عرض منصور على أوبل

**dede_dodo88** · 07-07-2012 03:07 AM

المشاركة الأصلية كتبت بواسطة kaaboo111

ممكن اعرف اشتريها ولا لا انا متردد بجد

المشاركة الأصلية كتبت بواسطة melagouze

توكل علي الله و اشتريها ......عربيه ممتازه بس هيه مش جرايه في اول 50 كيلو.....بس لو عايز تشد الاستبترونيك هيسعفك

بالظبط كده. الستيبترونيك هيسعفك لو حسيت أن العربية مش بتطلع بسرعة معاك.
أنا بعملها لما بهدي و أحتج أزود تاني بسرعة و أعدي من عربية.. بنقل على الستيبترونيك أسقط نقلة أو أتنين أجري بيهم بعد كده أرجع أوتو تاني..

العربية جامدة طبعاً و فرصة كويسة أستغل العرض ده لو عرفت تجيب التربو كمان يكون أفضل.
و تقريباً كده كده موديل 2013 هيبقى نفس الشكل هو هيزيد عليه السيدان بس..

**mohamed851** · 08-07-2012 12:06 AM

على فكرة انا عايز اضيف حاجه
دلوقتى كل العربيات الالمانى بتصنع اجزاء منها كتير وبتقفل عربتاتها فى بولندا
اصل بولندا ارخص عمالة فى اوروبا زى اليونان ورومانيا كدا
ومعظم الالمان من اصلهم بولندى زى كلوزه وبودولسكى لعيبة الكورة :)))

**ahmad--ezzat** · 08-07-2012 12:08 AM

للاسف الاوبل انتهت علي ايدين الوكيل

فين وفين لما الاقي حاجه جديده ماشيه ف الشارع

بقت زي الفولفو كده

**tananybasha** · 08-07-2012 12:37 AM

مش لدرجة الفولفو برضوا
هو احنا نطول

**ahmad--ezzat** · 11-07-2012 07:06 AM

المشاركة الأصلية كتبت بواسطة kaaboo111

افهم من كلمكوا ان السحب بتعها وحش ......................اوحش من الجتا والاوكتافيا والتكيف اية ظروفة

طبعا
وعلي فكره الاوبل الجديد تكييف 10 علي 10

**kaaboo111** · 11-07-2012 08:43 PM

السحب فى الاول تقيل زى الاوكتافيا............طيب بتجمع كويس بعد كدة

**melagouze** · 11-07-2012 10:36 PM

سحبها مش وحش ...احكم عليه بعد ال 5000 كم

العربيه جميله و مريحه جدااااااااااا....و كراسيها رائعه بجد ....انا لسه مسافر بيها 600 كم يوم الجمعه اللي فاتت ......عفشتها و ثباتها بجد رائع....

العربيه بجد جميله و العرض ده كويس جدا....منصور ما نزلش موديل 2012 السنه اللي فاتت الا في شهر 10....يعني بردو فرصه....و هو اما هينزل السيدان او الفيس ليفت....او عايز ينشط البيع....و نصيحه استغل العرض قبل ما ينتهي......لو انت مش هتبيع قريب......مش هتلاقي عربيه في السوق ب 170 الف هتديلك مميزات العربيه دي .....ممكن تفكر كمان في عرض ميتسوبيشي....انا شايفه فرصه كويسه.....انما لو بتسافر كتير...الاوبل و انت مغمض....ممكن تكلم كمان موزع معتمد ممكن يديلك خصم و خللي بالك ممكن اللون اللي انت عايزه يخلص ...خد قرارك بسرعه و ربنا معاك

**dede_dodo88** · 11-07-2012 10:52 PM

المشاركة الأصلية كتبت بواسطة melagouze

سحبها مش وحش ...احكم عليه بعد ال 5000 كم

العربيه جميله و مريحه جدااااااااااا....و كراسيها رائعه بجد ....انا لسه مسافر بيها 600 كم يوم الجمعه اللي فاتت ......عفشتها و ثباتها بجد رائع....

العربيه بجد جميله و العرض ده كويس جدا....منصور ما نزلش موديل 2012 السنه اللي فاتت الا في شهر 10....يعني بردو فرصه....و هو اما هينزل السيدان او الفيس ليفت....او عايز ينشط البيع....و نصيحه استغل العرض قبل ما ينتهي......لو انت مش هتبيع قريب......مش هتلاقي عربيه في السوق ب 170 الف هتديلك مميزات العربيه دي .....ممكن تفكر كمان في عرض ميتسوبيشي....انا شايفه فرصه كويسه.....انما لو بتسافر كتير...الاوبل و انت مغمض....ممكن تكلم كمان موزع معتمد ممكن يديلك خصم و خللي بالك ممكن اللون اللي انت عايزه يخلص ...خد قرارك بسرعه و ربنا معاك

+1
العربية سحبها ميعتبرش وحش.
بس زي معظم الألماني طلعته بتبقى تقيلة شوية بعد كده الدنيا بتظبط فوق, و الموضوع مش عامل معايا أي مشكلة و مش مضايقني خالص..
التكييف كويس جداً و مش بحتاج أعلي المروحة عن واحد.
مريحة جداً في السفر, بوصل بيها لـ210 و كأني ماشي على 60 باخد ملفات بسرعتي عادي من غير ما ألمس فرامل و العفشة تعتبر ناعمة.
و العربية كشكل و تصميم داخلي و خارجي تضرب أي عربية هاتشباك بالجزمة, الصراحة أحلى تصميم خارجي لعربية هاتشباك و العربية أكبر من الجولف على فكرة, و أشيك تصميم interior لعربية عموماً..

**kar!m** · 11-07-2012 11:12 PM

شوف ده رأي محمد في العربية .. عنده بي ام دبليو الفئة الخامسة.

المشاركة الأصلية كتبت بواسطة minicooper20

قالتلى برحتك
و روحت رايح للاسترا بصراحه العربيه دى لو سابت منصور هتكون قنبله الكام سنه الجين
قعدت فى العربيه و فتحت الكبوت ماتور محترم فينش هايل
و فى الاخر ندهت على السيلز بقولو الاسترا دى بكام
قالى بقا انتا تسيب الفليستر و تعجب بالاسترا اوى كده
قلتلو معلش خدنى على قد عقلى
قالى ب 185 الف

هو كان كاتب الكلام ده من شهرين