الموضوع: تعمل ايه لو اشتريت تورتة وبعدين ...

يا جماعة بتهزروا يعنى مش هعرف الفرق بين الفستق لو حتى معجون مش مطحون والعفن!!
وهو كان فى الكيكة مش فى الكريمة لأن كان ممتد شوية جوه الكيكة لكن باقى التورتة كلها كانت كويسة و لا يمكن عشان غوامق بقى هههههههههه

وبعدين برضه كنا فى المحمدى بتاع الكباب اللى فى نادى جزيرة الورد وماما طلبت حمامة محشية كانت واحدة عزمانا فجت الحمامة ملفوفة كده فى عيش محمر فماما قالت شيك قوى الطريقة دى فملقتش قفصها الصدرى ولقت جناح واحد والباقى فتاتفيت عرفين منظر الحمامة المتاكلة قبل كده فندهت الراجل يقولها ايه هو احنا اصلا مستغنيين وعندنا زحمة زى ما انتى شيفة مش مضطرين نعمل حركة زى دى وبعدين هى جاية لك كده؟
طبعا كانت اكلت منها حتة صغيرة يعنى قبل ما تكتشف
المهم جاب لها وحدة بدالها وقال لها هى اتهرت منه بس وهو بيحمرها
بس هى اتقرفت جدا منها
واللى عزمانا قالت انتى جريئة قوى انا كان مستحيل اتكلم!!

والموقف الأفظع كنت شرية سندوتش من جرين كورنر وده واخد 4 نجوم
بنزل البطاطس المحمرة فى الطبق فى البيت لقيت رجل صرصار وحتت تانية منه واضح انه اتقلى فى الزيت معاها

بس كل اللى عملته انى معدتش عتبته تانى
وقرفت من الأكل بره بس احيانا بنضطر

وانا شفت محل حلويات برضه كان بينقل الجاتوه جوه المحل فحتتين وقعوا على الأرض فى الشارع نفضهم وحطهم عالصينية عادى

من الآخر هو مكانش فستدق اكيد بس مش معايا فاتورة اصلا : (