مدام اصبحنا فى دوله فوضى وشريعه الغابه والقوى وصاحب النفوذ بيعمل اى حاجه ومفيش تخطيط فى اى حاجه يبقى اللى عاوز يعمل حاجه يعملها ،واحيى تايلر على مصطلح( شلولخ) فأنه جامع شامل لكل صفات ذلك الرجل
مدام اصبحنا فى دوله فوضى وشريعه الغابه والقوى وصاحب النفوذ بيعمل اى حاجه ومفيش تخطيط فى اى حاجه يبقى اللى عاوز يعمل حاجه يعملها ،واحيى تايلر على مصطلح( شلولخ) فأنه جامع شامل لكل صفات ذلك الرجل
كان فيه موقف حصل قدامى نجمه سينما مشهوره من الفنانات الكبار فى السن ركنت فى شارع فرعى متفرع من عند موبيل اون ذا رن صلاح سالم المهم طبعا الشارع ضيق جدا فركنت البى ام قدام معرض بتاع كاوتشات فالراجل صاحب المعرض مش واخد باله منها وبيكلمها كل ذوق بيقولها دة مكان اكل عيش ارجوكى اركنى فى مكان تانى المهم قعدت تقوله مش هحركها وورينى هتعمل ايه وكانت بتتكلم بكل تعجرف ومستخبيه ورا النظارة الشمس .المهم سابته ودخلت العمارة راح جى بواب العمارة اللى دخلتها وقالله ده الفنانه الفلانيه لقيت الراجل قعد يضحك ويقول لا حول ولا قوه الا بالله
ايوة يا جماعة بس الشارع مش ملك حد طالما مفيش جراج في العمارة
وانا مش المفروض انجم و افتح المندل قبل ما اركن عشان اعرف المكان ده بتاع حد ولا لأ .. كل واحد بيفتكر الشارع بتاعه
انا حصلي موقف اكثر هزلا من ده .. اما الجراج اللي كنت بركن فيه اتباع و بقيت اركن تحت البيت .. واحد صاحب سوبر ماركت تحت البيت جاي يقولي متركنش هنا تاني (و انا مش بركن ادام المحل بتاعه) .. قلتله ليه خير إن شاء الله ؟ قاللي عشان انا بكنس الصبح و اسيب الزبالة لعربية الزبالة مكان ما بتوقف عربيتك .. !!!!!!!!!!!!!!!!!!!
ونبي ده اقوله ايه !؟ قلتله و الزبالة بقي أهم من إن جارك ميركنش تحت بيته ؟ طب بص انا هسيب الركنة دي فاضية .. و هركن ادام محلك .. ما اصل الشارع ده بتاعك.. و اهم حاجة الزبالة تتلم .. طالما مفيش ضمير و مفيش حد بيراعي ربنا في اللي بيقوله ولا اقولك .. انا هاخد العربية اركنها في الصالون في البيت!
و بصيتله بصة احتقار و سيبته و طلعت و لسة بركن في مكاني
يا جدعان و الله قليل الذوق ما ينفع تكون محترم معاه ابدأ ..
ممكن بعد اذنك تقولنا هي مين؟اقتباس:
كان فيه موقف حصل قدامى نجمه سينما مشهوره من الفنانات الكبار فى السن
دة رد فعل طبيعي ...واحد نواتج الزحااااااااااام..
يعني شوفوا الكثافة السكانية في القاهرة قد اية...
يبقي ازاي الناس هاتعيش هي وعربياتها في مساحة محدودة جدااااا من الارض...
لازم يحصل صدام...وخناق ومشاكل....لان من الاول ما فيش تخطيط..
يعني برج فية 40 شقة....وعلي مساحة 500 متر مربع....علي الاقل هايبقي فية 40 عربية عايزة تركن تحت منة...وقدام المحلات وقدام باقي الابراج ايلي في المنطقة.....وبالتالي ...يحصل صدام الحضارات (الابراج)
وعلشان كدة....ناس كتيرررر جدااا سابت مدينة نصر....وهاجرت للقاهرة الجديدة...علي الاقل هيلاقي مكان يركن....
المشكلة ان في عز ما الواحد بيسب و يلعن في البلد الضهر .. اما بينزل الساعة 2 بالليل او الصبح بدري ساعة الشروق كدة و الدنيا فاضية و الناس نايمة .. و الناس اللي صاحية بتضحك و رايقة .. يحس ان البلد بقت حلوة تاني و الدنيا احلوت فجأة .. البلد دي الواحد مش فاهملها
اهه في دي بقي .. معاك حق .. لما تنزل ساعه الروقان كده بتلاقي الجو اخر حلاوه ... يبقي نفسك ماتنامش و الساعتين دول مايعدووش .....
جربت انا الحوار ده..
و اللي احلي من كده بقي .. اما تيجي بعربيتك تقعد علي شاطيء بورسعيد او اسكندريه الفجر .. لا تلاقي حد بيجر شكلك علشان مكان للركنه ولا غيره .. و تلاقي نفسك عمال تشم في هواء البحر و العمليه ريلاكس .. و عربيتك قاعده جنبيك .. و السماكين قاعدين يطلعوا السمك من البحر .. و انت قاعد تتفرج ..
... No Comment ...
السؤال بقى المهم لو نزلت ولقيت حد راكن صف تانى وقافل عليك ورافع فرامل اليد او جايب الفيتيس على p هتعمل ايه ومش عارف توصله او تعرف طريقه