اعذروهم يا جماعه فعلا إحساس سحب عالي بس للأسف فشنك

**hany63** · 04-07-2012 12:08 AM

واحد زميلي جاب فيرنا مانيوال قاعد يقول فيها شعر عن سحبها المهم اليومين اللي فاتوا كان فيه قلق جنب الشغل في التحرير فكنت بركن في جراج دار الأوبرا عند النادي الاهلي المهم زميلي كان مستبيع راكن عند الشغل قال لي تعال اوصلك بصراحه يا جماعه اتوهمت من قوتها لدرجة كنت بدور لعربيه عشان البنت نتدخل الجامعه قلت هي الفيرنا المهم بالصدفة كان طاير وانا ببص على عداد السرعه لقيته على كام يا ولاد ؟
على ٦٠ !!!!!! يا نهار اوسد بقى الواحد حاسس بالسرعة و هي على ٦٠!!!!
المهم قال لي تشد عملت فيها خايف ويا عم منجيش فيك حاجه و ركبت وهديت عشان يسبق و يا دار ما دخلك شر لقيته شبه واقف و عايز يعلم على السيفيك بالعافيه و طبعا الشغل كله هيعرف تاني يوم و مش بعيد اترفد
قلت طب انت جيبه لنفسك قمت دايس على الاخر طبعا عداني بعربيتين و ثبتنا و اول ما عديت ال ٨٠ ابتديت اقرب و على ١٠٠ كنت عديت زي الحلاوه وده حصل في الشارع الواسع بتاع نادي الجزيرة
لقيته جاي لي تاني يوم مفحوم وعايز نعمل شده من الثبات عشان نحكم تقولش لما بتعدي عربيه و انت ماشي بتقول أستني ياعم اقف الاول
اتاري ياجماعه زمايلنا اللي مصدعين دماغنا و يقول لك العربيه جباره مش مقدر ان عربيته مش في ثبات العربيات الاعلى كائنه راكب الهوا

**SAMEH_FOUAD** · 04-07-2012 12:17 AM

هههههههههه

نفس الاحساس اللى تناوبنى , لما كنت راكب الفيرنا مع صاحبى بحس انها بتجرى واجى ابص اقولة انت كل دة ولسة ماجيبتش 80 يقولى يابنى عادى هية كدة , قولتلة طيب وحياة ابوك بلاش تعدى ال100

بس عادى ياباشا هية الصراحة الفيرنا افضل اختيار لاى واحد مبتدىء حياتة ومعاة اسرة صغيرة سواء زوجتة او اولادة , لان قسطها قليل , وصياناتها رخيصة

**SAMEH_FOUAD** · 04-07-2012 03:11 AM

المشاركة الأصلية كتبت بواسطة ahmedeihab

دى غلبت الشاهين يا جدع فاهمنى انت
^_^

عيب عليك داحنا سايقينوا سوا هههههههههههههههه

**SAMEH_FOUAD** · 04-07-2012 10:29 AM

المشاركة الأصلية كتبت بواسطة hany63

هو انا ما قصدتش الفيرنا تحديدا انا حبيت اوضح ليه مثلا تركب عربيه عاديه و تحس انها بتجري اكتر من السيفيك زي الاخ اللي قال انه ساق الالنترا الجديده و ساق السيفيك الجيل التامن فأكتشف ان سحبها اعلى تصحيح المعلومه احساس السحب مش السحب الفعلي هو اللي اعلى ده لو فرضنا بصحه المعلومه عشان السيفيك تعليقها احسن و لازقه في الارض و اثبت

مظبوووووووووووط كلام ساعتدك يافندم

**minicooper20** · 05-07-2012 06:30 AM

فكرتينى بعربيه لادا بيتاعت واحد صحبى
كان حارق و العربيه طايره و بابص فى العداد لقيتو 60
قلتلو بقولك ايه يا حسن براحه لا يجلها برد من كتر الهواء يا راجل دنتا راكب نفاسه
قالى اى خدمه
ههههههههههههههههه

**hany63** · 05-07-2012 10:22 AM

المشاركة الأصلية كتبت بواسطة sanhory

دي حقيقة على فكرة
طول عمري كل ما اجرب عربية بالذات كوري اقول دا انا لو راكب العربية دي مش حخلي حد يطلع مني بحس اني طاير فعلا
بس عالعداد مفيش
الكلام ده كان واما معايا ال si حتى و نيجي نجرب الاقيني شرخت بال si و سيبت اللي بجرب معاه

حتى الاكسنت الجديده الار بي عملت كيك داون وصاحبها جمبي انا مكدبش عليكم برقت و تنحت صاحبها بصلي كدا و خد باله من شعوري قالي ايه تعلم عليك دي لا دي مش سهلة و انا بيني و بين نفسي ايه السحبة الجامدة دي

جينا نجرب سيبته و مشيت هههههه

بس موضوع في الجون فعلا معلومة حقيقية

في الهوندا لو حرقت و مبصتش في العداد مش حتحس انك طاير بص بقى في العداد 120
في اي كوري لو حرقت و مبصتش في العداد حتحس انك طاير و مفرتك الدنيا بص بقا في العداد 80

كلام سليم 100%
وعليه اي عربيه خفيفه على السرعات العاليه بتدي احساس خادع على السرعات المتوسطه

**hany63** · 05-07-2012 10:24 AM

المشاركة الأصلية كتبت بواسطة minicooper20

فكرتينى بعربيه لادا بيتاعت واحد صحبى
كان حارق و العربيه طايره و بابص فى العداد لقيتو 60
قلتلو بقولك ايه يا حسن براحه لا يجلها برد من كتر الهواء يا راجل دنتا راكب نفاسه
قالى اى خدمه
ههههههههههههههههه

ههههههههههه
كان ناقص يقول لك ربنا يكرمك و تبيع اللي معاك و تجيب حته زيها