الموضوع: أكهرب الحرامى - ولا - حرام ؟

المشاركة الأصلية كتبت بواسطة totaa

مين قال كدة؟ أنا بس بيصعب عليا عشان مهما كان دا إنسان ..لكن انا من سنتين بالظبط
كنا فى اجازة لمصر وفى اليوم ده تحديدا كنا برة البيت ... دخل واحد محترم اوى اوى ههههههه عمل له كوباية شاي ونفض الدهب اللى لقاه وكل الفلوس اللى كانت موجودة حتى شنط الايد فتحها وخد كل مليم فيها...بعدين رجع كل حاجة مكانها ورتب الدنيا وخرج فى أمان الله ههههههههههه ومفيش آثار عنف ولا اى حاجة لدرجة اننا اكتشفنا السرقة والله العظيم صدفة تانى يوم لما كانوا بيفتحوا ياخدوا فلوس.... دا كان يوم بجد صعب
بس الحمد لله ان مش كان حد كان موجود والا كان زمانه اتقتل ... فغيرنا كل كوالين البيت
وأمنا كل حاجة وربنا اللى بيستر ......... وكنت متغاظة والله منه بس دي نقرة ودي نقرة
لأن كدة احنا بنكهرب بنى آدم فاهم يعني ايه؟ دا قصدي بس مش اكتر...لكن مين فيكي يا محروسة ما اتعرضشي للسرقة؟ مفيش اكييييييييييييييييييييد

التجربة الحقيقه - ربنا يعافينا جميعا منها - لو كان دخل المكان للسرقة وانتم موجودين فيه
كان فى فيلم ل يسرا ومخيون تقريبا
وكان فى 2 حرامية وكان فى ولد وبنت ولما صحى الولد الحراميه موتوه
والبنت هربت
هما مفروض كانوا داخلين يسرقوا واتطور الامر

فى حاجه أبسط من كده عملناها فى شقه فى أخر دور عندنا كان الحراميه كل فتره يزوروها.....

كل المنافذ متوصله بزرار تلاجه.....

وده عند اى كهربائى ..لما الباب أو الشباك يتفتح بيقفل الدايره زى لمبه التلاجه اللى بتنور لما تفتح الباب.....

بتحفر للمفتاح فى الحلق وتركبه وتوصله بجرس من بتوع زمان.....بتاع الفسحه .....أو شبه جرس المطافى كده بس على صغير....وصوته مزعج جداااااااااااااااااااا......

بيعمل نفس مفعول جهاز الإنذار بتاع العربيه.....وبيرعب الحرامى....

الحمد لله ضرب مره واحده بس والحرامى هرب ومن ساعتها محدش هوب ناحيه الشقه ولله الحمد....

طب لو الشقه لازم افتح الشبابيك والجو حر وصيف والجو ده.....

هتكلف نفسك ابواب وشبابيك حمايه فى حدود 4 الاف جنيه للشقه كلها ..وممكن تبقى خفيفه وقابله للفتح ...والفك ..على مفصلات....عملنا كده فى شباك بيطل على منور وفى شقه إيجار مشتركه معانا فى المنور ده....!!

الشباك بيتأمن بالحديد بكالون او قفل ولو حبيت تفكه بيتفك من المفصلات عادى...بيبقى زى شيش البلكونه....

فكره مكلفه شويه ..بس تخيل لو صحيت على قتيل فى البلكونه..!!!!!!!!!

احكى لكم قصة
فى حرامى اتمسك بيسرق شقه فى عماره
اضرب كالعادة وبعدين اتصلوا بشرطة النجدة
وربنا سهلها بعد اتصالات واتصالات وجم فى النهاية

فى القسم صاحب الشقة اتهم اللصة بسرقة شقته
المفاجأه
اللص اتهم صاحب الشقه ب
1-سرقة موبايله
2- سرقة 400 جنيه كانت معاه
3- الاعتداء عليه بالضرب
ههههههههههههههههههههههه
3 تهم مقابل تهمه
الراجل اتصل بجيران العماره وشهدوا معاه
لكن
فى القسم الضابط بالنسبه له ده محضر ولازم يتعرضوا على النيابه
وطبعا الحرامى مع صاحب الشقة لازم يباتوا فى السجن
طبعا فضلت التلفونات تشغل
وجه فرج ربنا ان اللص له سجل وسوابق وكمان مطلوب
فى الاخر الضابط اتفهم الموقف
وساب صاحب الشقة يبات فى بيته ويجي لهم الصبح للعرض على النيابه

المشاركة الأصلية كتبت بواسطة a7med_pharma

مايصعبش عليكم غالي
.
انا كنت مروح بيتنا في أمان الله
إنضرب عليا نار .. والعربية وقعت في الترعة .. وكنت هتسرق
ماتتخيلوش الرعب الي انا عيشته
ماتتخيلوش حسرتي على الحاجات الي اتسرقت من عربيتي بعد ماوقعتها في الترعة..ونزلت الترعة بهدومي وجريت

تعرفو

انا أقسمت بالله
لو مسكت العيال دول
أو أي حرامي غيرهم

أقسمت إني اعلقه على العمود قدام باب الصيدلية ويتساب كده كام يوم


.
الحرامي كائن طفيلي
زيه زي الصرصار الي بيطير ززززززززززززز ويلزق على وشك وانت نايم
لما تقوم ترقعه بالشبشب .. هيصعب عليك ؟

الي يمسك حرامي يقتله ياشباب
علشان هو لو مكانك .. هيقتلك



انتوا فاكرين الحرامي ((ياقلبي)) بيسرق علشان ياكل ويشرب ؟
لو على الاكل والشرب .. لو وقف مسك فوطة زفرة في اشارة .. هيعملوه مش اقل من 50 ج في اليوم
يني 1500 ج في الشهر
يعني أكتر من موظفين كتير


لكن ده الجشع
والحقد ..

كائن شيطاني .. يستحق كل الي يجراله



انا مش متخيل امسك حرامي يكون داخل على أمي أو أختي .. مش متخيل رعبهم من الموقف

ساعتها لو كنت أقدر ..ادبحه

هحط السكينة على رقبته ... وأكبر عليه وأدبحه
بدون أي شعور بالندم أو الخوف من عقوبة

+9999999999