المشاركة الأصلية كتبت بواسطة gebreel
انا بقى في مرة كنت في التجمع الخامس يوم جمعة و الصلاة وقتها جه فرحت جامع اللي عرفت بعد كدة ان مرسي بيصلي فيه و قعدت ادور على ركنة ملقتش لحد مالقيت مكان فيه محلات كثير و قدامها بارك مفتوح تقريبا لخدمة المحلات دي و دخلت ركنت عربيتي صح و الدنيا زي الفل
البارك ليه مدخل و مخرج واحد و مرسي بعد الصلاة وقف يخطب في الناس و انا خرجت اشوف مصالحي الالقي المنظر كالاتي
مدخل الجراج اللي هو المخرج بردو و على شكل نص دائرة واقف فيه عربيتين كارينز و عربية فيرنا و عربية كمان مش فاكر نوعها و صف ثاني وراهم ياريس نبيتي
انا دورت و قلت هشوف اي خرم ابرة اخرج منو ملقتش
انزل اسأل بتوع المحلات ميعرفوش
شوية و جه واحد ثاني بردو مزنوق معايا و اتنرفز جدا و نحاول نزق العربية مفيش ... نفتح الباب مفيش العربيات كلها هاند بريك و p و نلاقي الست بتاعة الياريس تيجي و تفتح العربية نقول هتمشي تطلع بتحط حاجة في العربية و تقفلها و تمشي " يا استاذة ... يا ستي ... يا حاجة" مفيش ولا معبرانا لحد ما جت ثاني الراجل الثاني اتجنن عليها و راح قلها نخلي عندنا دم و انتي واقفة صف ثاني ورا المخالفين و احنا واقفين صح و مش عارفين نخرج الخ ...
الست فضلت بصة للراجل بصة احتقار و دورت عربيتها و رجعت وقفتها صف ثاني بس بعيد عن العربيات دي
شوية و جه صاحب العربية اللي مش فاكر ماركتها و نيجي نكلم الراجل فضل باصصلنا لحد ما خلصنا كلام و بنقله ينفع يعني كدة راح بكل تناكة رادد اه ينفع و قفل عربيتو و دور و مشي بكل برود
بعد كدة جه واحد من اصحاب الكارينز و طلع من غير ما كلمناه و دي كانت تطلعنا انا طلعت و الراجل الثاني صمم يجيب كاوتش العربيات الثانية على الارض و سيبتو بيفضلهم كاوتش العربيات بمفتاحه
البردو بجد بقى سمة من سمات الشعب المصري