولك ان الفى الخليج بياخدو مرتبات فلكيه فأنا مسكيين هههههههههه المهم اخدت التيل القديم وقلت اشوف نوع تانى يستحمل لقيت فى نفس الشكل لسياره متسيبوشى لانسر بس مش اصلى ب 94 جنيه فتفاجأت بالرقم مع العلم انى لا اعرف اى موديل الانسر يرجى ارشادى الله يكرمك لانى بجد تعبت وزهقت والموضوع ممل
شكرا واسف للاطاله :)

**ramyhekal** · 02-07-2012 06:31 PM

اللى اعرفه ان تيل التيريوس يتغير على 30 الف كم حاول تتأكد ان الطنابير سليمه مفيهاش عالى وواطى لان ده ممكن يبوظ التيل بسرعه وبالنسبه لتيل اللانسر لو نفس التيل بالظبط ركبه ياباشا مش هايحصل اى حاجه ان شاء الله
انا كان عندى مشكله فى النوبيرا فى التيل وروحت لبتاع التيل اشتريت بتاع حاجه تانيه وكان نص التمن هو ده اللى استحمل معايا

**memo700** · 02-07-2012 11:53 PM

شكرا لاهتمامك ياغالى وردك السريع
شوف انا العربيه جايبها زيرو
والموضوع بيحصل فى العجلتيين ولما غيرت التيل اول مره التنابير كانت تمام بس متهيقلى المره دى هخرطها لانى عامل عبيط مع التيل ههههههه
طيب بس تيل اللانسر ده مش الاصلى عادى ولا ايه
هو انا حتطيهم على بعض لقيت هو نفس التيل ايه رأيك
انا والله برضو مستغرب ازاى يتغير على 9000 كم
بالمناسبه رقم التيل
04465
-b4030

**memo700** · 03-07-2012 12:07 AM

ProductNo: 04465-B4030

**MohssenRashed** · 03-07-2012 08:59 AM

انا معايا تيريوس 2007 و مغير التيل برضو زي استاذ رامي على 30,000 بالظبط.

بصراحة انا مستغرب جدا موضوع 9,000 ده.

**ramyhekal** · 03-07-2012 09:05 AM

المشاركة الأصلية كتبت بواسطة mohssenrashed

انا معايا تيريوس 2007 و مغير التيل برضو زي استاذ رامي على 30,000 بالظبط.

بصراحة انا مستغرب جدا موضوع 9,000 ده.

شوفت اهو الباشا الكبير رد عليك
منور يامحسن بيه

**MohssenRashed** · 03-07-2012 10:28 AM

المشاركة الأصلية كتبت بواسطة ramyhekal

شوفت اهو الباشا الكبير رد عليك
منور يامحسن بيه

ياباشا و لا كبير و لا حاجة

النور نورك يا رامي بيك

**Imhotep** · 03-07-2012 11:02 AM

قصة التيل دى هتجننى بقالها فترة..... تيل الفابريكة قعد 40 الف و كان يمشى كمان خمسة و عربيتى اوتوماتيك..... التيل اللى بعده البهوات بتوع التوكيل كانوا عاوزين يغيروهولى على 15 الف مع ان استخدام العربية كان اقل بكتير من قبل كده روحت قلتلهم سيبوه و ماشى عليه لحد دلوقتى 2500 زيادة و مفيش مشكلة و لا بيصفر و لا حتى مشوار دواسة الفرامل بقى كبير..... يعنى كانت اشتغالة من بهوات التوكيل..... المشكلة انى حاولت ادور على بديل لتيل التوكيل ابو 600 جنيه مالقتش..... حاجة تغيظ.....مش انت لوحدك اللى فى المشكلة دى يا عزيزى..... ما تيجو نستورد تيل من اليابان جايز يكون اوفر

**MohssenRashed** · 03-07-2012 11:21 AM

المشاركة الأصلية كتبت بواسطة mahora

قصة التيل دى هتجننى بقالها فترة..... تيل الفابريكة قعد 40 الف و كان يمشى كمان خمسة و عربيتى اوتوماتيك..... التيل اللى بعده البهوات بتوع التوكيل كانوا عاوزين يغيروهولى على 15 الف مع ان استخدام العربية كان اقل بكتير من قبل كده روحت قلتلهم :n_no[1]: سيبوه و ماشى عليه لحد دلوقتى 2500 زيادة و مفيش مشكلة و لا بيصفر و لا حتى مشوار دواسة الفرامل بقى كبير..... يعنى كانت اشتغالة من بهوات التوكيل..... المشكلة انى حاولت ادور على بديل لتيل التوكيل ابو 600 جنيه مالقتش..... حاجة تغيظ.....مش انت لوحدك اللى فى المشكلة دى يا عزيزى..... ما تيجو نستورد تيل من اليابان جايز يكون اوفر

بالنسبة لموضوع الاستيراد كان يوكو في قسم فيات عمل كذا طلبية من شركة ebc و خليتة سألي و كان السعر تقريبا بلشحن و كل حاجة تقريبا نفس سعر التوكيل 600 جنية او اكتر شوية بس قصاد كدة تيل محترم و سبورت

**Imhotep** · 03-07-2012 12:01 PM

المشاركة الأصلية كتبت بواسطة MohssenRashed

بالنسبة لموضوع الاستيراد كان يوكو في قسم فيات عمل كذا طلبية من شركة ebc و خليتة سألي و كان السعر تقريبا بلشحن و كل حاجة تقريبا نفس سعر التوكيل 600 جنية او اكتر شوية بس قصاد كدة تيل محترم و سبورت

طب و تيل ال ebc ده كويس؟ ياريت لو فى موضوع على القصة دى تحط اللنك بتاعه يبقى كتر خيرك لانى مش فاكر انى قرأته قبل كده

الموضوع: يرجى مساعدتى لسياره تيريوس

LinkBack

أدوات الموضوع

عرض

-

-

-

-

-

المواضيع المتشابهه

ارجو مساعدتى فى اصلاح تيريوس

ارجو مساعدتى فى اصلاح تيريوس

للبيع تانك بنزين لسياره دايو لانوس 2 بحالة الزيرو للبيع تانك بنزين لسياره دايو لانوس

صوره لسياره لانسر مسروقه

ربع امامى لسياره نيسان 2007

الكلمات الدلالية لهذا الموضوع

المفضلات

المفضلات

ضوابط المشاركة