و الله يا جماعه احنا لو جينا لاصل المشكله هنتلاقي ان البيت هو سبب المشكله ... لو كل الاهالي ربت ولادها علي غض البصر و ربت بناتها علي الحشمه و العفه مكنتش هيبقي في مشكله
عرض للطباعة
و الله يا جماعه احنا لو جينا لاصل المشكله هنتلاقي ان البيت هو سبب المشكله ... لو كل الاهالي ربت ولادها علي غض البصر و ربت بناتها علي الحشمه و العفه مكنتش هيبقي في مشكله
اولا البس ده موضوع نسبى ممكن تكون واحده محجبة ولبسها واسع فى نظر البعض محتشمة وفى نظر ناس تانيه متبرجة
رأيك انت حر فيه وقد يكون صح وان البس ده غريب عن المجتمع بتاعك والبيئة الى انت عايش فيها وده على فكره رأى انا الشخصى ومقتنع بيه,
انما فى نفس الوقت الى يقول اذا كانت هى بتليس لبس مش عاجبنى يبقى تستاهل ان حد يتحرش بيها يبقى انت لما تنزل البحر بمايوه ويجى حد ليه فى الخشن يتحرش بيك متزعلش,
الى بيقول ان أكيد الى بتلبس كده بتبقى عايزه تتعاكس يبقى متزعلش اما تلبس شورت عشان تروح تلعب كوره والناس تقول عليك ده اكيد لابس شورت علشان عايز يتشقط,
الى بيقارن مابين حريه شخصيه فى اللبس وحرية شخصية فى التحرش كأنه بيقارن ما بين الحرية الشخصية فى انك تشرب سجاير بالحرية الشخصية فى انك تطفى السجارة فى عين اى حد ماشى فى الشارع وتعميه,
شايف ان الى بيتحرش ببنت لابسه مفتوح فى الشارع عشان محروم وشكلها مستفز معذور, يبقى متزعلش لما تنزل بعربيتك وواحد معندوش عربية يسرقها عشان عربيتك شكلها مستفز بالنسبه له ويبقى برده معذور,
طبعا البس الضيق والقصير حرام اسلاميا بدون مجادلة, بس انت مش عايش فى بلد كلها مسلمين, ولو مسلمة, انت دينك أمرك انك تعاكسها او تتحرش بيها? ولا أمرك انك تغض بصرك؟
اخلاقيا هى حره تلبس الى هيا عايزاه وانت متضايقهاش,
دينيا ربنا الى هيحاسبها مش انت,
بص لنفسك قبل متحاسب الناس التانيه, اعرف ان مش معنى ان فى بنى أدم مختلف عنك فى اى حاجة يبقى ده مبرر انك تحكم عليه وتقيمه وممكن يكون هو او هى احسن منك عند ربنا.
قلة التربية المتدينة هيه سبب كل دة.بس قله ادب البنت وتبرجها مش مبرر ابدا ان الولد يتحرش .
و برضه الدين المسيحي بيدعوا للبس الواسع الفضفاض و للحجاب ... الموضوع ملوش علاقه بالدين علي فكرهاقتباس:
بس انت مش عايش فى بلد كلها مسلمين
صح, بس كل واحد بيفهم الدين بطريقته, فى ناس مقتنعه ان المسيحين لازم يتحجبو مادام قاعدين فى بلد اغلبيتها مسلمين وان شعر البنت ده فتنه, زى ما برده فى ناس فى اوروبا مقتنعين ان النقاب والحجاب ده المفروض يتمنع مادام فى دوله اغلبيتها بوذيين او اى ديانه تانيه.
حضرتك بتدافع عنهم وكأنهم مظلومين مثلا
هو حضرتك معندكش فكره عن تفكير البنات دى ولا ايه؟؟
دى بتعمل حاجه متأكده انها حرام واكيد خارج حدود الادب ..تبقى هى المسئوله عن ما يحدث بعد كده
شوف يا باشا طريقه المشيه + التسبيل اللى بيسبلوه لاى واحد فكافيه او معاه عربيه + اختلاق اى موقف عشان تتعامل مع الشخص دا ومعظمها مواقف مبتذله جدا + اكتر حركه بتضايقنى ( عربيه الستات فالمترو فاضيه ودى تيجى هى وصاحبتها تقف وسط الرجاله )
انا مبقولش هنزل اعاقب واتحرش لان انا اساسا دينى واخلاقى عمرهم ميسمحولى بدا
بس فنفس الوقت لو الولاد اتحرشو يبقو مضايقوهاش ... مش انتى عايزه كده ونازله لكده .. خلاص لكى ما تريدين
من الاخر
البنت غلطانه عشان بتلبس كده وسمحت لنفسها تعمل ما هو اكثر من مجرد لبس .. ودها يرجع لسوءالتربيه وقله الدين
المتحرش غلطان عشان برضه ما حطش قدامه ان دا حرام .. ودا يرجع برضه لسوء التربيه وقله الدين
بس مع الفرق ان البنت اللى سمحت للولد انه يعمل دا
وموضوع الشورتات والمايوهات دا يا باشا حاجه مينفعش نستدل بيها خالص يعنى فالكلام دا
بس لو عايزين مجادله بقى وكلام ميخلصش هقولك ان الشورت للراجل حرام عشان بيكشف على عورته هو كمان
وعلى فكره يا باشا انا مش مضطر اقولك انا عندى شقه فين فالقاهره وبصيف فين كل سنه عشان اثبتلك انى مش من كوكب تانى