الموضوع: حبااااااايبي نجوم هيونداي ...... وحشتوني وجايبلكم هدية ومالكوش دعوة بالصني هههههههههه

أيه ده؟؟ هو الموضوع قلب على جنبه كده ليه ؟؟
ما الكلام كان تمام لحد الصفحة اللى فاتت؟؟!!!

المشاركة الأصلية كتبت بواسطة SE_coralsea

علي فكرة الحادثة دي بتؤكد قوة التدعيم الأمامي لهيونداي ألنترا
لو دققتوا كويس في الصورة هتلاقوا الخبطة تحت البار الامامي و فوقه
البار ده شايل الردياتير و وراه مباشرة الموتور

قوة تدعيم أيه بس يابشمهندس، الصدر داخل بين العجلة والرفرف بتاع البايك؟؟!!!
هو أنت عايز الصدر يتقطم من خبطة زى دى؟!! عادى بقى؟؟؟!! انتو أدرى؟!!

على فكرة: الحادثة دى على طريق إسماعيلية-بورسعيد، وللأسف مات فيها ناس.. :,(
الافندى بتاع الإلنترا جاى طاير، وبياخد غرزة من يمين النقل.. لقى البايك فـ وشه: مالحقش يفرمل طبعا.. ولبس فيه زى مانتو شايفين؟؟!!!

كمان الحادثة دي طمنتني علي حاجة مهمة جدا كنت خايف منها
الفوانيس العريضة لم تتأثر

المشاركة الأصلية كتبت بواسطة mahmoud_afifi

فياط ايه الي بتقارنها بالفيراري :d
الفياط يادوب لسه ابتدوا يعملوا موديلات كويسه من كام سنه وانا بصراحه لما جيت اشتري عربيه اتكسفت اشتري فياط !! عشان لما حد يسألني انت معاك عربيه ايه ؟ اقوله ايه !!! فياط !!! هيقولي 128 ولا 127 ههههههههههههههه

Ahaaa
يعنى هما إبتدوا يعملوا عربيات كويسة بس من كام سنة؟؟!!!
ولا انت اللى مخدتش بالك.. إلا من كام سنة؟؟؟!!

btw: فيررارى مملوكة لفيات من الستينات، معظم التقنيات بتاع فيررارى (اللى الكوريين معندهمش الخيال أصلا انها يحلموا حتى بيها)
- مطورة من مجموعة فيات وشركاتها؛ زى Magneti Marelli و Comau و Teksid

ألا هو مين Tyco ده يا رجالة اللى عامللكم الـinjection ECU بتاع مواتير الهونضاى؟؟ ده زى Mando كده..؟!!!
هيـــــــــــــه.. فينك يا بونى؟؟ فاكرين الهيونداى pony؟؟!!!

المشاركة الأصلية كتبت بواسطة mahmoud_afifi

ياعم حاجه تخنق. كل واحد فاكر نفسه راكب hypercar وبيتريق على الهيونداي.

على فكرة أنا مش راكب Hyper ولا Super ولا حتى Sports-Car... (يسمع منك ربنا)
.
.
.
.
.
.
وبأتريق على الهونضاى رايح-جاى عااااااااااادى يعنى؟؟!!!
هيونداى..
أهو مالهاش علاقة بالعربية اللى انت راكبها؟؟!!! هى العربيات الهونضاى أصلا...

بالظبط القضاء والقدر اهم من اي حاجه لأن العربيات الي بيمدحوا فيها ممكن يتخبطوا خبطه تموت السواق وابقى سلملي على الايرباج.

مش مبرر أن غبور ينزلهالك من غير ABS وإيرباج؟؟
ولا مبرر ان الزبون يشتريها وهو عارف انها بتزحف التنين، وورق ومفيش أى حماية؟؟!!!
وربنا يسترها علينا جميعا isALLAH

بالاضافه ان المستخدم المصري فاكر ان العربيه معموله عشان حاجتين:
1- تعمل سباقات
2- تعمل حادثه بنت 60 في 70 وتطلع زي الشعره من العجينه

معلش يا برانس، ماهو مش بيوصل كده من فراغ (المستهلك المصرى-اليورو)..
ماهو بيجرى بيها، و:
- لما بيحب يوقفها.. بتقف بعون الله (مش بتزحف )
- ولما يدخل بيها ملف أو غرزتين-3 قطم بيقدر يتحكم فيها (مش بتعوم ولا بتعرض )
- ولو -لا قدر الله- خبط بيها أو إتقلب (مش بتطبق زى كان البيبسى )
- والإيرباجز بتفتح (مش بتعمل فيها من بنها )

فـ طبيعى إن يفكر كده.. ولو انه المفروض ماياخدهاش كده (هى Limited برضه)؟!!

بس عـ الأقل أهو بيجرى.. على قد إمكانيات عربيته (وإمكانياته كـ سواق).

ياريت الناس تغير طريقة تفكيرها عشان بعد 5 سنين بالكتير هيلاقوا الكوري نافخ الياباني والاوربي

لما نلاقى الكورى بينفخ (مش بيتنفخ ).. نبقى نغير طريقة تفكيرنا؟؟
لكن لحد دلوقتى،
الكورى ورق، الكورى مفيهوش فرامل ولا ثبات.. ومتأخر تكنولوجيا عن اليورو والـJap: الكورى Sh*t شيت يعنى..؟!!

وفـ الآخر مش عايز حد يزعل (بصرف النظر ان الصفحة دى الكلام قلب فيها على جنبه زى الكورى )..
أنا كنت بهرج فـ المشاركة الأولى، بدليل انى متكلمتش عن العربية موضوع الحادثة أصلا؟!!

بس إحنا بنتكلم فـ وقائع معروفة؟؟
من إمتى والهيونداى عربيات معروفة بقوة الصاج والدعامات والثبات والفرامل؟؟؟!!!
دى مشهورة بالعكس ياجدعان..؟!!! هو حد هيقول غير كده؟؟؟!!

Rgds،