الموضوع: هى السيراتو بتسحب بنزين ؟؟؟

المشاركة الأصلية كتبت بواسطة kofta

يا جماعة انا مكتوب فى average : 16 liter / 100km انا شايف كدة بتسحب بنزيييين اوى

و الـ rpm مش بيعلى عن 3 و سواقتى هادية مش بجرى و لا بحرق

ايه رأيكم فى الكلام ده بقى

و هى بتعمل معاك كام كم فى الصفيحه ال 20 لتر او كام فى الفل تانك
انا حصلت معايا حاجه غريبه جدا مش فاهمها .
العربيه بعد ما كانت بتاكل بنزين .بقت بتوفر بالعبيط +بمشى هادى جدا على 80 او 90 و سعات 100 داخل المدن و سعات 60 الى 50 .+ 10% فقط تكييف لانى مبحبش التكييف اصلا .
لحد دلوقتى عدت ال 330 كم و لسه فاضل شويه قبل نصف التنك .يعنى انا استهلكت 3 شرط و نصف و فاضلى نصف شرطه علشان ابقى خلصت نصف التنك .
يعنى هى تقريبا هتعدى ال 360 او 370 فى نصف التنك .طبعا بالنسبه لى دا رقم جامد و متوسط الاستهلاك مكتوبلى 7.4 لتر لكل 100 كم .و بيقل مع المشى فى الطرق المفتوحه او فى غير الزحمه و بيزيد مع الزحمه و التكييف الى 7.8 او 7.9 لتر لكل 100كم .
انا كنت من فتره شلت كابلات البطاريه اكتر من 25 دقيقه .
و اظن لو اتعمل ريستارت للعربيه فى التوكيل هتعمل نفس المفعول .+ انى مونت من شل و هما الايام دى بنزينهم بيقعد كتير جدا جدا بطريقه غريبه .
اظن انى غالبا هضرب الرقم القياسى بتاعى القديم و هو 620 كم فى طريق السفر .
اظن انى ممكن اوصل ل 700 او 680 كم فى الفول تانك لحد اخره .و على فكره كمبيوتر العربيه قالى انى هجيب ال 568 كم اول ما فولت .و لكنى عديتها بكتير على حسب اللى انا شايفه و الله اعلم .
انا ال rpm عندى مبيعلاش عن 1.5 او 2 بالكتير الا فى حالات نادره .و بالكتير اوى اوى 2.5 قليل .

جرب كده تفصل كابل البطاريه نصف ساعه او اكتر .و مون من محطه نضيفه و جرب كده .
و ربنا معاك

المشاركة الأصلية كتبت بواسطة kofta

يعنى انا العربية فيها حاجة كدة ولا اعمل ايه بالظبط ؟

و لا رايك اوديها مركز صيانة يعملى عليها check كلها ؟؟؟

لا مفيهاش حاجه
جرب تفك كابل البطاريه عن البطاريه لاكتر من نصف ساعه .جرب و قولى كده هتعمل اه

المشاركة الأصلية كتبت بواسطة tito_ss

بسم الله ما شاء الله...ربنا يباركلك يا باشا...على فكرة أنا لسه مستلم العربية من 3 أيام ونفس الصورة دي بنفس الرقم ده بالظبط في أول تفويله (95) أول ما طلعت من التوكيل...بس اللي ملاحظة انه مش حقيقي أوي...عموما لسه ماخلصتش اول تفويله...أول ما أخلصه هشوفها عملت كام كيلو بالظبط....ربنه يديلك خيرها ويكفيك شرها

تمام
مشكور جدا و الف مبروك على العربيه و ربنا يباركلك فيها و يكفيك شرها
و منتظرين التقرير بتاع حضرتك عن العربيه و الصور .و اه الاضافات او الاوبشنز الجديده اللى فيها .
بالنسبه لرقم الكم اللى بيتكتب .هو سعات مبيبقاش حقيقى .يعنى مثلا هو كتبلى دلوقتى ببنزين 92 .كتبلى 568 كم لحد ما تفضى .و لكن الحقيقى اكتر بصراحه .يعنى انا عامل اقل من نصف التنك بحاجه بسيطه و عامل حتى الان 330 كم تقريبا .يعنى التفويله هتعدى معايا من 680 الى 700 كم فى الفول تانك داخل المدينه .و لو خارج المدينه فى سفر يعنى ممكن تعدى ال 700 كمان
و الله اعلم .
بس كل ده و التكييف مكملش 10% فقط او ممكن تقول من غير تكييف
بس انا رجلى خفيفه جدا جدا جدا على البنزين .و بسيب العربيه تتدحرج فى المنازل و كده .+كل الخطوات اللى مكتوبه فى القسم التعليمى لتوفير البنزين.
و منتظرين التقرير بتاع حضرتك عن العربيه و الاستهلاك