متابع
رقم العضوية : 32408
تاريخ التسجيل : 08Feb2009
المشاركات : 219
النوع : ذكر
الاقامة : Heliopolis
السيارة: تيجو 2000سي سي مو 2010
السيارة[2]: كرولا77 ثم هيونداي98 ثم نيوبيرا2001
دراجة بخارية: لا
الحالة :
السلام عليكم:
انا معايا تيجو 2010 2000سي سي وضماني يخلص ان شاء الله اكتوبر الجاي
انا مش بمشي بيها كتير عامل 20000كم بس
المهم:
كنت بعمل صيانة من سنة زيت وفلتر وكان في صوت من الشكمان وساعتها قالولي مش كل الشكمان بيدخل في الضمان هنشوف ونقولك...طبعا ساعتها الفار لعب في عبي وقلت هيلبسوني الموضوع إلا انهم بعد الكشف قالولي دي العلبة الوسطانية وهتدخل ضمان وفعلا غيروها....مرت سنة ورحت من شهر كدة صيانة كبيرة شوية زيوت وفلاتر وبوجيهات وتيل فرامل وسير الكاتينة...بالصدفة قبلها بيومين الشكمان رجع يعمل نفس الصوت فلما رحت الصيانة قلتلهم عليه رد علي مهندس الأستقبال وقالي ان مدة ضمان اي قطعة غيار تم تغييرها عندهم هو 20000كم او 6شهور ايهما اقرب طبعا نا استنكرت ده فقالي هيخليهم في الورشة يكشفوا
ويردوا رد نهائي ضمان ولا لأ
المهم:بعد فترة ردوا وقالوا هيعملوها ضمان بردو لكن القطعة مش موجودة دلوقتي واتابع بعد اسبوع....لما العربية خرجت لقيتهم عملوا المطلوب ما عدا التيل لأنهم كشفوا ولقوه كويس وسير الكاتينة انا مرضتش اعمله اصلا دلوقتي
مر اسبوع واسبوع واسبوع وانا بتابع لكن القطعة ماجاتش....ولأني المفروض اسافر بالعربية ومش معقول امشي بيها كدة فرحت رايح التوكيل(ابو رواش) وقلتلهم عاوز اقابل مدير المركز....الحقيقة ولاد الحلال دلوني على مهندس محترم وطيب كان مدير خدمة العملاء حكيت له الوضع والظروف فأتصل بالمخزن قالوله في واحدة بس....دخلت العربية وخلال ساعتين خلصت الحاجة ومشيت بعد ما شكرته
السؤال:برغم الكلام الكتير عن انهم وحشين وانهم كتوكيل مش قد كدة لكن الموقف ده وغيره خلاني اشوف العكس ليه؟
اولا كان ممكن يقولوا انها مش ضمان
ثانيا كان ممكن المرة التانية يتمسكوا بموضوع ال6 اشهر ويعملوها على حسابي علما بأنها تمنها عندهم 427ج
ثالثا كان ممكن يفضلوا يقولوا القطعة ناقصة لحد الضمان ما ينتهي
رابعا لو عاوزين يفتحوا شغل كان ممكن يغيروا التيل وهو فعلا مفروض يتغير في الأتوماتيك على 20000كم لكن قالوا كويس وسابوه
خامسا: تحليلي ده صح ولا انا طيب زيادة عن اللزوم ولا المسألة حسب الشخص اللي بتقابله هناك وللا ايه؟؟؟؟؟ ايه آرائكم
الحاجة الوحيدة اللي خرجت بيها من خبرة معاملة معاهم سنتين تقريبا هي المبالغة في الأسعار في بعض الحاجات لذلك بعد الضمان ان شاء الله ناوي اعمل برة الحاجات العادية وربنا يستر وما احتاجش لحاجة اكبر
م.ياسر
رقم العضوية : 10617
تاريخ التسجيل : 13May2008
المشاركات : 2,422
النوع : ذكر
الاقامة : محافظة الغربية
السيارة: NileMotors
السيارة[2]: Suzuki SWIFT 1994 Japan
دراجة بخارية: Phoenix
الحالة :
متابع
Dr. Mostafa
رقم العضوية : 122945
تاريخ التسجيل : 10Apr2012
المشاركات : 982
النوع : ذكر
الاقامة : Zagazig
السيارة: kia cerato 2012 high line
السيارة[2]: كانت Skoda Fabia 2004
دراجة بخارية: M3andish
الحالة :
والله العربيات الصينى فاضلها تكة جودة وتقفيل + وكيل محترم يراعى العربية وميسوأش سمعتها + عمل سيارة متينة فى الفئة السعرية 40 ألف زيرو ومحدش يقولى great whale والكلام ده + عمل سيارة برستيج فى الفئة السعرية 200 ألف زيرو ومحدش يقوللى brilliance جالينا
ولو حصل ده والله الدنيا هتتغير والماركات الأصيلة زى سكودا ونيسان وتويوتا وغيرها هتحترم نفسها فى الأسعار
تنويه هاااااااام " مش عن المفقودين " :
أنا لا أقصد أن great whale والــ brilliance جالين عربيات مفستكة بس أقصد عربيات مخدومه بحق الله
إستثناء واجب " نيسان صنى 2013 " سعرها منافس للغاية بغض النظر عن التفاصيل
وبالنسبة للى حصل معااااااااااك فى التوكيل أتمنى إن ميكنش حالة خاصة ولو التعامل فضل كده ....... يبقى
الدنيا هتمطر بتنجان ...... عشان الدنيا مسقعة
رقم العضوية : 120598
تاريخ التسجيل : 17Feb2012
المشاركات : 7,632
النوع : ذكر
الاقامة : المنيا
السيارة: لا يوجد
السيارة[2]: Megane II 2007
دراجة بخارية: عجلة فاين آند فاين
الحالة :
المبالغة فى الأسعار سمة كل التوكيلات يا باشا لكن اللى عملوه معاك دا حقك ومش بيتفضلوا عليك بشئ
رقم العضوية : 32408
تاريخ التسجيل : 08Feb2009
المشاركات : 219
النوع : ذكر
الاقامة : Heliopolis
السيارة: تيجو 2000سي سي مو 2010
السيارة[2]: كرولا77 ثم هيونداي98 ثم نيوبيرا2001
دراجة بخارية: لا
الحالة :
السلام عليكم:
متشكرين يامعلم على مشاركة حضرتك و ليا تعليق ::::
والله العربيات الصينى فاضلها تكة جودة وتقفيل
في النقطة دي..المهندس المحترم اللي قعدت معاه فتحت معاه الموضوع ده قالي حاجة غريبة اوي!!
قال:ان في حاجة اسمهاTollirance & Fit Map
بمعنى خريطة معينة للتقفيل والتفنيش ودي الشركة الأم بتحتفظ بيها طالما انت مش واخد كل العربية من عندها
يعني في اللإسبيرانزا ابو الفتوح واخد نسبة 40%منتج مصري....الفرش و العجل ووووو
فالبتالي شركة شيري تعتبر ان خريطة التقفيل ملكية فكرية لها ومتديهاش للوكيل برغم ان في مشرفين من عندهم هنا بيراقبوا التجميع
وده كله علشان يرخص في العربية قدر المستطاع ويعرف ينافس بحاجة صيني امام اللي في البلد حاليا....ده كلامه والله اعلم
وبالنسبة للى حصل معااااااااااك فى التوكيل أتمنى إن ميكنش حالة خاصة ولو التعامل فضل كده ....... يبقى
الدنيا هتمطر بتنجان ...... عشان الدنيا مسقعة
ربنا يهدي وكلنا نحترم بعض
بس حقيقي في ناس كتير بتشتكي
م.ياسر
رقم العضوية : 86015
تاريخ التسجيل : 16Jan2011
المشاركات : 847
النوع : ذكر
الاقامة : Banha
السيارة: No
السيارة[2]: Speranza M11
دراجة بخارية: No
الحالة :
انا عملت تصويت نص نص بس مقصدش منه ان خدمتهم نص نص ولكن لان الخدمة هناك لاحظت انها بترجع لاكتر من حاجة:
1. اليوم اللى انت رايح فيه زحمة ولا فاضى .. لو فاضى بيدولك حقك والخدمة تكون ممتازة انما لو زحمة بتكون خلطبيطة
2. سوء التنظيم فى التوكيل ولكن فى اخر صيانة ليا من 3 شهور لاحظت انهم غيروا النظام فى الاستقبال خالص والموضوع بقى ارقى
3. المهندس اللى بيتسقبلك .. بدون ذكر اسماء كلهم هناك ممتازين واخلاق فيما عدا مهندس واحد مش هقول اسمه انا مش بقبله لله فى لله لان عملت معاه صيانة اول الف وكان زبالة بصراحة لا عجبنى طريقته فى التعامل ولا شخصيته اساسا
أعتقد أسوأ حاجة فى التوكيل هو عدم توافر قطع الغيار لشهور .. مثلا انا احتاجت بلى بطاحات على الضمان اتغير بعد 6 شهور! حاليا منتظر ماستر دبرياج علوى محجوز من شهر يناير اللى فات ولسه لو يتوفر!
وجهة نظرى فى الموضوع هو ان افرض ان عربيتك محتاجة قطعة غيار ضرورية عشان تقدر تمشى بيها ومتكونش موجودة لشهور يعنى تفضل راكن العربية مثلا شىء مش منطقى بالمرة!
غير كده اعتقد انهم كتوكيل اداؤهم جيد انا مشوفتش منهم حاجة وحشة غير بس عدم توافر قطع الغيار
تحياتى للجميع
المفضلات