الموضوع: حبااااااايبي نجوم هيونداي ...... وحشتوني وجايبلكم هدية ومالكوش دعوة بالصني هههههههههه

المشاركة الأصلية كتبت بواسطة formulator

يا برانس ماليش فيه، ماتزعلش منى..؟!!

انا اقدر ازعل منك برضوا يا دكترة

أنا كنت برد على mahmoud_afifi فـ جزئية فرامل العربيات اللى هو ركبها:

أنا جربت الياريس 1.3: فراملها وحشة..؟!! That's it
وكذلك اللانسر البوما اللى بيقول عليها: برضه فراملها على قدها..؟؟!!!

تانى:
الـabs مالهوش علاقة بقوة الفرامل؟؟!!!
الـ131 الأبارث، الـe36، الجولف2 gti، الـ405 بريستيج... ووو، كل دى عربيات قديمة، مكانش فيها abs وكانت فراملها كويسة؟؟!!!
أيـــــــــــــــــــــه؟ ؟؟!! :copy of m-s5:

هتقوللى جرب ياريس 1.5 أوتو.. هقولك تانى: هاتلى (بروشور حتى) بيقول ان الياريس دى فيها upgrade للفرامل والعفشة عن الـ1.3؟؟!!!
يعنى ديسكات أكبر- تيل أطول- وسوست أنشف (الشركات المحترمة بتعمل كده لما يكبر الموتور).

لو مالقيتش: يبقى تويوتا دى بتستهبل (مسقطة موتور فـ عزبة شلبى وخلاص على كده)؟!!
أهااااااااااااااااهاهاها ههههههههههههههههههههه

يا دكتور هي تويوتا من امتى بتستهبل بس !!

هي يمكن بس موضوع الدركسيون ده هو اللى حاسس انها استهبلت فيه بزيادة انا بحس اني بلعب video game وانا سايق ههههههههه

بالنسبة لموضوع الفرامل اقولك ليه مافيش upgrade بين النسخة ال 1.5 وال 1.3

لان يا معلم النسخة ال 1.3 دي اساسا middle east version !! مابتنزلش برة

الياريس برة بالاخص في امريكا من اول مانزلت وهيا 1.5 من سنة 2006 !!

يعني الياريس اللى عندنا راكب عليها فرامل ال 1.5 ونفس العفشة والسوست مافيش فرق !! ولان الفرق مابين الماتور ال 1.3 وال 1.5 مش كبير يبقى ليه يتعمل فرامل وعفشة مختلفة ؟؟؟

الفرق اساسا ماهو الا يمكن ثانية / ثانية ونص في التسارع من الثبات لل 100 وزيادة حوالي 15/20 كيلو توب اسبيد !! ؟ والفرق في ال midrange قليل برضوا

على حسب الريفيوهات اللى شفتها للياريس ال 1.5

انا عن نفسي satisfied جدا باداء الفرامل عندي وكل اللى ركب العربية عندي شهدلها بكدة !! يمكن العربية اللى انت جربتها كان فيها حاجة ؟؟؟

ومسألة ال abs+ebd مش بتقوي الفرامل معاك !!

بس برضوا بتفرق في حالة لو هتدوس لل break threshold هتفرق معاك !! من غير ال abs هتزحف !! من غير ال ebd عجلة على رملة وعجلة على الاسفلت هتلاقي نفسك بتلف حولين نفسك

انا عايز اقولك يا دكترة انا اول ماتعلمت الجري كنت باخد الغرز وانا دايس على الفرامل !! ؟ تخيل

تخيل تقطم غرزتين قطم وانت رجلك جايبة اخر الفرامل !! والحمد لله العربية ماكنتش بتتحرك سنتي زيادة عن الغرزة

وبعد كدة اكتشفت ان ده غلط كبييييير ان الواحد ياخد غرز وهو دايس على الفرامل !!

الاختلاف في الفرامل والعفشة موجود مع الياريس ال sport 1.8 !! هي دي اللى نازلة ب suspension مختلف وفرامل اكبر

edit: أنا سوقت سيريون 1.5 glx اللى هى بالسبويلر والكيت وحركات.. بصراحة: فراملها مش على قد الموتور؟؟!!!
(مش هى نفس الشاسيه والموتور، والمفروض الفرامل)؟؟
ياراجل إذا كانت الكورولا الـdual vvt-i نفسها فراملها يعنى فوق المتوسطة بحاجة بسيطة.. لكن مايتقالش عليها ممتازة، يادوب كويسة؟؟؟!!

على حسب ماقريت والله واعلم

فرامل الكورولا هي نفس فرامل الياريس "نفس الديسك والطنابير" الاختلاف ان فرامل الكورولا الخلفية ديسكات

rgds،

المشاركة الأصلية كتبت بواسطة se_coralsea

لأ لحد هنا و حاسب
انا كانت معايا الياريس و عمري ماعرفت أعدي من الالنترا الا في الملفات فقط و برضه كانت بتجيبني في النهاية
صحيح الياريس هيا أكثر عربية بأحبها و شديت بيها و تعبت بيها عربيات كتير سواء أوروبي أو ياباني او كوري لكن مش لدرجة أنها تعلم علي الالنترا الا بمزاج اللي سايق الالنترا

و بعدين أنت أعترفت أن الالنترا الجديدة عدت منك فوق ال 140 و دي حقيقة لأن الالنترا تقدر تعدي أتخن عربية فوق السرعة دي لأن أستجابتها بتكون في ذروتها مابين ال 140 و ال 180

اما عن سؤالك الالنترا أحسن من الياريس في أيه فلن أذكرها هنا لأن الموضوع ليس للمقارنة بين الالنترا أو عربية أخري لكن أقدر أقولك ان كان معايا الياريس و الكورولا و حاليا معايا الالنترا و لما باقول أنها احسن من الياريس و يمكن أحسن من الكورولا كمان مش باتجني علي تويوتا اللي باعشقها

شوف يا باشمهندس احنا الاول بنتكلم على الالنترا القديمة مش الجديدة !! الجديدة طبعا مافيش مقارنة بينها وبين الياريس

اما بالنسبة لتسارع الياريس من خلال تجارب كتيرة

اللى توصلته ان الياريس بالذات الاتوماتيك عشان تجري صح !! لازم تستخدم الفتيس

تنقل من l - 2 - 3 ثم ال d !! ومش مجرد كمان تستخدم الفتيس وخلاص لاء ! ده كمان ممكن تحرق لحد 7000 rpm وتاخد اداء افضل

يعني تنقل اول 55/60 تاني 100/110 تالت 160

انا مش عارف اذا كنت انت لما بتجري كنت بتستخدم الفتيس ولا لاء !! بس صدقني بتفرق وبتفرق في كتير كمان

وفعلا الالنترا الجديدة طلعت مني بعد ال 140 وبفرق حلو كمان مقدرش انكر

الواحد بيقول اللى ليه واللى عليه ولما عربية بتطلع مني بقول مش عيب !!

وللامانة مافيش النترا قديمة طلعت مني لحد دلوقتي الا في التوب سبيد فقط

المشاركة الأصلية كتبت بواسطة mahmoud_afifi

ماشي هنعديها المره دي

وعلى العموم formulator جاوبك بخصوص الفرامل ويتفضل جزء بسيط الباشمهندس سمير جاوبه برضه :copy of m-s5:

بالنسبه لنقطة الالنترا احسن في ايه. هقولك باختصار علما ان الياريس بتاعت اخويا بس اوقات بسوقها لغاية دلوقتي انما قبل كده كنت على طول بسوقها:
1- الياريس اعلا من الالنترا وعلى السرعات انسى الثبات وبحس ان العربيه طايره وهي يادوب ماشيه على 90 او 100 بالاضافه ان وزنها اقل طبعا.

فوق الباشمهندس سمير قال انه كان بيطلع من الالنترا في الملفات !! ؟ ده تفسيره ايه ؟؟

2- الكيك داون بتاع الياريس على السرعات البطيئه معقول انما بعد ال100 مابحس اني دوست كيك داون ولازم اسقط نقله من الجير (العربيه اوتو اعلى فئه وفيها سبويلر).

!! العربية عندي لحد ال 150 بتعمل كيك داون بيخطف العربية !! ؟ لانها بتنزل من الرابع للتالت فلازم تحس بالخطفة دي

3- العداد في النص وده انا عن نفسي مابحبهوش وكذا مره اقعد ادور على العداد هههههههه

ده مش عيب يا كبير دي مسألة تعود مش اكتر

4- الكراسي مش مريحه وبحسها ناشفه.

ياراجل حرام عليك قول كلام غير ده !! كرسي الياريس مش مريح ؟؟؟

ده احسن مافيها كرسيها !! لانه عالي وبتحس انك كاشف الطريق كويس الى غير ان عفشتها ناعمة جدا ومريحة للغاية ؟؟

5- الدركسيون كهربا اخف بكتير من الالنترا ومابحسش بالثبات نهائي.

وهو دركسيون الالنترا مش كهرباء برضوا ؟؟ ولا انا مش واخد بالي ؟

6- صوت العربيه من بره مسخره بصراحه خاصة لما تكبس بنزين وانت طالع

صوت !! الياريس ليها صوت !! ؟ امال مسمينها المحرك الصامت ليه ؟؟؟

انا مركب علبة شكمان وفلتر k&n مخروطي ومستعد اخليك تقف جمب العربية وانا واقف على السلانسية او ماشي براحة ولو سمعت ليها اي صوت بحق

7- اكصدام خلفي تعبان موله واي خبطه بسيطه بتعلم فيه

معاك

8- صاج ورق يمكن اضعف من الالنترا (بحكم اني مجرب الاتنين في خبطات)

معاك

9- المرايه بتاعت الياريس ضعيفه جدا جدا جدا جدا واي خبطه بتوقع الكف بتاعها انما للأمانه الرؤيه فيها واضحه وكبيره.

المرايا كويسة ماشفتش حد اشتكى منها قبل كدة بصراحة !!

10- لما بيحصل مشكله ولمبة الcheck engine تنور العربيه بتفصل سواء العربيه ماشيه او واقفه وحصلت مع اخويا وحصلت معاك اظن.

ده لل safety يامعلم !! مش معقول العربية هتمشي وفيه حساس ضارب !! فيوز اتحرق ؟؟ حاجة باظت ؟؟

ولا انت عايزها تمشي لحد ماتجيب جاز والماتور يودع منك ! ؟ ولا المشكلة الصغيرة تبقى مشكلة كبيرة ؟؟

11- الرؤيه من الازاز الخلفي زبااااااااله خاصة لو في سبويلر يبقى الازاز ده زي قلته

اغلبية العربيبات الجديدة كلها كدة !! الشنطة عالية والازجاج الخلفي لا يمكن الاعتماد عليه في الرجوع الى الخلف !! يعني برضوا مش عيب ؟؟

اكمل ولا كفايه كده ؟
عيب عليك يعني العربيه معانا من 2008 وعارف كل عيوبها ومميزاتها. وعمري ماشديت مع ياريس الا وعلمت عليها حتى ال1500

انت كدة مش بتقارن يامعلم انت كدة بتقول عيوب الياريس بس انا برضوا ردت على معظم النقاط اللى انت ذكرتها

وكان هيبقى افضل لو كنت قلت الالنترا تتفوق في كذا وكذا مش تذكر عيوب الياريس !!

اما انك تطلع من الياريس ال 1.5 فمتزعلش مني انا مش مصدق !! مش بقول انك كداب لا سمح الله

بس كل الريفيوهات والفيديوهات بتقول ان الياريس ال 1.5 هتاكل الالنترا رايح جاي مافيش وجه للمقارنة اساسا مابين تسارع الاتنين ؟؟؟

خصوصا ان مافيش فرق في الشكل الخارجي مابين الياريس ال 1.3 وال 1.5 !! فمافيش اي حاجة ممكن تعرفك ان العربية اللى انت بتجري معاها دي 1.5

عموما مسألة التسارع دي انا قلتها في كذا موضوع قبل كدة وبقولها تاني

اللى معاه الالنترا اتوماتيك وحابب نطلع نجرب مع بعض انا ماعنديش اي مشكلة

او صور فيديو تسارع عربيتك من 100 ل 160 ونقارن

وانا عند كلمتي ان الالنترا القديمة مش هتطلع مني الا توب اسبيد

والجديدة ماتطلعش قبل ال 140 :b4_048: :b4_048: