الموضوع اتطور يا كبير ووسع مننا شامم ريحة البوليس ههههههههههههههههههههههههه هه
عرض للطباعة
آه صح هحكى موقف نثقل بيه الموضوع بتاعنا لأكتر من مرة شفت منقبة لابسة عباية ملونة وضيقة وشيك قوى وجزمة ماشية طق تك طق تك والعباية دى مفتوحة من تحت مع عند الساقين عشان تدى براح فى المشى والشنطة فى إيديها والنقاب بقى مرسوم رسم على وشها مش خيمة وعينيها واضحة وضوح الشمس فيها مكياج سحر لونه متناسق مع العباية والنقاب طبعا أنا ركزت وبحلقت مقدرتش أقاوم الجاذبية وللعلم شفت كذا مرة منقبات نفس الاستايل دا خصوصا عندى فى الجامعة أنا بحس ان النوع دا بيحب يجرب وسيلة جديدة بما إن الراجل فضولى تجاه المرأة فهو عايز الشئ المميز والمختلف يعنى سهل ممتنع لا أنت شايفها ولا هى منقبة !!!!!!! وفعلا دا اللى بيحصل معايا مع الفئة دى من البنات :)
أحياناً ، باحمد ربنا انه مارزقنيش ببنات فى مجتمع زى مجتمعنا ..
موقف كمان بس المرة دى عشان نربط الموضوع بالسيارات والكلام يحلو النهاردة الساعة الحادية عشر ونصف كنت فى المنيا المحافظة أنا ووالدى وإخواتى المهم واقف راكن العربية ودايخ وتعبان ولقيت بنت من إياهم اللى بنحكى عليهم دول جاية بعربية مخدتش بالى منها بكانتو ولا آ تن اللى شدنى البنت نفسها عربيتين راكنيين باسات وإلنترا وشهم للرصيف وضهرهم للشارع الشارع دا واسع يعنى قوى المهم هى قربت بسرعة وراحت هتلف من عند العربيتين وهوب إخبطى العربية الإلنترا من ورا فى الإكصدام تعمل إيه ؟؟ تستنى ثانية وتكمل تخبط الباسات وأنا كلاكس بيب بيب ولا الهوا المهم راحت رجعت تانى لورا عشان تفك الملحمة اللى عملتها وجاية عليا رحت شاورتلها وبرضه بيب بيب الحمد لله بصتلى وضحكت ضحكة رقيقة وأنا كنت هشد فى شعرى بس غصب عنى ضحكت وهى مشت تانى يعنى مش عارف ايه اللى عملته دا حتى ما نزلتش من العربية شافت إيه اللى حصل وكل دا محدش واخد باله غيرى نزلت أنا أشوف اللى حصل للعربيتين الإلنترا حكة خفيفة قوى تكاد تكون مش باينة والباسات محصلهاش حاجة من كرم ربنا على أصحابهم للعلم أنا مش سواق قوى على قدى لسة متعلم جديد مرة رجعت ريحت على عربية نزلت شفت المنظر كنت هعيط :)
موضوع مكرر ونفس الردود وبرده مش هنوصل لحل ولا هنعرف مين اللي غلطان
بس الناس اللي بتقول بره اكيد بره مفيش مقارنه ليه بقه لان اصلا بره ارخص حاجه هي البنات!! ايوه ارخص حاجه هي البنات يعني الراجل بره لما يشوف وحده تعجبه وتثيره اوي بيكون قدامه كذا حل اما انه يتعرف عليها بكل سهوله ويقضوا ليله حلوه مع بعض او لو البنت ما وافقتش سهل انه يجيب اي بنت من الشارع ويطلع فيها الاثاره اللي حصلت له
ولللاسف ها في مصر عاوزين يوصلونا لنفس الحال ده بالحريه الشخصيه والهرتله دي
بالنسبه لفتره الستينات اللي كل واحد ماسكها
فتره السبعينات او اواخر الستينات دي اصلا كانت فتره انحراف وانحلال تااااااااام واظن افلام الفتره دي تشهد بكده
واللي يقولك ماكانش في معاكاسات مع ان اللبس كان ميني وميكرو اقوله اطلع فوق واقرأ نفس الكلام اللي مكتوب فوق ده وهو نفسه اللي كان موجود في مصر في فتره من الفترات واعتقد ان بيوت الدعاره كانت مرخصه برده في فتره من الفترات في مصر يعني الفتره دي كانت فتره زي الفل
ده طبعا غير ان اصلا الجواز زمان في الفتره دي كان سهل جدااااااااا بمقرنه بدلوقتي
يعني من كل النواحي مفيش اي مقارنه بين فتره الستينات وبين دلوقتي
ولا بين بره وبين هنا
الموضوع دايره مفرغه ... منعرفش مين البادي ... الشباب المريض نفسيا اللي بيعاكس اي قطه معديه و لا البنات اللي لابسين المحزق و الملزق ؟ محدش عارف ... عموما الاتنين غلطانين
و انا مروح البيت ... ماشي في طريق سريع الساعه 2 بليل ... واحده ماشيه بسيراتو برضه ... عماله تشد و تهدي و انا مسقع وداني ... و لما اوصلها تشد تاني ... قمت شادد معاها ... مش عايز احكي اللي حصل ... بس هي لبست مطب لوز ... ركنت علي جنب ... قمت وقفت جنبها ... فقامت عملت حركه بذيئه بايديها و اخدت بصه زي بتوع بنت المستشار ههههههههههههههههه ... و نعم الاحترام فعلا ... يعني سهرانه في الشارع للساعه دي و كمان بتقل ادبها
ايه ده ؟ معدش في تربيه نهائي
زي ما قولت الرك علي اكياس الجوافه اللي بتربي
انا يا جماعه مش بأيد اللبس الخارج ده عيب و حرام و اعتقد كلنا اجماع على كده
المشكله في المناقشه ان فيه فريقين:
1- ناس بتنتقد و تشتم البنات و شايفه انهم يستاهلوا اللي بيجرى لهم و شبه مؤيدين لكده من باب العقاب ليهم
2-ناس شايفه ان دي حريه و ربنا الوحيد اللي يحاسب و المفروض الشباب يغض بصره
رأيي الشخصي ان لو كل واحد احترم خصوصيه غيره و خلاه في نفسه غيره برضه هيحترم خصوصيته عشان لو عايز تبقى محترم و محدش يتعرض لك انت و اهل بيتك لازم تحترم غيرك و تسيب الغلط للقانون الارضي او للقانون الالهي اما غير كده المجتمع هيبقى كله تحرش سواء جنسي او حقد او كراهيه و البلد هتضيع