الباشمهندس حكالي على الموقف قبل كده والفكره ان سواق الالنترا كان بيخاف ياخد الملفات على 160 انما الباشمنهدس كان بيخفطها منه (عيب سواق الالنترا) وتفسير الموضوع ان الالنترا كانت نافخه الياريس طول الطريق المستقيم.
عيب سواق ولا حاسس ان عربيته مش قادرة تاخد الملف على السرعة دي !! ؟ :blabla:
ماهو لو راكب عربية مدياله احساس بالثبات ماكنش هيهدي في الملفات !! وبعدين انت بتكلم ان الباشمهندس كان بياخد الملفات على 160 !! معناها انها ملفات واسعة ؟؟ لان مش الياريس اللى تاخد ملفات على السرعة دي
ماهو انت لو جربت الكيك داون الي في الالنترا هتعرف ان الي انت بتعمله في الياريس ده مش كيك داون هههههههههههه. طبعا قصدي العيب في العربيه مش فيك ^_^
ههههههههههههههههه
انا ماجربتش الالنترا بس اللى حصل اني كنت بالياريس وزميلي بالالنترا وماشيين على الصحراوي !! وعلى حسب كلام زمايلي اللى كانو راكبين معاه في الالنترا !! كان بيصوت جوة العربية عشان يجبني وللاسف ماعرفش يعديني الا فوق ال 180 !!!
يعني معاك كدة من 130 لحد 180 نافخه بفرق عربيتين وفيه 8 شهود على الواقعة دي 4 في كل عربية لو مش مصدقني انا شخصيا :B4_048:
كراسي الياريس مريحه مقارنةً بالصني او بالبوما انما مقارنة بالالنترا !!! اسمحلي اقولك انك ماجربتش الالنترا عشان تحكم.
مش كل الدركسيونات الكهربا زي بعض. بتاع الياريس بحسه بيفضل خفيف على السرعات ويدي ايحاء ان العربيه خفيفه ومش متمكن منها نهائي. انما الالنترا بيفصل ويتقل سيكا بس برضه خفيف نسبياً. جرب الالنترا عشان تحكم.
انا ماجربتش الالنترا عشان احكم ولو حكمت او اتكلمت هبقى بفتي او بتكلم اي كلام في اي حتة !! وانا مابحبش اتكلم الا عن واقع تجربة
على فكره انت مافهمتش قصدي.
صوت الياريس وانت جوه العربيه فعلا مش مسموع وقبل كده صاحبي كان راكب معايا ولما لقاني بتحرك بالعربيه قالي انت شغلتها امتى ؟ ههههههههههه
بس مش ده الي انا اقصده.. اقف ورا عربيه ياريس ويفضل تكون اوتو. وخليه يتحرك من السكون واسمع الصوت الي طالع من الشكمان. صوت عااااااااااار :D
جديد عليا صوت الشكمان ده !! عموما مش هنروح بعيد نجربها لما نتقابل يا معلم مع العلم اني مركب علبة شكمان بس معلش !!
برضوا هخليك تقف ورا العربية ونسمع الصوت ونشوف
انا اشتكيت :D .. خبطه بسيطه في عربيه تانيه وهوب الكف وقع :/
مانا بقالي 5 سنين معايا العربية وبتتخبط في المرايا وبتتجرح ومافيش اي حاجة بتحصل !! لحد ما مرة لبست بيها جامد فالمرايا كلها طارت وركبت ماكنها واحدة تيواني !! استغليت الاصلية
دلوقتي التيواني هي اللى بيحصل فيها الكلام ده ومن اقل خبطة بتتعوج وتتفك !! اما الاصلية مافيش الكلام اللى انت بتقوله ده خالص
ايه السيفتي في انك تبقى ماشي على سرعة 80 ولا حاجه واللمبه تنور والعربيه تطفي وانت ماشي بالسرعه دي والباور يروح!! افرض كنت في ملف ؟
وطبعا الخبراء يقولوا رأيهم في النقطه دي لأنهم هيفهموا احسن مني ^_^
ماهي اكيد يا كبير العربية مش هتبقى ماشي على 80 وتفصل لوحدها كدة من غير سبب !!! معلش انت مش بتتكلم على عربية صيني ولا عربية كوري !! اسمحلي دي عربية عليها علامة تويوتا
لأ عيب. انا عندي بشوف من الازاز الي ورا كويس قوي !
مش احنا بنقارن دلوقتي بين الالنترا بتاعتي والياريس ؟ وانت عاوز تعرف الالنترا احسن في ايه ؟
اديني قولت الحاجات الي الالنترا احسن من الياريس فيها.
تمام وانا اقول بقى الياريس احسن في ايه !!
الياريس افضل في استهلاك البنزين وبفرق محترم خصوصا مع الحرق
الياريس اعلى ومابتحكش على الارض وعشان تحك عايزلك يبقى راكب فيها مش اقل من 5 افراد
الياريس تتحمل اللى الالنترا ماتتحملوش واعتماديتها افضل بكتيييير من الالنترا
لو الالنترا هتعملها صيانة مرة في السنة فالياريس هتعملها صيانة مرة كل تلت اربع سنين
سعر اعادة البيع لصالح الياريس وكذلك الصيانة والتوكيل لصالح التويوتا
ده طبعا غير التسارع الي ماكنتش بعرف اعمله بالياريس والفرامل برضه احسن من الياريس وزي ما فورم قال ان الABS مش مقياس على قوة الفرامل. ما عندك الاسبرانزا فيها ABS بس هل معنى كده انها هتقف ؟ هههههههههه
بص انا مغير نوع الكاوتش الكوري التعبان بتاع العربيه ومركب نوع احسن شوية بولندي مش هقولك بريدجستون ولا حاجه عاليه والفرامل فرقت جدا معايا. تخيل لو كان عندي ABS بقى !!! والله ماكنت اغير العربيه خالص ههههههههههههه.
برضوا انا مش هعرف اتكلم او اقارن الا لما اركب الالنترا
اما مسألة التسارع فالحمد لله اداء العربية مرضي جدا بالنسبة ليا !! وبتحقق سرعات عالية ومافيش اي مشكلة
وجبت بيها 190 قبل كدة وكان فيها اكتر بس الطريق قفل عليا
وادي الفيديو
Toyota Yaris Top Speed 1.3 190 km/h - YouTube
لأ ماهو انا ذكرت عيوب الياريس وطبعا مميزات الالنترا عكسها بقى ! use ur imagination يا ساحبي :D
بالنسبه لأن ازاي عرفت ان الياريس كانت 1500 ولا 1300. العربيه كان شكلها جديد والكلام ده من قريب ومفيش 1300 جديد. ومن منظر العربيه صاحبها مش مهتم بيها قوي للدرجه. زائد ان انا شديت مع 1300 كتير جدا وخاصة اخويا وعارف سحب ال1300 عامل ازاي انما دي ماكنتش سحب 1300 خااالص. على العموم هاتلي 1500 ونشوف ايه الكلام. او تعالى انت شخصيا و نشوف :D
انت مانيوال ولا اوتو ؟ لو اوتو يبقى ماتجيش احسن هههههههههههههه
مش انت مركب جنط 17 باين ؟