امبارح حصلى الموقف ده ....حرق دمى وطير راسي.......بس ربنا ستر

**dr.hany** · 22-06-2008 06:48 PM

انا بصراحه امبارح اتجننت.انا شاري الفليشيا بتاعتى من شهرين.المهم العربيه

الحمد لله موتورها سليم ومش محتاج اى حاجه ولا عمره ولا شنبر ولا دياولا.امبارح

كنت معزوم على فرح فى محافظه جنبنا ونضفت العيال:embarrassed2: ولبست الحته

الزفرة وطلعنا

بالعربيه ....مافيش 10 كيلو واسمعلك كركبه رهيبه كانها شاكوش بيخبط جوه

الموتور. بصراحه انا شكيت فى حاجات وحشه كتير تكون حصلت.قلت مابدهاش

روحت راجع تانى للميكانيكى بتاعها ومشيت على سرعة 20 والغريب ان مافيش

غير الكركبه بس والعربيه ماشيه عدله ومظبوطه.سمع الميكانيكى الصوت يا باشا

وقالى الصاعقه (الماكنه دى لازم تتحل يا بيه .البيل بتاع البستم شكله بووش )

قالتله وده حلله ايه...؟ قالى ممكن تحتاج كده لنصف عمرة او عمره كامله...بصراحه انا اتنكدت على الاخر .ده تمنها اللى شريها بيه لسسه مابردش.

المهم قلت امري لله حل يا عم.قال لصبيانه(حل يا واد انت وهو وش السليندر

وبعدين الكرتيره من تحت ) قالى هانحاول نشتغل والماكنه فى مكانها.المهم قاعدوا

ساعه فى حل الوش وبعدين رفعوا الوش ففوجئنا بحاجه لا تخطر على اى

بال..........لاقينا ورده على ظهر البستم من فوق وهى اللى كانت عاملة الخربطه

دي....دخلت اازاى.....معرفش الاسطى قالى العربيه شفطتها من الكربيراتيير

...حاجه غربيه لكن ربنا ستر واتلمت الليله كلها ب100 جنيه بس .

وماروحتش الفرح والحمد لله.وربنا يستر على الجميع

**fahd_628** · 22-06-2008 06:55 PM

بال..........لاقينا ورده على ظهر البستم من فوق وهى اللى كانت عاملة الخربطه

لأ بجد انا مش مصدق اذاى يعنى

الحمد لله انها جت بسيطة

**dr.hany** · 22-06-2008 07:02 PM

والله زى مابقولك كده...حتة ورده حديد وصوتها كان مبهدل الدنيا لان البستم كان بيخبط فيها بينه وبين الوش السليندر

المشاركة الأصلية كتبت بواسطة fahd_628

لأ بجد انا مش مصدق اذاى يعنى

الحمد لله انها جت بسيطة

**Xpert** · 22-06-2008 07:15 PM

اهم حاجه بقي ... انك مارحتش الفرح !
جايب العربيه علشان تروح بيها الفرح .. و العربيه ندلت !! دي بقي اكتر حاجه تحرق دمي بقي .. و تخليني ابقي عاوز اولع في العربيه ...
و عارف .. انا مره العربيه عملتها معايا و انا رايح بورسعيد ..التابلوه لقيته ولع و جاب دخانه من كل حته (اه البي ام) .. و انا ماشي في السكه ناحيه المطار ..دخلت الحرفيين و محدش رضي يشتغل فيها علشان كان بالليل ... رحت مطلع الطفايه بتاعه الحريق من الشنطه و حطيتها علي الكرسي جنبيا و كملت لحد بورسعيد .. انتقاماُ من العربيه هههههههههههههههههه

**mada121977** · 22-06-2008 07:17 PM

بجد اول مره اسمع عن الموضوع ده دى بتحصل واحد كل 10 مليون مثلا :)

الحمد لله انها جت على قد كده

**dr.hany** · 22-06-2008 07:41 PM

ههههههههههههههههههههههههه ههههههه

المشاركة الأصلية كتبت بواسطة fahd_628

لأ بجد انا مش مصدق اذاى يعنى

الحمد لله انها جت بسيطة

المشاركة الأصلية كتبت بواسطة Xpert

اهم حاجه بقي ... انك مارحتش الفرح !
جايب العربيه علشان تروح بيها الفرح .. و العربيه ندلت !! دي بقي اكتر حاجه تحرق دمي بقي .. و تخليني ابقي عاوز اولع في العربيه ...
و عارف .. انا مره العربيه عملتها معايا و انا رايح بورسعيد ..التابلوه لقيته ولع و جاب دخانه من كل حته (اه البي ام) .. و انا ماشي في السكه ناحيه المطار ..دخلت الحرفيين و محدش رضي يشتغل فيها علشان كان بالليل ... رحت مطلع الطفايه بتاعه الحريق من الشنطه و حطيتها علي الكرسي جنبيا و كملت لحد بورسعيد .. انتقاماُ من العربيه هههههههههههههههههه

**Mzeid** · 22-06-2008 09:10 PM

أموت و أعرف دي جت منين ..
إيه إتسحرت لوحدها كدة و لا حد عاملها عمل ..
سبحان الله مسبب الأسباب ..
:):)

**ahmedfawzy14** · 22-06-2008 09:14 PM

الحمد لله انها جت سليمة يا باشا

ومش مهم الفرح المهم انها مش عمرة ماتور

**cobraa2008** · 22-06-2008 09:18 PM

انا بقه حصل معايا موقف غريب نازل في امان الله اروح اشتري حاجة من الجيزة ورحت على خير والحمد الله وانا راجع اقيل البيت ب2 كيلو او قل لقتلك العربيية الحرارة بتاعتها زي الصارو خ لفوق وبلا توقف وانا لو ماقفتش العربية كان البتاع هيفضل يطلع لفوق لحد ما يطلع من الطبلوه اقلت يخربيت ده عربية وراحت راكن والله اعلم كان فيها ايه المهم قلت سيبها تبرد وانا واقف في الشارع الساع 2 الظهر والبيت اروحه 4 دقايق مشي قلت لا واسيبك في الشارع لايمكن واقول ما برديت را حت راكبها وقات يلا امشي وخدتها ورحت جبت بقيت اتلحاجت من المريوطية بس كل 100 متر اقف بس انا اساسا فضتة بيا من العربية المهم اعقدت امشي بيها وروحت في الاخر وحلفت عليها انها ها تمشي لو كان فيها اي جن ازرق لحد ماكتشف اللي فيها والحمد الله صلحتها
جبت ماسورة بلاستك تقريبا 25 سم وثروموستات عارفين بكام اقوله كده 150 جنيه اولاد الحرمية التزكيل مع العلم اني لفيت محلات قطع الغيار
ويلا شكلي طولت عليكم

**Ahmad Allawy** · 22-06-2008 09:22 PM

وف يا باشا..
ممكن يكون الوردة دي وقعت في الكاربيراتير و اي ميكانيكي بيعمل حاجة
عشان حصلت معايا قبل كده و طلع عين الراجل حبيبي اللي كان شغال فيها..
كان مهندس ميكانيكا ابو واحد صاحبي..
لحد ما طلعناها..كانت صامولة باين..
ولو كانت اتسابت في مكانها و مشيت و خلاص كانت عملت زي ما حصل معاك..

الموضوع: امبارح حصلى الموقف ده ....حرق دمى وطير راسي.......بس ربنا ستر

LinkBack

أدوات الموضوع

عرض

-

-

-

-

المواضيع المتشابهه

ربنا نجاني من حادثة موت الحمد لله - عايز تعليقاتكم على الموقف

دماغي مش في راسي

موقف حصلى ربنا لا يكتبه على حد ...الف حمد ليك يارب

تفتكرو الى حصلى ده يرضى ربنا حسبى الله ونعم الوكيل

خبطت واحده امبارح..بس الحمد لله ربنا ستر

الكلمات الدلالية لهذا الموضوع

المفضلات

المفضلات

ضوابط المشاركة